Nos Johannes Reichman advocatus provincialis iuris suprem Theutonici Meidburgensi castri Cracoviensi una cum septem scabinis iuratis, videlicet Raphaele, Mathia, Kamnigyser, Nicolao Schrolla consulibus Kazimiriensis, Mathia Przyacziel, Jacobo aromatorio, civibus Cracoviensibus, Johanne Zontayk de Kazimiria consule, Mathia smigmatore cive de Cracovia per serenissimum principem et dominum dominumc Alexandrum Dei gracia Polonie regem magnum ducem Litphanie, Russie Prussieque etc. dominum et heredem etc. dominum nostrum graciossimum ad id specialiter deputati, tenore presencium significamus universis et singulis quorum interest, quomodo sabbato post festum sancti Jacobi apostoli nobis in iudicio bannito exposito, in eam diem transposito, tunc presidentibus constituti, famosi domini Johannes Boner et Petrus Mornstein consules Cracovienses electi et constituti tutores per famosos dominos consules Cracovienses, tanque principales tutores orphanorum omnium et puerorum annos discrecionis non habencium, cum plenipotencia sufficienti consulari lecta, pro parte puerorum et filiorum olim domini Stanislai Mornstein querunt in iure an talis plenipotencia et tutoria habeat vigorem, vel quid sit iuris, ad quod decretum est, quod habet robur et vigorem de forma iure, que plenipotencia ad optata eorum ad acta nostra inscripta est. Et honesta domina Ursula relicta olim prefati domini Stanislai Mornstein per Erasmum Bethman electum iudicialiter tutorem ad audiendum et consenciendum forum contractus advocaciae Lublinensis hereditarie et ad alia, que sunt iuris necessaria faciendum de forma iuris. Ipsi itaque prenominati domini Johannes Boner pro tunc proconsul et Petrus Mornstein consul Cracoviensis, veluti tutores electi Georgy Mornstein iuvenis et Stanislaus Mornstein frater eius senior etatem et annos discrecionis habens, personaliter stantes elegerunt et constituerunt Rapahaelem Wyelopolszky in plenipotentem ad recognoscendum forum contractus occasione advocacie hereditarie Lublinensis factum cum duobus consulibus, videlicet honorabili domino Johanne Menzick artu presbitero et famoso Jacobo Koffman aliter Cayecl consule, plenipotentibus aliorum consulum necnon cum duobus de communitate Stephano aurifabro viceadvocato et Laurencio Kyelbassa scabino, plenipotentibus ex parte tocius communitatis civitatis Lublinensis et virorum aliorum in literis descriptorum, que plenipotencie, sentencia nostra mediante, confirmate sunt robur habere firmitatis. Quiquidem Raphael Wielopolszky tanque plenipotens sentencialiter constitutus dictorum dominorum, tutorum et puerorum supra descriptorum recognovit publice fori contractum inter eos factum tali modo. Quia prefati domini tutores una cum Stanislao filio seniore olim domini Stanislai Mornstein vendiderunt, foro mediante, advocaciam hereditariam Lublinensem de consensu dominorum consulum Cracoviensium, tanque superorum tutorum puerorum et orphanorum propter causas legittimas et necessitatem arduam et in comodum ac utilitatem predictis pueris olim domini ac utilitatem predictis pueris olim domini Stanislai Mornstein pro duobus milibus et quadringentis florenis medientum in regno Polonie currencium, per triginta grossos in quemlibet florenum computandum, ad octo ratas faciendum soluc[i]onem modis et condicionibus infra descriptis, quam quidem advoca[ciam] eis resignare debet liberam et nulli penitus censui obnoxiam hereditarie et iure pleno in perpetuum. Constitutus itaque prenominatus Raphael Wyelopolszky nomine et potestate, quibus supradictam advocaciam hereditariam Lublinensem totam ex parte Stanislai Mornstein senioris tanquam heredis et ex parte spectabilum dominorum Johannis Boner et Petri Mornstein tutorum, ut praemittitur, electorum Georgy Mornstein pueri etatem et discrecionem non dum habentes, de consensu et voluntate dominorum consulum Cracoviensium tanque principalium tutorum omnium orphanorum, et honesta domina Ursula relicta domini olim Stanislai Mornstein per Erasmum Bethman suum ad hoc iudicialiter electum tutorem, presentibus consencientes dictis dominis consulibus \et/ pleniotentibus consulum et tocius communitate civitatis Llublinensis cum omni iure dominio et proprietate, proventibus, fructibus, redditibus, utilitatibus, agris, pratis, pascuis, campis, gaiis, rubetis, silvis, nemoribus, carnificum pistorum calcipariorum, allicidarum ac aliorum quorumque artificum institis et maccellis, molendinis constructis et construendis et cum villa Bronowicze et eiusdem ville kmethonibus et eciam balneo in civitate Lublinensi sito, lacubus, fluviis, piscinis et earum piscaturis et generaliter cum omnibus et singulis dependenciis, concernentiis ad eandem advocaciam ab antiquo spectantibus pro ut ipsa advocacia in suis metis, gadibus et granicibus ita late et longe circumferencialiter iuxta originale privilegium fundacionis eiusdem limitata est et distincta, nichil in eadem penitus iuris proprietatis aut dominii pro se reservantes, pleno iure hereditario, liberam ab omni censu spiritualium et presertim altaris sancti Martini ad sanctam Barbaram in cimiterio ecclesie beate Marie virginis \in Cracovia/ siti, in perpetuum resignaverunt