Innocentius episcopus seruus seruorum dei. Vniuersis Christi fide- libus has literas inspecturis salutem et apostolicam benedictionem. Si populus Israeliticus, qui sub legis umbra viuebat, frequenter ac- cedens oraturus ad locum, quem elegit dominus, ut ibi poneret no- men suum, vota et donaria plurima offerebat, tanto fortius populus Christianus, eni adparuit benignitas et humanitas saluatoris, tenetur ecclesias, in quibus1) Christus ad abolendam nostrorum criminum corruptelam immortaliter et incorruptibiliter viuus cotidie immolatur, congruis honoribus frequentare ac ibidem offerre munera cum animi pnritate, quanto certiora sunt experimenta rerum quam aenigmata figurarum. Cum igitur in Coloniensi ecclesia maxime sanctorum reli- quie sub veneranda custodia requiescant, vniuersitatem vestram ro- gamus, monemus et hortamur in domino, in remissionem vobis pecca- minum iniungentes, quatenns ad eandem ecclesiam cum deuotione et reuerentia debita in puritate animi accedatis. Nos enim cupientes, ut eadem ecclesia congruis honoribus frequentetur, omnibus vere poeni- tentibus et confessis, qui ecclesiam ipsam in die consecrationis eius- dem venerabiliter visitant annuatim, de omnipotentis dei misericordia et beatorum Petri et Pauli apostolorum eius auctoritate confisi 40 dies de iniuncta sibi poenitentia misericorditer annis singulis re- laxamus.

Source Regest: 
Quellen zur Geschichte der Stadt Köln Band II, Nr. 243. , S. 256