Notum sit omnibus presentibus atque futuris, quod ego Guido per dei graciam in sancta civitate Ierusalem Latinorum rex octavus assensu et volun- tate domine Sybille, uxoris mee, eiusdem regni venerabilis regine, concedo et confirmo tibi comiti Ioscelino, senescalco meo, et heredibus tuis in perpetuum omnes hereditates et redditus universos a domino Balduino Ierusalem Latino- rum rege sexto tibi datos et concessos et privilegio suo confirmatos, omnes eciam impignorationes, empciones, adquisitiones, quas idem dominus Balduinus privilegiorum suorum auctoritate tibi confirmavit. Concedo eciam et confirmo tibi1 et heredibus tuis in perpetuum quoddam casale Cabor nuncupatum cum omnibus pertinenciis suis, villanis, gastinis, terris quoque cultis et incultis, planis, montanis, quod a nobis quinque milibus bisantiorum comparasti, pro quo servicium unius militis mihi et meis heredibus facere teneris, et quandam domum in Accon, que ad feudum de Chabor pertinet. Insuper te ipsum, co- mitem Ioscelinum, et heredes tuos penitus absolvo a testamento, quod domina Agnes comitissa, mater domine Sybille, uxoris mee, Ierosolimorum venerabilis regine, tue fidelitati comisit, quod secundum iussionem ipsius domine Agnetis comitisse te scimus fideliter complesse, ea tamen posita conditione, quod nec3 tu nec heredes tui mihi aut meis heredibus de cetero iam dicti testamenti rationem reddere teneamini. Adhuc eciam concedo tibi, comiti Ioscelino, et heredibus tuis in perpetuum libertatem de toto zucaro tuo, quod habes seu habere debes apud casale tuum Lanahiam, ita quod de ipso zucaro et de eiusdem zucari melle tu et heredes tui ipsum zucarum et eiusdem zucari mel in Accon habere et vendere, cum vobis placuerit, possitis sine aliqua penitus iuris exhibitione et etiam in Accon adducere, cum volueritis, et ab Accon educere. Preterea concedo tibi, comiti Ioscelino, quod, si decesseris, antequam filie tue ad annos nubiles perveniant, in decessu tuo filias tuas et universam terram tuam, sub qualicunque manu et custodia volueris, salvo meo servitio ponas atque constituas. Et ut hec concessio et confirmatio mea tibi et here- dibus tuis rata permaneat in eternum, et indissoluta, presentem paginam testibus subscriptis et sigillo meo muniri feci. Huius rei testes sunt: dominus Eraclius, Ierusalem venerabilis patriarcha; dominus Ioscius, Tyrensis archiepiscopus; dominus Monacus, Cesariensis archiepiscopus; dominus Letardus, de Nazareth archiepiscopus; dominus Bernardus, Lyddensis episcopus; dominus Radulfus, Bethleemita episcopus; dominus Odo Beritensis episcopus; dominus Girardus, milicie domus Templi magister; dominus princeps Rainaldus; Haymericus, constabularius regis; Milo, regis pincerna; Petrus de Creseca; Goscelinus Yrcus; Anselinus Babini; Gaufridus Tortus; Guillelmus de Molembec. Factum est hoc anno ab incarnatione domini m° c° lxxx° vi° indictione iiii°. Data Accon per ma- num Petri domini regis cancellarii Liddensisque archidiachoni xii kal. novembris.

I, 10v. n. 15. 1. tibi et confirmo B. 2. supplevi.