1247 Innocentius episcopus seruus seruorum dei. Dilecto filio subdecano maioris ecclesie coloniensis salutem et apostolicam benedictionem. Debitum officii nostri requirit, ut inter sollicitudines alias, quibus assidue premimur, specialiter circa eos, qui occulto dei iudicio morbo lepre percussi ac propter hoc quasi impotentes effeeti diligentiam nostram adhibentes ipsorum vtilitatibus et etiam consolationibus in- tendamus in eo maxime, ut eos de bono iudice et etiam de bono defensore, qui sit predictis leprosis uicinus, contra peruersorum auda- ciam uiriliter et potenter assistens prouideamus. Ea propter, dilecte in domino fili, cum dilecti filii nostri fratres prouisores et magistri domus leprosorum coloniens. indigeant nostro auxilio, discretioni tue per apostolica scripta mandamus, quatinus contra audaciam illo- rum, qui nomen domini in uacuum recipere non formidant et qui etiam predictos fratres et leprosos per suam maliciam et citationes multipliciter inquietant, pro nostra et apostolice sedis reuerencia pre- sidio defensionis viriliter et potenter assistens non permittas, eos a talibus nec ab aliis de cetero indebite molestari, molestatores autem huiusmodi et siqui fuerint rebelles per censuram ecclesiasticam ap- pellatioue postposita compescendo.

Datum Lugduni im. Non. Septembris, Pontificatus nostri Anno Quinto.

Nach dem Original im Stadt-Archiv. Das Plumbum vorhanden.