In nomine Domini amen. Ad perpetuam rei memoriam, ne error oblivionis gestis sub tempore versantibus in posterum pariat detrimenta, alta regum et principum decreverunt consilia ea litterarum apicibus et testium annotacionem perhennari, ne lapsa tempori evanescant. Proinde nos Kazimirus Dei gracia rex Polonie, magnus dux Lythwanie necnon terrarum Cracovie, Sandomirie, Siradie, LLancicie, Cuyavie Pomeranieque dominus et heres Russie etc., significamus tenore presencium, quibus expedit universis, quomodo cupientes civitatis nostre LLublin incomodis atque dampnis, que per ignium, incendia noviter sustulit a[c] percepit ocurrere ac ipsius condicionem facere meliorem, ut tempore nostri felicis regiminis incre[m]enta suscipere valeat atque possit, ad instancisque et humiles peticiones civium civitat[is nostru]m fora annualia singulis annis quatuor in anno statuimus ex speciali prelatorum et baronum nostrorum consilio et consensu. Prim[um], videlicet pro festo Purificationis beate Marie [inc]ipiendo ab octo diebus ante ipsum festum Purificationis beate Marie et continuando ad alios octo dies ipsum festum immediate sequentes, dantes et concedentes hominibus omnibus et singulis seu mercatoribus ad ipsam civitatem LLublin convenientibus pro festo eodem plenam [et inte]gram facultatem merces ac res ipsorum, cuiuscumque generis fuerunt nihil speciei libere emendi et vendendi iuxta ipsorum et cuiuslibet eorum beneplaciti voluntatem sine cuiusvis de rebus mercionalibus thelonei aut alterius, cuiuscumque exaccionis in eadem nostra civitate solucionis, et hoc durante foro annuali, pro festo predicto. Secundum, videlicet pro festo Pentecostes secundum litteras et continencias privilegiorum ipsis per predecesores nostros datorum et concessorum. Tercium pro festo Assumpcionis beate Marie, quartam pro festo sanctorum Simonis et Iude. Perpetuo duratura decernentes et facultatem tribuentes omnibus et singulis hominibus et mercatoribus, cuiuscumque status, condicionis, dignitatis seu praeminencie extiterint, quod licite et sine quovis impedimento ac aresto huiusmodi fora ipsis per nos data et concessa visitare potuerint eorumque mercancias exercere et ipsorum res vendere, ac eciam comutare secundum, quod ipsis melius et utilius videbitur expedire, illo tamen non obmisso, quod omnes mercatores et homines hec alia duo fora pro festis Assumpcionis beate Marie et sanctorum Simonis et Iude visitantes ad solvendum thelonea, exacciones et alia iura ac consuetudines civitatis predictis tenebuntur et erunt astricti. Durabunt autem hec duo fora annualia pro festis Assumpcionis beate Marie et sanctorum Simonis et Iude in singulis annis duntaxat octo diebus, que omnia ipsis dedimus, concessimus iuxta consuetudines civitatis Cracoviensis circa hoc servari solitas et conscietas. Et vobis autem capitaneis, burgabiis, tenutaris, procuratoribus, viceprocuratoribus, theoloneatoribus, advocatis, consulibus, passuum locorumve custodibus et quibusvis aliis officialibus et subditorum eorum vicescongerentibus regni nostri, universis mandamus conditus. Omnes mercatores et homines fora annualia huiusmodi ire volentes et ipsa exercere sine omni impedimento permittatis et permitti faciatis gracie nostre sub obtentu. Harum quibus sigillum nostrum est appensum testimonio literarum. Actum Cracovie die dominico, in crastino sanctorum Petri et Pauli appostolorum, anno Domini millesimo quadringentesimo quadragesimo octavo, presentibus ibidem magnifici et generosi: Johanne de Czisow castellano et capitaneo, Johanne de Thanczin palatino Cracoviensi, Petro de Schamotuli Calisiensi, Hincza de Rogow Roszprensi, Johanne de Grandi Spiczimirzensi castellanis et Bartholomeo de Gori iudice, Petro de Peszkomascala succamerario Cracoviensi et aliis, quam pluribus fide dignis testibus circa praemissa. Datum per manus magnificorum Johannis de Coneczpolye cancellarii et Petri de Sczekoczini vicecancellarii Regni Polonie sincere nobis dilectorum. Relatio eiusdem magnifici Johannis de Coneczpolye Regni Polonie cancelarii et capitanei Siradiensis.

Source Fulltext: Lublin w dokumencie / http://teatrnn.pl/lublinwdokumencie