Nos Sifridus dei gratia sancte Coloniensis ecclesie archiepiscopus, sacri imperii per Ytaliam archicancellarius, W.1) scolasticus Coloniensis et Gerardus dictus Scherfehin miles notum facimns universis presentes litteras inspecturis, quod cum inter honorabilem matronam dominam Mechtildem quondam comitissam Seynensem ex una parte et Joban nem dominum de Riferscheyt ac suos heredes ex altera super feodo et bonis ipsius feodi, quod et que quondam Fridericus dominus de Riferscheyt frater ipsius Johannis habebat et tenebat ab ipsa douiina comitissa ratione homagii et in quibus idem Johannes ex morte ipsius fratris sui iure hereditario succedere se dicebat, ipsa domina

') Wicboldus, spater Domdechant, danu seit 1277 Erzbischof.

181

comitissa hoc contradicente et asserente ex causis legitimis coram nobis propositis fieri non debere, materia questionis aliquamdiu fuisset exorta, tandem domina comitissa, Johannes et heredes sui predicti ad consilium et hortationem discretorum virorum et amicorum suoruiu ipsos ad pacem et concordiam invitantium in nos tamquam in arbi- tros, arbitratores et amacabiles compositores compromiserunt, pro- mittentes hincinde in manus nostras fide prestita corporali, quicquid nos super premissis ordinaverimus et statuerimus, se inviolabiliter observaturos et facturos. Nos itaque onus arbitrii et decisionem huiusmodi negotii nobis assumentes habita deliberatione et consilio discretorum arbitrando ordinamus et statuimus, quod propter bonum pacis et concordie dicta domina comitissa infeodet eundem Johannem de castro in Bedebure et octo carratis vini mensure Coloniensis per- cipiendis et habendis annuatim in vineis et bonis eiusdem domine comitisse sitis apud sanctum Martinum iuxta Rfidensperg eo iure per omnia, quo progenitores eiusdem Johannis dictum feodum ab ipsa domina comitissa et a marito eius quondam domino Henrico comite Seynensi hactenus habuerunt et tenuerunt ac recipere consueverunt. Insuper ordinamus et statuimus, quod, si forte ex sterilitate aut ali- quo casu fortuito aliquo anno talis defectus in vino fuerit, quominus possint persolvi octo carrate vini predicti, idem Johannes ad sup- plendum sibi huiusmodi defectum, quem ex premissis causis evenire contigerit, per annum vel annos immediate sequentem vel sequentes expectabit, recepta cautione ab ipsa domina comitissa supradicti de- fectus satisfactione. Preterea ordinamus et statuimus arbitrando, quod, si prefata domina comitissa dictorum bonorum apud sanctum Marti- num possessionem ex sua potestate et dominio ex quacunque causa dimiserit, ipsa extunc ab omni obligatione et solutione dicti vini ac impetitione Johannis et heredum suorum predictorum libera erit et absoluta, et idem Johannes apud possessorem eorundem bonorum ipsi domine comitisse succedentem dictas octo carratas vini nomine feodi requiret et hahebit annuatim eo iure et modo, quo easdem a dicta domina comitissa recipere consuevit. Insuper ordinamus et statuimus, quod tam domina comitissa quam Johannes et heredes sui predicti huiusmodi arbitrio et ordinatione nostra contenti renuncient expresse actioni ininriarum, quam sibi adinvicem competere asseruerunt ex incendiis, rapinis, dampnis et expensis pretextu huismodi controversie factis aut ex aliis causis quibuscumque. Preterea hoc arbitrium nos- trum et omnia ac singula prenarrata volumus et precipimus sub fide prestita a dictis partibus hincinde inviolabiliter observari, sigilla nostra facientes apponi presentibus in testimonium premissorum.

182

1282 Datum Colonie anno domini millesimo ducentesimo octogesimo primo, xVI kalendas Februarii.

Aus dem Copiarium des Domstiftes, N. 223, im Stadt-Archiv.