Notum sit tam futuris quam presentibus, quod Ricolfus filius Ri- colfi in Salzgazzen tradidit et remisit uxori sue Gertrudi dimidietatem domus mansionis patris sui, que sita est in salzgazzen, ubicumque eum hereditarie in partiticione contingit, et quintam partem domus, que contigua est stupe H. clippingi uersus mvlingazzen, ubi eum hereditarie in partitione attingit, et quintam partem dimidietatis duarum domorum contiguarum domui Johannis corduanarii inter corduanarios uer- sus palatium, ubicumque eum in partitione attingit, et quintam partem dimidietatis domus site in ueteri foro ex opposito domui vlrici sueui uersus Ringazzen cum quinta parte dimidietatis domus pistoree eidem domui retro adiacente et quintam partem unius aree site super crig- marct, similiter et quintam partem dimidietatis unius Jurnalis siti in drancgazzen prope curiam Emundi Wamplez. Econtra Christianus lo- schart tradidit et remisit filie sue Gertrudi et marito eius Ricolfo post mortem suam quintam partem totius hereditatis sue, quam nunc habet uel umquam babiturus fuerit, exceptis tribus solidis reddituum, quos habet in cubiculo opposito monete, tali conditione uterque pre- dictorum scilicet Ricolfus et Gertrudis, hereditatem suam prescriptam alter alteri contulit, si prolem genuerint, illius sint, sin autem non, uter eorum alterum superuixerit, in hereditate alterius usumfructum perci- piet et post mortem eius ad proximos Ricolfi heredes sua hereditas et ad proximos Gertrudis heredes sua hereditas sine omni contradi- ctione reuoluetur. Mobilia uero cum suppellectili, que nunc habent uel umquam habituri fuerint, uter eorum alterum absque prole su- peruixerit, liberam quocumque uoluerit diuertendi habebit potestatem. Actum anno domini mcCxxxvIIL

Aus eiuem Fascikcl eines Schreinsbuches im Stadt-Archiv.

188