Nos Waleramus dux Lymburgensis et Jutta ducissa uxor eius legitima, notum facimus universis, quod infrascriptos articulos expres sos in reconciliatione, quam feeimus libera et spontanea voluntate cum civitate et civibus Coloniensibus super captivitate nostra et omnium illorum, qui nobiscum in Colonia captivitati fuerunt et inter- fecti, servabimus et adimplebimus sine dolo: Primo renunciavimus et renunciamus perpetuo pro nobis et heredibus nostris super rediti- bus centum marcarum Coloniensium, quas cives Colonienses nobis dare promiserant, nunquam de cetero moturi ipsis questionem super cisdem, Reinaldum comitem Gelrie et Irmegardim uxorem suam filiam nostram infra dominicam medie quadragesime, qua cantatur Letare Jherusalem, super predictis reditibus perpetuo renunciare fa- ciemus ac instrumentum perpetue renunciationis sub sigillis nostris ac Reinaldi comitis et uxoris sue predictorum dictis civitati et civi bus dabimus sigillatum. Si litteras super eisdem reditibus confectas habere non poterimus, ut restituamus sive resignemus eisdem infra terminum etiam prediction, liberos Udonis dicti Moir militis, qui in Colonia interfectus fuit, tales habebimus et inducemus laboribus et expensis nostris, quod super morte eiusdem militis patris eorum ur- vedam perpetuam faciant, ut est moris. Ad idem etiam faciendum inducemus infra eundem terminum laboribus et expensis nostris filios Herimanni Burggravii de Wassenberg, quod super morte fratris eorum, qui similiter in Colonia fuit interfectus, urvedam faciant, ut

') Siehe Bd. II, Nr. 222 u. 159.

57

de aliis superius est expressum. Insuper promittimus, quod ab hac 1273 hora inantea omnibus diebus nostris nulli hominum consilium vel auxilium prestabimus per nos, amicos vel subditos nostros contra civitatem et cives Colonienses communiter vel singulariter, immo ipsos et eorum quemlibet in omnibus terminis dominii nostri favorabi- liter tuebimur et defendemus. Si quid etiam iam intelleximus vel ab hac hora inantea pervenerit ad aures nostras, unde civitati vel civibus Coloniensibus ac alicui eorum gravamen vel incommodum possit oenrrere singulis vicibus, quam primum tale quid intellexeri- mus, ipsos studebimus premunire. De debitis etiam, que rationabiliter contraximus in Colonia, de quibus constare poterit per litteras aut aliam veritatem, satisfacere promittimus infra dictum terminum, si de eisdem satisfactum non existit. Cives etiam Colonienses apud Dfis- burg cum bonis suis, que sub suo periculo in suis navibus ducunt et dncuntur, liberos sine omni impedimento et retardatione transire permittemus, nichil ab eis rccipiendo vel requirendo, nisi illud anti- quum thelonium quod marethol vocatur duntaxat, quod ab antiquo ibidem solvi est consuetum. Et ut hec omnia a nobis fideliter et fir- miter serventur et impleantur, praestitis iuramentis tam nos quam uxor nostra predicta tacta sacrosancta imagine crucifixi nos astrin- gimus ad premissa et quodlibet premissorum, sub eodem etiam iura- mento triginta tam de nostris consangwineis fidelibus quam ministe- rialibus in Coloniam infra dictum terminum adducemus et efficiemus apud ipsos quod sub iuramento suo se astringent, adhortandum nos fideliter et constanter ad observationem ptemissorum. Patentes ctiam litteras compositionis consumate ad eundem terminum sub sigillis nostris et illorum, qui prestabunt iuramentum, ipsis civibus dabimus super observatione prescriptorum articulorum, qui iu eisdem litteris debent modo congruo ordinari, eligentes si contra huiusmodi iura- menta quod absit veniremus non implendo seu non servando articu- los prenotatos, quod cives Colonienses in hominibus terre nostre et bonis eorum et nostris recuperare possint et valeant defectum arti- culorum predictorum et violationem iuramentorum predictorum, nec propter hoc nostram vel amicorum seu subdictorum nostrorum offen- sam incurrent vel vindictam aliquam patientur. In cuius rei testimo- nium presentem paginam articulos nostre compositionis continentem dictis civitati et civibus Coloniensibus sigillis nostris ac sigillis etiam virorum nobilium Wilhelmi comitis Juliacensis et Adolphi comitis de Monte consanguuineorum nostrorum, qui una cum pluribus aliis nostris intererant iuramentis dedimus sigillatam.

Datum et actum anno domini mcc septuagesimo tertio.

58

1273 Nach dem Original im Stadt-Archiv. Das Reitersiegel des Wilhelm von Lim burg, mit Rücksiegel, verletzt; eben so das der Herzogin, oval, wie es scheint mit zwei Vögeln im Felde, hat die Umschrift: S.. .ut.. .ducis.. .bürg; die Reitersiegel von Wilhelm von Jülich und Adolf von Berg, mit Rücksiegeln, ziemlich erhalten.