cum speciali consensu regie maiestatis per ipsos consules Llublinenses ac totam communitatem civitatis Lublinensis tenendam, habendam et possidendam et iuxta eorum beneplacitum convertendam dempta lapidea in circulo Lublinensi sita cum duabus areis in postico eidem adiacentibus, quam dicti pueri pro se totam et eorum posteris reservant, que eciam ad ipsam advocaciam nunquam pertinebat. Promittetis ipse prenominatus Stanislaus Mornstein sicut heres legittimus predictos consules et totam communitatem civitatis Llublinensis ab omnium personarum impedimento cuiuscumque status et condicionis extiterint occasione dicte advocacie tueri et defendere iuxta iuris Meidburgensis exigenciam. Et Stanislaus Mornstein frater senior promisit et se obligavit pro Georgio fratre suo iuniore, ipso veniente ad annos et etatem discrecionis, quod eundem vult constituere coram iudicio bannito supremo ad consenciendum et adherendum huic contractui vendicioni et resignacioni dicte advocacie iam facte, quem si tunc annos discrecionis habentem non constitueret extunc quodcumque dampnum consules Lublinenses et tota communitas ex inde perceperint, hoc dampnum debet esse ipsius Stanislai Mornstem eius successorum, et non ipsorum Lublinensium. Est que dictis consulibus et toti communitati civitatis Lublinensis in eandem advocaciam intromissio data per advocatum nunc pro ut ex tunc per ministerialem Stanislaum, nichilominus tamen pueri pr[ed]icti Stanislaus Mornstein et eorum provisores census omnes retentes ab hinc usque festo sancti Martini proxime venturum exigere et levare debent pro se omnibus que aliis bonis allodio frumentis, pratis ac pecoribus et utilitatibus pro mu[n]imento necessariis uti et frui debent equos tamen boves, vaccas, scrophas et universa pecora eis relinquere debent a festo sancti Martini proxime venturo, agros eciam omnes ad hiiemem seminandos frugibus conseminare debebunt et a festo sancti Martini inclusive. Consules Lublinenses et tota communitas civitatis Llublinensis intromissionem realem et possessionem in totam dictam advocaciam et eius dominium iuxta resignacionem recipere debent de forma iure, quam resignacionem huiusmodi et obligacionem ambe partes prefate ad acta regalia propter maiorum certitudinem et regie maiestatis consensum inscripserunt. Insuper prefati consules, plenipotentes cum aliis duobus tocius civitatis Lublinensis et communitate nomine pro dicta advocacia hereditaria se solucionem facere obligaverunt tali modo ita, ut pro prima rata, videlicet pro festo Purifcacionis gloriosissime Marie virginis proxime venturo, trecentos florenos in pecuniis paratis, ut premissum est, dare debent, demum pro secunda rata similiter trecentos florenos pro iam dicto festo beate Marie virginis Purifcacionis immediate sequenti daturi sunt et a a pecuniis penes se habitis, videlicet duobus milibus et uno censo florenis ratione usufructu et proventum ipsius advocacie, qua utuntur sine census, a quolibet censo per quatuor florenos unus, cum rata solvenda, se daturos astrinxerunt et sit consequent, pro predictis festis Purificacionis beate Marie virginis se proxime et immediate sequentibus. Pro qualibet rata per trecentos florenos una cum censu a summa resultante, per quattuor florenos a quolibet censo solvere debent irrecuse in pecuniis paratis et soluta rata ac censu. De summa resultante semper cen[s]us minorabuntur iuxta exterminacionem summe solvende usque ad plenariam et totalem solucionem summe prescripte, semper solucionem penes acta iuris supremi castri Cracoviensi faciendi. Si vero pro prima, secunda vel tercia ratis et pro aliis quibuscumque non solverint aut census non dederint extunc residuis ratis carebunt et privabuntur, sed pueri prescripti Stanislai Mornstein et eorum proniores aut successores eorum heredes in advocaciam hereditariam Lublinensem et eiusdem dominium totum nec non in villam Konopnicza se intromittere debent et intromittent plenario iure talia omnia prescripta tenendum, habendum, possidendum, utifruendum census et proventus omnes levandum, tollendum a kmethonibus et omnibus incolis ad talia spectantibus labores, servitia et universa dictam advocaciam et villam Konopnicza concernencia taliter habendum et utifruendm modo obligatorio tam diu donec predicti consules ac tota communitas civitatis Llublinensis iam dictis pueris et eorum pronioribus summam resultantem totam et integram tam ratarum, quam censum integraliter simul et semel persolverint. Ad que omnia prescripta prefati plenipotntes omnium consulum et tocius communitatis civitatis Llublinensis se fatentur et presentibus adheserunt et consenserunt de et super contractu fori inter eos facti, ut premissum est, in omnibus taliter fuisse factum et ordinatum, que omnia premissa superius descripta, sentencia nostra mediante, confirmata sunt robur habere perpetue firmitatis de forma iuris. In cuius rei testimonium et evidenciam pleniorem sigillum officii nostri presentibus est subappensum. Actum et datum in castro castroe Cracoviensi, die superius prenotato, [anno domini millesimo quingentesimo quarto.]

Source Fulltext: Lublin w dokumencie / http://teatrnn.pl/lublinwdokumencie