1266 Clemens episcopus seruus scruorum dei dilectis filiis priori fra- trum predicatorum et decano Coloniensi salutem et apostolicam benedictionem. Insinuaruut nobis dilecti filii clerus ciuitatis Colonien- sis tam regularis quam secularis, quod felicis recordationis Urbanus papa predecessor noster in ciues Colonienses pro eo, quod quidam ex ipsis in archiepiscopalc palatium Coloniense presumptione damp- nabili, prout eidem predecessori suggestum extitit, irruentes in archi- episcopum Coloniensem manus inieccrant dei timore postposito temere violentas, excommunicationis sententiam promulgauit, et ciuitatem predictam ecclesiastico supposuit interdicto, cuius interdicti pretextu, quod iam non modico durauit tempore, prefato clero graue generatur preiudicium, et ecclesie et capelle ciuitatis eiusdem in diuinis officiis non modicum sustinent detrimentum. Quarc memoratus clerus a no- bis deuote ac suppliciter postulauit, ut cum, sicut asseritur, inter prefatum archiepiscopum ac memoratos ciues adinuicem, tam super iniuriis huiusmodi quam super aliis discordiis et dissentionibus, que inter ipsos suscitate fuerant, compositio amicabilis interuenerit me- diantibus bonis viris, ipsius cleri ac ecclesiarum et capellarum pre- dictarum in hac parte dispendiis obuiantes circa relaxationem inter- dicti prefati salubre prouisionis oportune consilium de benignitate sedis apostolice dignaremur misericorditer adhibere. Quocirca discre- tioni vestre, de qua fiduciam in domino gcrimus specialem, presen- tium auctoritate committimus, quatinus, si premissis veritas suffraga- tur, super eiusdem relaxatione interdicti auctoritate nostra statuerc procuretis, quod animarum saluti ac ccclesiarum et capellarum pre- dictarum utilitati secundum deum videritis cxpedire.

Source Regest: Quellen zur Geschichte der Stadt Köln Band II, Nr. 491. , S. 552