Vniuersis christi fidelibus presentem paginam inspecturis. H. dei gratia Dux de Lemburg, Comes de monte, Irmingardis, uxor eius et Adolfus primogenitus eorundem salutem in domino. Quoniam sancte fidei deuoti sumus zelatores, honori dei et sacrosancte matris Ecclesie et saluti animarum neenon et paci totius patrie intendentes sollicite prouidere, scire uolumus uniuersos et presentis scripti testimonio pro- testamur, quod uenerabilis pater C. sancte Coloniensis Ecclesie mini ster et nos una cum ipso, pensato, quod propter tumultuationes multiplices deuotio tepuerit et religionis sit minoratus affectus in Tuiciensi cenobio propter ibidem inhabitantium laicorum frequen- tiam, pari uoto communicato consilio de bona nostra et spontanea uoluntate pro animarum nostrarum remedio muros et turres circa claustrum Tuiciense funditus destrui fecimus et mandauimus et Tur- rim monasterii usque ad inferiorem testudinem humiliari, ita quod deinceps turris eadem per abbatem ipsius Ecclesie siue per quem- cumque alium non debeat eleuari et emunitas ipsius Ecclesie absque murorum ambitu sepibus aut asseribus tantummodo muniatur. Et ut ibidem domino famulantes uiri religiosi absque impedimenti scrupnlo i et strepitu seculari iuxta sui ordinis obseruantiam libere ualeant do- mino famulari, promisimus data fide et promittimus pro nobis et successoribus nostris et heredibus, quod nullas de cetero munitiones uel firmitates nec in territorio nec in iurisdictione nec in uilla uel in claustro aut monasterio Tuiciensi faciemus nec ab aliquo, quantum in nobis est, fieri permittemus. vt autem hec tam a nobis quam a successoribus nostris et heredibus rata seruentur et firma, presentem paginam fecimus conscribi et sigillorum nostrorum appensione ro- borari.

Source Regest: 
Quellen zur Geschichte der Stadt Köln Band II, Nr. 227. , S. 242