In nomine sancte et indiuidue trinitatis. Adolphus diuina fauente clementia sancte Coloniensis ecclesie archiepiscopus cunctis Christi fidelibus, ad quos presens pagina peruenerit, in perpetuum. Ea, que a mortalibus aguntur, dignum est scripto commendare, ne per tem- poris interualla in obliuionem trahantur, sed scripti declaratione memoriter teneantur. Inde est, quod omnibus tam presentis quam futuri eui Christi fidelibus attestatione presentis pagine notum faci- mus, quod cum quondam inter prepositum maioris ecclesie Coloniensis, Engelbertum scilicet et antecessores suos nec non et milites et uni- uersum populum de Erpele super qnodam nemore eidem uille et predio attinenti exorte essent discordie, iam dicta uniuersitas incola- rum allodii prefati nostro et aliorum prudentum hominum consilio a preposito obtinuit, quod ipsis et suis successoribus ius et communio- nem nemoris prememorati recognouit, ea tamen exempta conditione, quod ipse et successores sui, uidelicet maioris ecclesie Coloniensis prepositi, domini et aduocati eiusdem nemoris erunt et quemadmodum unus de inhabitatoribus predii predicti communione lignorum nten- tur. Ut autem hoc factum stabile permaneat et in omne euum incon- uulsum, sigillo nostro et prepositi dignum duximus corroborari. Huius rei testes sunt: Engelbertus maior in Colonia prepositus. Godefridus capellarius. Uruno de Bensheim. Arnoldus. Godefridus. Hermannus aduocatus Coloniensis. Hermannus marschalcus. Henricus marschalcus. Henricus dapifer. Otto camerarius et alii quam plures.

Source Regest: Quellen zur Geschichte der Stadt Köln Band II, Nr. 8. , S. 28