Ich Johan Ringreue Herre zv Ringrevenstein dun kunt allen den die diesen Brief ane sient oder hören lesen, daz ich gelobet han mit Truwen nummermer, die wile ich leben, zv dune an enkeinen Dingen wider den hoch- werdegen Heren min Heren Baldewin Ertzebisschof von Trere, des Man ich bin, noch sinen Siifft oder wider die sinen, die wile her mir vnd die sinen Rechtsgehorsam sin. Ich han ouch en vnd sin Gesinde enlhalden vf mime Hus zv Ringrevenstein vorgenant, vnd sal eme behollen sin, als laDge her gelebet, wider allermenlichen, vnd einen jeclichen vnd zv aller Zyt, ane wider myne Herren, der Man ich bin, vnd mine Man, vnd ane wider die edeln Lude Her Symon vnd Her Johanne Greven von Spanheim, Her Jo hanne den Wildegreven von Dune minen Swager, Hern Isenbarle vud Tylmanne von Hentzenberg, vnd ane wider mine Gemeinere zv Ringreuenstein, vnd mine Mage zv deme Steyne by Kirren. Vnde wan ich gebeden werde von mins Herren wegen von Trere oder siner Amithluden, so sal ich eme diñen vf sine Kost vnd Schaden als gewonlich ist. Vnd were ouch daz der Kein die da vor vzgescheiden sin wider

— 245 —

minen Herren von Trere dede zu Vnrechte, so sa] ich en en thai den vnd eme beholfen sin wider en oder die jene die daz Vnrecht deden, Greuen Symon vnd Greue Johanne von Spanheim , Hern Johan den Wiltgreven zu Dune vnd minen Gemeynern zu Ringrevensleiu vorgenant alleine vz- gescheiden. Alle diese vorgesch. Stucke han ich gelobet mit Truwen zu haldene ан alierleige Argelist. Zu einer merre Bcstedigunge aller dirre vorgeschreben Stucke, vnd ir jec- liches besundern, so han ich min Ingesiegel an disen Brieff

gehangen Der ist gegeben nach Gots Geburte in

déme druzehenhundersteme Jare, vnd sesse vnd zweinzi- gesteme Jare an vnser Frowen Abende, den man nennet Assumptio.