Nos Syfridus dei gratia sancte Coloniensis ecclesie archiepiscopus, sacri imperii per Ytaliam archicancellarius, notum facimus universis presentes litteras inspecturis, quod nos dilectos fideles nostros iudices, scabinos, consilium et cives universos Colonienses in omnibus locis dominii nostri tam in terris quam in aquis, ubi thelonea seu pedagia nova pro necessitate ecclesie nostre et ad propulsandam violentiam adversariorum nostrorum, qui nos ad intolerabiles cxpensas compu- lerunt, imposuimus vel imposterum imponemus, quoad vixerimus, libe- ros et quitos dimittemns et etiam de theloneo Andernacensi, quoad vixerimus, ipsos liberos dimittimus et dimittemus, sic quod de cetero in locis predictis ipsi cives nulla erunt thelonei impositione gravati, ita videlicet quod quatuor viros fidedignos assumimus, statuimus et ordinamus, nos Philippum canonicum ecclesie sancti Andree Coloniensis et Hermannum plebanum de Vrechgene pro nobis, et ipsi iudices, scabini, consilium et cives predicti magistros civium, qui pro tempore fuerint pro se, qui sint iuramenti et declarationis receptores in Colonia, ita ut quandocumque aliquis civium Coloniensium per loca predicta cura bonis suis transire voluerit, ubi thelonearii nostri resident, 1111 cives, sive sit unus sive plures, prius adeant predictos quatuor et co- ram eis proprio iuramento tactis reliquiis declarent, quod bona, que ducunt seu ducit, sint ipsorum sive ipsius prestantis iuramentum et non alterius, et quod sub ipsorum sive sub ipsius periculo deducantur, et super hoc intersigno ab ipsis quatuor recepto certificent thelone- arium nostrum de persona et rebus ciuis transeuntis, quo inte^signo viso ipse thelonearius noster sine omni difficultate et imped^nento dimittet ipsum civem vel nuncium eius cum bonis suis alias omni

256

1287 qua poterit bona fide sibi promotione impensa, ut sic fraudi via, que circa thelonei subtractionem posset fieri, precludatur. Predicti etiam quatuor iurabunt, quod nec gratia, favore, prece vel pretio vel ex alia causa quacumque remittent buiusmodi iuramentum et quod duo de dictis quatuor ex qualibet parte uno assumpto huiusmodi signum, si omnes quatuor interesse non possunt, dare poterunt et recipere iuramentum propter expeditionem negotii memorati. Quodsi aliquem dictorum quatuor mori, abesse vel se excusare contigerit, pars, a qua fuit assumptus, alium subrogabit. Et ut in biis articulis fides plenior babeatur, thelonearios nostros, quibus thelonea nostra sunt commissa, sollempniter iurare fecimus et presentialiter sua iuramenta prestite- runt coram nobis et iudicibus, scabinis, consilio et civibus memoratis, quod sub debito prestit i iuramenti ipsos cives vel eorum nuncios ipsorum bona deducentes quitos et liberos dimittent in locis predictis ab omni thelonei solutione, postquam certificati fuerint ipsi thelo- nearii, qui ad thelonei receptionem resident, de persona et rebus ci- vium Coloniensium vel nunciorum suorum cum rebus et bonis suis transeuntium sub iuramenti prestatione sub certo signo, prout est premissum. Si vero aliquem theloneariorum nostrorum residentium in theloneis nostris iuramento predicto ab eodem prestito mori con tigerit vel alias a suo recedere officio, substitutus a nobis simile prestabit iuramentum. Omnes vero alii officiati nostri fide, qua nobis tenentur, promiserunt, quod observabunt articulos predictos et quod dictos cives nostros Colonienses, nuncios eorum, res et personas suas defendent in districtibus sibi a nobis commissis fraude et dolo ex- clusis. Verum ut ipsi cives Colonienses preter hec, que premissa sunt, in aliis nostram bonam sentiant voluntatem, volumus et in boc consentimus, quod quam primum discordia seu guerra, que vertitur inter nos et illustrem virum ducem Brabantie et suos coadiutores, sopita fuerit, nos theloneum sive pedagium in terra iuxta Coloniam pro necessitate et defensione ecclesie nostre impositum cessare facie- mus et deponemus. Preterea ut predicti iudices, scabini, consilium et cives Colonienses nostrum bonum propositum, quod habemus circa ipsos, purum et firmiun sentiant et irrevocabile perseveret, prestiti- mus corporaliter iuramentum, quod, quoad vixerimus, ipsorum iura, libertates et bonas consuetudines servabimus et servare promittimus per presentes, quodque nec in privato nec in publico alicuius consi lium sequemur, per quod inducamur ad aliquid faciendum, quod sit in ipsorum civium et civitatis Coloniensis vel alicuius de civitate Coloniensi lesionem, preiudicium et gravamen, nec aliquam confede- rationem seu unionem cum aliquibus faciemus, quoad vixerimus, con

257

ira ipsos. Ipsi etiam iudices, scabini, consilium et cives universi 1287 Colonienses iura, libertates et bonas consuetudines nostras et ecclesie Coloniensis, quoad vixerimus, tenebunt nobis similiter et servabunt dolo et fraude in premissis exclusis. Et si aliquis civium Colonien- 8ium in civitate Coloniensi vel extra contra nos vel nostros forefece- rint, ille vel illi pro se respondebunt et emendabunt nec hoc uni- versitati vel civibus communiter imponemus, nisi iudices, scabini, consilium et alii maiores ipsius civitatis de huiusmodi forefacto se ingerant vel sibi hoc assumant. Et quia ad huiusmodi favoris obli- gationem processimus de consilio dilectorum in Christo decani et capituli Coloniensis, presens scriptum super premissis articulis con- fectum ipsis civibus et civitati Coloniensi damus nostri et capituli Coloniensis predicti sigillorum munime roboratum. Et nos decanus et capitulum Coloniense predicti ad preces reverendi patris et domini nostri archiepiscopi Coloniensis predicti sigillum nostrum presentibus in testimonium duximus apponendum.

Datum anno domini millesimo ducentesimo octogesimo septimo, in vigilia beate Margarete virginis.

Nach dem Original im Stadt-Archiv. Die Siegel des Erzbischofs und des Ca- pitels verletzt . Diese Urkunde ist abgedruckt bei Lacomblet II, 828; in diesem Abdniek ist aber der ganze Passus von predicti etiam ete. bis Verum ut ipsi ete. ansgelassen; darum wird hier die vollstandige Urkunde gegeben.