Universis presentes litteras inspecturis decanns et capitulum Co- loniense salutem et notitiam veritatis in perpetuum. Noveritis, quod cum dilecta nobis in Christo Cristina dicta de Ottersbach becgina Coloniensis domum suam sitam Colonie in arto vico sito intra mona- sterium fratrum predicatorum et ecclesiam beate Marie indulgentia- rum cum omnibus suis attinentiis, prout iacet, ante et retro, subtus et supra, dextrorsum ac sinistrorsum nobis et ecclesie nostre dona- verit et tradiderit hereditarie a nobis et a nostris successoribus iure perpetuo possidendam, et super distinctione attinentium dicte domus inter nos ex una parte et dilectos in Christo magistram, priorem et

507

conventum monasterii ad Piscinam siti iuxta Coloniam ex altera 1305 dudum suborta fuerit materia questionis ac multo tempore perman- serit indiscussa, tandem per dilectum nostrum concanonicum Alexan- drum de Linepe et Conradum de Cigno civem Coloniensem, bincinde a nobis et a dicto conventu super premissis arbitros, arbitratores seu amicabiles compositores deputatos specialiter et electos, mediantibus etiam ac presentibus Gerardo de Speculo camerario ecclesie nostre et Theoderico de Paseulo, sacerdotibus, Gerardo dicto van der Vilen cive Coloniensi ac personis aliis fidedignis, prefata dissensionis mate- ria modo infrascripto sedata est penitus et sopita, ita videlicet quod septem persone predictam domum nostram pro tempore inhabitantes de eadem domo nostra usque ad cloacam spectantem ad domum con- ventus de Piscina predicti sitam retro ipsam domum habebunt tran- situm distantem a maceria domus eiusdem conventus ad spatium ac mensuram longitudinis trium pedum, per quem specialiter ipsis septem personis omni tempore ad dictam cloacam patebit aditus et accessus, nosque ipsum transitum ex una parte versus occidentem muniri aut sepiri pro tempore faciemus. Et nos ac septem persone, que inhabi- taverint domum nostram, non tenebimur infra terminos nostre heredi- tatis recipere sordes seu purgamenta cloace predicte, sed expensas necessarias circa purgationem ipsius cloace faciendas de predictarum septem personarum competentia persolvemus. Item annis singulis in festo pasche aut infra quatuor ebdomadas proxime subsequentes sine captione prefatis magistre, priori et conventui de Piscina de predicta domo nostra et suis pertinentiis tam nos quam nostri successores in perpetuum octo solidos denariorum pagamenti currentis ac usualis Colonie dabimus et solvemus, quos eisdem per camerarium ecclesie nostre existentem pro tempore volumus assignari. In cuius rei testi- monium atque robur sigillum ecclesie nostre ad causas et sigillum conventns de Piscina predicti presentibus litteris sunt appensa.

Actum et datum anno domini millesimo trecentesimo quinto, in die beatorum Marci et Marcelliani.

Aus dem Copiarium des Klosters Weiher im Stadt-Archiv.