Urhanus episcopus seruus seruorum dei. dilectis filiis Judicibus, scabinis, consulibus, iuratis, magistris et vuiuersitati ciuium Colonien- sium salutem et apostolicam benedictionem. Puritas fidei, quam circa Romanam ecclesiam a longis retro temporibus inconcusse seruastis, non timentes dampna rerum seu dispendia personarum, nos reddit corde sollicitos, ut in hiis, que digne possumus, uos optata gratia foueamus. Cum itaque, sicut lecta nobis uestra petitio continebat, felicis recordationis Innocentius papa predecessor noster huiusmodi puritatem uestram diligenter attendens, uobis per litteras suas sub certa forma indulserit, ut per litteras apostolice sedis seu legatorum eius extra ciuitatem uestram trahi non possitis in causam, nos uestris supplica- tionibus inclinati ad instar ipsius predecessoris nostri auctoritate uo- bis apostolica indulgemus, ut uos uel aliqui uestrum extra ciuitatem eandem per huiusmodi litteras non possitis ab aliquibus conueniri, nisi predicte littere apostolice plenam et expressam de indulgentia huiusmodi fecerint mentionem, dummodo interim parati sitis infra ciuitatem eandem coram competenti iudice conquerentibus de uobis iustitie plenitudinem exhibere, presentibus post triennium minime ualituris. Nulli ergo omnino hominum liceat hanc paginam nostre concessionis infringere uel ei ausu temerario contraire. Siquis autem hoc attemptare presumpserit, indignationem omnipotentis dei et bea- torum Petri et Pauli apostolorum, eius se nouerit incursurum.

Datum viterbii xv kal. martii, Pontificatus nostri anno primo. Nach dem Original im Stadt-Archiv. Diese Urknnde ist zweimal vorhanden.

448