Nos Petrus castellanus et capitaneus generalis terre Lublinensis, notum facimus, quibus expedit, universis presencium noticiam inspecturis, quod cum invictissimus princeps Lodovicus Dei gracia rex Ungarie, Dalmacie, Polonie etc. terram Belzensem triumphabiliter debellavit et castrum eiusdem Belz victoriosissime circumvallavit, tandem sagaces et providi viri, consules civitatis Lublinensis ad ipsum unanimes accessrunt ac genibus in terram provolutis studiosius exoraverunt, quatenus ad utilitatem civitatis eiusdem et pocius ad refugium terigenarum diutium et pauperum universaliter omnium in terra Lublinensi existencium, cum infidelibus Lythuanis Christi emulis gwerris vigentibus, duos mansos vel laneos agrorum foris civitatis ex utraque parte vie, que ducit in civitatem Wanvelnicza, dictam adiacentes, a solucione census a quolibet manso per sex scotos ad quodlibet festum sancti Martini ex solvendos, absolveret et penitus liberaret. Igitur gloriosus princeps, rex noster prelibatus, nobis servitori suo firmiter iniungens, seriose demandavit, ut eosdem consules ac totam communitatem civitatis Lublinensis a solucione census duorum mansuum vel laneorum prescriptoum liberaremus, ipsis quoque literam nostram premissa perpetuo confirmantes tribueremus. Nos itaque regiis mandatis diligencius obedientes, consules cum communitate civitatis, iam dictos, a solucione census duorum mansuum iam expressatorum prorecursu Christianorum ante civitatem per eosdem reservatorum, vigentibus gwerris, eximimus, absolvimus ac perpetuo liberamus. In quorum robur ac evidenciam raciorem sigillum nostrum, quo fungimur, presentibus fore iussimus appendendum. Actum et datum ante castrum Belz, feria tercia in crastino Nativitatis Marie virginis gloriose, anno Domini millesimo trecentesimo septuagesimo septimo, presentibus hiis nobilibus magnificis principibus Ladislao et Boleslao ducibus Oppolie, Cunrado duce Olessniczensi, Ottone palatino, Johanne castellano Sandomiriensibus, Nicolao castellano Zauichostensi et aliis testibus quamplurimis, quibus merito fides est adhibenda.

Source Fulltext: Lublin w dokumencie / http://teatrnn.pl/lublinwdokumencie