Kazimirus Dei gracia r[ex Polonie], magnus dux Lithwanie, Russie etc., significamus tenore presencium universis, quibus expedit, quomodo in nostra ac prelato[rum et] baronum nostrorum constituta presencia serenissima princeps domina regina, genitrix nostra carissima nostram maiestatem petivit cum instancia, ut ipsam in eo et eodem iure, in quo eam serenissimus princeps diue et recolende memorie geniter noster carissimus morte reliquit, remanere et conservare dignaremur, quod omnes et singuli mercatores, inscitores et vectores cum ipsorum mercanciis, bonis et rebus quibuscumque de terris Russie seu Belzensis per civitates et opida, videlicet Hrubyeschow, Crassnistaw, Lublin, Kazimiriam et demum per Swolen ac per civitatem ipsius Radomiensem stratis antiquis et consuetis ad terras Maioris Polonie ac Wratislaviam pergebant et ambulant, in quo iure prefatam dominam genitricem nostram [per]manemus et ad dies vite sue extremos conservamus. Huiusmodi transitum mercatorum per civitates, opida ac stratas consuetis, superius descriptas approbantes volumus eciam, ut cives nostri Lublinenses et ipsorum mercatores, inscitores et vectores cum ipsorum mercanciis, pannis, bobus, ceris, pallibus et aliis rebus et bonis quibuscumque memoratis stratis seu viis usque per civitatem Radomensem proficiscantur, de Radom vero versu terras Maioris Polonie per Przitik et Inowlodz, Wratislauiam autem per opidum Opoczno iter continuando in eundo et redeundo pergere ac transire debent, unde vobis omnibus et singulis capitaneis, tenutariis, burgabiis, procuratoribus, woyewodis, magistris civium, consulibus c[ivitatu]m et opidorum, teoloneatoribus, passuum navigiorumve custodibus et ipsorum vicesgerentibus, ubilibet in regno consisten[tibus nostris fi]delibus dilectis mandamus strictissime precipientes, quatenus pretactos cives nostros Lublinenses et ipsorum mer[catores] et vectores cum eorum bonis quibuscumque, stratis seu viis prescriptis proficiscentes secure, sine quovis imp[edimento] [...] permittatis totiens, quotiens opportunum fuerit permitti faciatis, secus non facturum gracie nostre sub [obtentu. Harum q]uibus sigillum nostrum est subappensum testimonio litterarum. Datum Sandomirie, feria secunda in vigilia [Epiphanie], sub anno eiusdem millesimo quadringe[n]tesimo quinquagesimo. // 20 Relatio magnifici Johannis de Co- // 21 -nyeczpole Regni Polonie cancellarii.

Source Fulltext: Lublin w dokumencie / http://teatrnn.pl/lublinwdokumencie