Innocentius episcopus seruus seruorum dei. Dilectis filiis, Judici- bus, Scabinis ct ceteris Ciuibus Coloniensibus salutem et apostolicam benedictionem. Adeo semper fixa extitit uestra et progenitorum ue- strorum in beati Petri fide soliditas et fidelitatis uestre ac ipsorum erga Romanam ecclesiam matrem uestram sinceritas comprobata, quod nunquam fuit de uestra et eorundem constantia circa illam in aliquo hesitandum, qui semper alienorum uocibus precludentes audi- tum alterius quam pastoris et matris vniucrsalis ecclesie uestigia nesciuistis. Quapropter uotis uestris animo libenti annuimus uestras- que petitiones, quantum cum deo possumus, exaudimus. Eapropter, dilecti in domino filii, uestris deuotis precibus inclinati libertates et immunitates ac iura uobis ab Imperatoribus et Regibus Romanis ac etiam archiepiscopis Coloniensibus et aliis Principibus fidelibus ratio- nabiliter uobis concessa nec non et consuetudines uestras laudabiles et antiquas, sicut ea omnia iuste ac pacifice obtinetis, uobis et per uos Ciuitati uestre seu ipsius Ciuibus auctoritate apostolica confirma- mus et presentis scripti patrocinio communimus. Nulli ergo omnino hominum liceat hanc paginam nostre confirmationis infringere uel ei ausu temerario contraire. Si quis autem hoc attemptare presumpserit, indignationem omnipotentis dei et beatorum Petri et Pauli apostolo- rum cius se nouerit incursurum.

Source Regest: 
Quellen zur Geschichte der Stadt Köln Band II, Nr. 315. , S. 341