Engelbertus dei gratia sancte Coloniensis ecclesie archiepiscopus, sacri imperii per Ytaliam archicancellarius, dilectis in Christo prepo- sitis, abbatibus, decanis et capitulis, conventibus, plebanis ac ceteris ecclesiarum rectoribus universis civitatis et dyocesis Coloniensis, sa- lutem in domino. Cum contra mandata, sententias et processus ma- gistri Bernardi de Castaneto nuncii a sede apostolica in dyocesim nostram Coloniensem pro liberatione nostra sub certa forma destinati legitime appellaverimus sub testimonio fidedigno et eandem appella- tionem in brevi innovare proponamus ac insuper appellationibus in- terpositis a clero et civitate et civibus Coloniensibus ac a comite

32

1271 Juliacensi et sibi adherentibus contra mandata, sententias et pro- cessus eiusdem magistri Bernardi, adhereamus et adherere velimus, ipsasque appellationes legitimas reputemus et ob id prudentum et litteratorum consilio eisdem appellationibus de iure deferendum fore simus instructi, vobis universis et singulis in virtute sancte obedientie precipiendo mandamus, quatinus appellationibus predictis adhereatis concorditer et intrepide deferatis eisdem divina officia in ecclesiis vestris publice celebrando, precipientes vobis etiam universis et sin- gulis, ne mandata vel sententias sive processus dicti magistri Ber- nardi vel alicuius auctoritate sua aliquatenus recipere vel exequi de cetero presumatis, volentes vos ad huiusmodi faciendum adeo esse concordes, ne propter hoc confusio vel scandalum in clero et populo oriatur. Revocamus et relaxamus etiam omnes sententias tam excom- municationis quam interdicti, si quas dictus comes aut cives Colonien- ses aut adherentes eidem comiti occasione statutorum a nobis et clero Coloniensi editorum propter excessus preteritos incurrerunt vobis firmiter iuiungendo per presentes, quatenus ipsos comitem, cives Colonienses et adherentes ipsi comiti ab huiusmodi sententiis denun- cietis absolutos, precipimus vobis etiam, quatenus illos cives Colo- nienses, qui quondam pro captivitate nostra, qua nos in civitate Coloniensi fuimus captivati, nobis nomine civitatis Coloniensis satisfe- cerunt, in divinis officiis ea de causa de cetero non vitetis et denun- cietis publice de cetero non vitandos. Iniungimus etiam vobis universis et singulis, quod illos subditos vestros et parrochianos, qui pretextu appellationum predictarum divinis se immiscuerunt officiis ac etiam qui merces et victualia ad civitatem Coloniensem deportarunt contra mandata magistri Bernardi predicti pro excommunicatis aut alias ligatis non habeatis nec ea de causa vitetis aut alias quoquomodo gravetis eosdem.

Datum anno domini mcc septuagesimo primo, feria quinta post octavam pasche.

Nach dem Original im Stadt-Archiv. Das Siegel gut erhalten.