Innocentius episcopus seruus seruorum dei. Dilectis filiis Ludolfo dicto grin, Lamberto dicto de danubio et Hermanno dicto de dignant magistris ct prouisoribus domus leprosorum Colon. ceterisque fratri- bus tam censualibus quam aliis ad eandem domum spectantibus sa- lutem et apostolicam benedictionem. Sacrosancta romana ecclesia deuotos et humiles filios ex assuete pietatis officio propensius diligere consueuit et, ne prauorum hominum molestiis agitentur, eos tanquam pia mater sue protectionis munimine confouere. Ea propter dilecti in domino filii uestris iustis postulationibus grato concurrentes assensu personas vestras et domos et loca, in quibus manetis, cum omnibus bonis, que in presentiarum rationabiliter possidetis aut in futurum iustis modis prestante domino poteritis adipisci, sub beati Petri et nostra protectione suscipimus. Specialiter autem terras, possessiones ac alia bona uestra, sicut ea omnia iuste ac pacifice possidetis, ita uobis omnibus auctoritate apostolica confirmamufl et presentis scripti patrocinio communimus, districtius inhibentes, ne quis de cetero de ortis, virgultis seu vestrorum auimalium nutrimentis decimas exigere uel extorquere presumat. Nulli ergo omnino hominum liceat hanc pagiuam nostre protectionis et confirmationis infringere vel ei ausu temerario contraire. Siquis autem hoc attemptaie presumpserit, indignationem omnipotentis dei et beatorum Petri et Pauli apostolo- rum eius se nouerit incursurum.

Source Regest: 
Quellen zur Geschichte der Stadt Köln Band II, Nr. 261. , S. 274