IN nomine Domini amen, ad perpetuam rei memoriam, quoniam facta humana quantum cumque memorabilia facile intereunt, nisi literarum offitio fuerint memorie commendata. Proinde nos Sigismundus Dei gratia rex Polonie, supremus dux Lithuanie necnon terrarum Cracovie, Sandomirie, Siradie, Lancitie, Russie, Prussie, Masovie, Culmensis, Elbingensis Pomoranieque etc. dominus et heres, significamus tenore presentium, quorum interest universis et singulis, presentibus et futuris, harum noticiam habituris, quia nos habentes in prospectu plurima obsequia et benemerita famatorum proconsulis et consulum civitatis nostre Lublinense, quibus se nobis et nostris predecessoribus ac rei publice regni nostri debita fide et subiectione offitiosissime commendatos reddiderunt et magis in dies reddere student. Considerantesque ipsos proconsulem et consules eiusdem civitatis nostre Lublinensis multum in suis facultatibus et publice et privatim decrevisse et multa onera civilia ferre illosque in ferendis iisdem oneribus gratia nostra regia relevare ac ad nostra et ipsius regni nostri futura servitia aptiores et promptiores reddere volentes, de certa scientia et voluntate nostra regia consensuque consiliarorum nostrorum in presens nobis existentium advocatiam civilem civitatis nostrae Lublinensis prefate eidem civitati ac iuri ipsius civili iurisditionique dictorum proconsulis et consulum Lublinensium modernorum et pro tempore existentium, cum omnibus bonis et proventibus, illius universis perpetuo annectentes, asscribimus et incorporamus eximentes prefatos proconsulem et consules Lublinenses modernos et pro tempore existentes, prout eximi[mu]s ac liberos et absolutos facimus serie literarum ratione eiusdem advocatie ab omnium expeditione bellico generali et particulari ac contributionibus publicis pro nostra et rei publice necessitate institutis et instituendis et ab omni alia servitute et oneribus terrestribus, quae advocati ex bonis suis advocacialibus de iure et consuetudine obire sunt adstricti ita, quod deinceps bona omnia prefate advocatie civilia esse censeantur ac ea libertate et immunitate gaudeant et potiantur, qua alia bona civilia prenominate civitatis nostre Lublinensis potiuntur et gaudent, ex illis que nunque amplius bellum serviatur, sed duntaxat exactio civilis schossz vulgo nuncupata quocienscumque illam iustim contigerit pro necessitate rei publice simul cum eadem civitate Lublinense pendatur perpetuis temporibus et in evum. In cuius rei testimonium sigillum nostrum est // 19 appensum. Actum et datum Pyotrowice in comitiis generalibus, feria sexta in vigilia sancte Agetis, anno Domini millesimo quingentesimo quadragesimo octavo, regni nostri anno quadragesimo primo, presentibus: reverenidssimo et reverendi in Christo patribus dominis Nicolao Dieszkonowszky archiepiscopo Gnesnensi, legato nostro et regni nostri primate, Samuele Macziesowszky Cracoviensi et regni nostri cancellario, Andrea Cuiaviensi, Benedicto Izdbienszky Posnaniensi, Andrea Noszkowski Plocensi, Joanne Dziaduski Premisliensi, Tidemanno Gisae Culmensis episcopis necnon magnificis generosis et venerabilibus Joanne comite a Tarnow Cracoviensi castellano, regni nostri exercitum generali, Sandomiriensi, Lubaczowiensi, Stryensique capitaneo, Petro Kmitha comite in Vysznicze Cracoviensi, regni nostri supremo marscalco, Cracoviensi, Premisliensi Colensique capitaneo, Janussio Latalszki de Labyszin Posnaniensi, Iuniwladislawiensi, Schlochowiensi capitaneo, Joanne a Tanczin Sandomiriensi, marsalco curie nostre Lublinensi, Leloviensique capitaneo, Joanne a Kosczielecz Iuniwladisaviensi, Brestensi, Dobrzinensi, Covaliensi capitaneo, Joanne Mieleczky Podolie, Chmielnicensique capitaneo, Felice Srzenszkis Szokolow Plocensi, Mariemburgensi, Plocensi Gnewensique capitaneo, Andrea Golczewsky Rawensi, palatinis, Andrea a Gorka Posnaniensi et capitaneo Maioris Polonie generali, Nicolao a Wola Sandomiriensi, per me coniugis nostrae curie magistro, Lomsensi, Visnensi, Lanczorunensi Sanocensique capitaneo, Martino Sborowsky Calissiensi, pincerna Cracoviensi, Schidloviensi, Stobnicensi, Odolanowiensi capitaneo, Spitkone a Tarnow Voiniciensi, regni nostri thesaurario, Siradensi Krzepicensique capitaneo, Stanislao Maczieowski Lublinensi Zawichoscznensique capitaneo, Nicolao Grabia Chelmensi, regni nostri vicecancellario Lubomlienensique capitaneo, Joanne Oczieszki Biecensi, castlla[n]is, Joanne Przerampszky preposito et secretario nostro, Jacobo Uchanszki refferendario nostro, canonicis Cracoviensis aliisque quam plu[ri]mis dignitariis, officialibus et aulicis nostris sincere nobis et fidelibus dilectis, testibus circa praemissis. Datum per manus prefati reverendi in Christo patris domini Samuelis episcopi Cracoviensis et regni nostri cancell[arii sincere nobis dilecti.] Samuel episcopus Cracoviensis in Regno Poloniae cancellarii subscripsit. Relatio eiusdem reverndi in Christo patri domini Samuelis episcopi Cracoviensis et Regni Poloniae cancellarii.

Source Fulltext: Lublin w dokumencie / http://teatrnn.pl/lublinwdokumencie