1299, 6. October.

1299 Nos Reynaldus comes Gelrie universis presentes litteras visuris et audituris notum facimus, quod promittimus, quod si cives Colonienses vel aliqui ex eis vel eorum faiuilia nomine eorundem aliquos homi- nes nostros sub nostra iurisdictione, potestate et districtu existentes super bonis ablatis vel pro debitis nbuoxios dixerint vel dixerit, quod eosdem impetere et convenire coram nostro iudicio et in terra nostra poterunt, infra festum pasche proximo nunc futurum. Secure et tute illos conducemus et eosdem assccuramus in terra nostra in aquis et districtu nostro et illos seu illum, qui sic conveniuntur et convenitur coram nostro iudicio, tales vel talem babebimus, si fatentur vel fa- tetur, quod satisfaciat civibus supradictis; si vero negent vel neget, coram eodem iudicio se expurgabunt seu expurgabit suo iuramento occasione qualibet non obstante. Si etiam aliqui conveniendi essetit mortui, extunc poterunt heredes eorum conveniri, qui debebunt con- querenti per satisfactionem vel iustitiam ut predictum est respondere. Si vero aliquis civium Coloniensium esset extra partes, vel de homi- nibus nostris conveniendis stmili modo foret extra partes, ille civis, cui aliqua competit actio contra nostros, statim cum reversus fuerit, post festum predictum debet querimoniam suam deponere et conve- niendi per ipsum, sicut preiuissum est, tenebuntur respondere, fraude et dolo penitus in hiis exclusis. In cuius rei testimonium sigillum nostrum duximus presentibus apponendum.

Actum et datum anno domini millesimo ducentesimo nonagesimo nono, feria tertia post festum beati Remigii.

Nach dem Original im Stadt-Archiv. Das Rcitersiegel gut erhalten, ebenso das Bttcksiegel.