Wir Fridreich etc. bekennen etc. daz auf disen heu tigen tag datum disz brienes für den edeln Conraten herrn zu Winsperg des heiligen riehs erbcamrer vnser lieb getruen als der an vnser stat vnser kuniglich camer- gericht besessen hat, komen ist Jörg von Bcmburg eins vnd burgennaisler vnd rates der stat zu Halle machtbott nemlich Michel Släcz mit volmechligem gewalt des an dern tails vnd der vorgenant Jörg von Bebemburg redt also, als au ff mitwochn nechst vur datum disz briefs auch an vnserm kuniglichen camergericht zwischen in ertailt were, daz er benennen sollt, was vnd wieuil seins tails scy an dem sloss Honhort an lehen vnd aign, ouch an anderm gut, es sey ligend oder varend , das in dem selbn sloss vnd dauor gewesen ist vnd wes die von Halle in entwert habn , denn so soltn die von Halle im darauf!' zum rechten antwurten vnd darnach bescheen was recht

were, das wölt er nu benennen. Also er hett die lehen des sloss Honhort nemlich vordem vnd hindern Gerich- husen gancz inne als der eltist von Bebemburg, so hett er denn an demselbn sloss vnd aller varender hab, die davor vnd darinn gewesen ist, ainen virtail, das sein erb sey vnd hab denn aber an demselben sloss vnd an der varenden hab darin vnd danor zwen virtail ynnege- habt, als ein fürschcr seiner geswistergid Leupolta vnd Barbaren vnd redt darauff, seindtenmaln die von Halle in des alles mit gewalt vnd on recht enseezet vnd ent- weltiget hetten, so getrawte er, dag mit recht solt ge sprochn werden, das sy in also wider in sein vnd seiner geswistergid inngehebten teil des sloss einseezen vnd der varenden hab auch die drey virtail bekeren vnd darezu von der haymsuche wegn von iglicher person, als vil sy def iren vnd andrer ir helffer daby gehebt habn wanndeln

LXXII Anhang. König Friedrich IV. 1444, October 1.

sollen altes nach des richs rechtn. Dawider nntwurt der von Hall TUTgenant machtbot von der von Halle wegen, sy redten im nichts in die lehen vnd hetten sich auch der nit vnderwunden, denn es were vor mit vrtail er kennt, wann Jörgn von Bebenibnrg geswistergid in der ladung nit begriffn weren, das si denn allein im von sein selhs vnd nit von seiner geswistergid wegn antwurten solten, denn von der haimsuche wegen hetten sy irer veindt gut zu in genomen, darezu als si hofTtcn recht hetten vnd daran nit vnrecht getan, vnd gctrawtn ouch daz si diirumb heins wanndels schuldig weren, wann si wiszten nichts vnfruntlichs mit im zu schaffen haben. DaraufF antwort Jörg von Bemburg, er hett seinem ge swistergid zwen viertail als ir fiirsehcr mit seinem erbteil inngehebt, der aller er nu von den von Halle entwert wäre vnd cntwelliget, wann nu nyemands seiner besiezung solt on recht entsetzet werden, darumli so clagt er von scins selbs wegen solhs auff die von Halle vnd getrawte ouch, sy solten in wider eynseezen bekeren vnd wanndeln als vorstat. Der von Hall machtbott antwort aberdarauff, als Jorgn von Bemburg swester, die das sloss Honhnrt als fur aigen hat innegehebt gestorbn scy, so hab sichJörig des sloss gancz mit der hab darinn vnd dauor vnderwun den vnd das eingenomen, wiewol Cuncz vonBebemburg sein bruder ir veindt sey, also hetten sy an die, die das sloss von seinen wegn innehettn eruordert vnd begert, das sy in irs veinds gut einantworten solten, das woltn sy nit tun, darumb so hetten sy sich des sloss also als irs veinds gnts vnderezogen getrawten ouch, daz si daran nit vnrecht getan hetten vnd als vor, daz sy Jorgn von seiner geswistergid wegn nit schuldig weren zu antwur ten, denn wenn si von in angelangt wurden, so wollen sy in erber Tedlich antwurtt darezu gebn, vnd von seins aigen tails wegen die weil vnd er den nit anders denn mit worten benennen vnd nit bewiset noch besten als recht ist, was sin sei, daz sy dann im auch nichts zu antwurten habn vnd auch von der haimsuche wegn nie manden ichtzit schuldig sein sollen zu wandeln. Jörg von Bemburg redt dawider, die von Halle hettn an die seinen eruordert in das gancz sloss cinzuantwurtn, dar über vil recht gebottn haben auf vns ander forsten berrn vnd stete, die die von Hall nit haben wollen aufneraen, denn darumb in seiner geswistergid innhabenden teil auch seins erblichen eigen teils entweltiget vnd entseezet vnd

begert daran ff mit recht zu erkennen glich als vor. Der von Halle machtbott antwurtt dawider, auch sy hettn sich irs veinds guts vnderczogn, darumb so getrawtn sy daran nit vnrecht getan han mit begerung ouch glich als vor. Also nach vil clag anlwurt red vnd widerred vnd baid teil daz zu recht saeztn, ward mit aintrechticli- eher vrtail vnd zu recht gesprochen , wann die von Halle dawider nicht gcredt habn, denn das Jörg von Bemburg an dem sloss Ilonhart einen virtail seins erbs vnd den sein geswistergid Leopolds vnd Barbaren zwen virtail onch daran vnd an der varendn hab innegehebt hab vnd ouch bekennet hand, daz virtail an demselbn sloss seyen, da der ain Conczen von Bamberg ir »flenn veindt sey, durch des willen sy sich dann desselbn sloss vnd der hab darinn vnd dauor gancz vnderczogn haben, das dann die von Halle Jorgn von Bebemburg die drey virtail, der er von sein vnd seiner geswistergid wegn in gewere geses sen ist, als das in.seiner clag gelauttet hat wider ein- gehn vnd anwurtten sollen vnd die drey virtail an der genomen varendn hab, die in dem sloss vnd dauor ge wesen ist im bekeren sollen mit der zwispalt. Es ist auch dabey ertailt, daz die von Hall Jörgen von Bemburg also einseezen sollen in den nechstkomenden sechs wochen vnd drey tag nach da tu in disz briel's vnd die varenden hab mit der zwispalt bekern, nach dem tag vnd er die den von Hall benennet, ouch in den nachstkomenden sechs wochen vnd drien tag, denn als Jörg von Bemburg be gert hat, das mit recht solt erkannt werden, daz er vnd die seinen vor den von Halle solten sicher sein vnd die von Hall in dem rechten bekennet band, daz sy nichts vnfruntlichs mit im wissen zu tun haben, daby wir daz auch lassen blibn, als) dann daz gcricht ouch darüber geantwurt hat. Hybey sind gewesen die ersamen vnd stren gen Peter Knurr doctor, Appell von Liechtenstein, Hans von Parsperg, Eberhart von Schauberg, Wilhelm Mar- schalh, Hans Schenck, Haymran Nothafft, Veit vom Rotenhan, Eberhart Wolfkel, Stephan Gyr, Erkinger von Scnszhaim, Ott Granse, Jörg Klosner, Hans von Maldecz, Hans von Wildstat, Balthasar von Wenckhaim, Hans Lidwacher vnd ander mer rechtsprecher.

Mit vrkund disz briefs versigelt mit vnserm kunigli- chen anhangunden insigel.

Geben zu Nüremberg an donrstag nechst nach sand Michelstag anno xliiij., vnsers richs im funl'tn jare.