||
(signum crucis) In nomine domini nostri Iesu Christi. Anno ab incarnacione eius millesimo ducentesimo tricesimo quarto, et quartodecimo anno imperii ||
domini nostri Friderici, Dei gracia invictissimi Romanorum imperatoris semper augusti, Ierusalem et Sicilie regis, mense ianuarii, septime indiccionis. ||
Ego frater Iohannes, monachus monasterii Sancte Marie de Cripta, procurator domorum eiusdem monasterii que site sunt intus hanc Capuanam ||
civitatem, declaro in presencia Nicolai, iudicis huius Capuane civitatis, et subscripti Iohannis, notarii, presentibus testibus notario Iohanne Scutario et ||
Martino notarii Michaelis, quia eo quod vos videlicet Guillelmus cognomine de Maurena et Nicolaus qui estis germani, filii quondam Marii, dedistis et solvistis ||
mihi, pro parte et vice atque pro utilitate suprascripti monasterii, quartam partem unius uncie auri ponderatam ad novum imperiale pondus huius suprascripte civitatis; ||
ideo sicut mihi aptum et congruum est, bona mea voluntate, de mandato quoque consensu et voluntate domini fratris Guillelmi, Dei gracia venerabilis prioris suprascripti monasterii, ||
et conventus eiusdem, quod suprascripto iudici constitit, per hanc cartam in presencia suprascriptorum iudicis et notarii atque testium in subscripta observata racione libellario ||
nomine amodo scilicet et usque in viginti et novem annos completos, pro parte suprascripti monasterii concedo, do et trado vobis, hoc est integram unam terram et presam et casam ||
suprascripto monasterio pertinentem que est intus hanc Capuanam civitatem in parrochia ecclesie Sancti Nazarii et hos habet fines: ab uno latere est finis terra et ||
presa et casa Thomasii Lanensi, ab alio latere est finis terra et presa et casa Simonis nepotis dopni Iacobi, ab uno capite est finis ||
terra et presa que est ortus eiusdem monasterii, ab alio capite est finis via publica, una cum omnibus ibi habentibus supter et super et cum ||
viis suis ibidem intrandi et exeundi atque cum omnibus aliis suis pertinenciis. In ea videlicet racione ut tu et tui heredes, vel cui hec carta ||
per vos in manu paruerit et homines quos volueritis licenciam et potestatem habeatis, amodo et usque in suprascriptum completum terminum suprascriptam terram et ||
presam et casam tenere et eam vestris sumptibus reficere et meliorare et in ea habitare et residere cum familiis, et animalibus vestris et cum rebus ||
vestris et de amicis et comeditis vestris et facere et habere ibidem omnem vestram vel eorum utilitatem et necessitatem, que vobis vel eis ne||
cessaria fuerint iusta racione et omnes census, daciones atque pensiones, quas ex inde tollere et habere potueritis amodo et usque in suprascriptos [vi]||
ginti et novem annos completos vestre vel eorum sint potestati, tamen teneatis et recognoscatis illam a suprascripto monasterio et eius part[e et]||
detis et reddatis ex inde suprascripto monasterio et eius parti omni anno pro annicione in festo Purificacionis beate Marie tarenos Amalfie tres. ||
Completis vero suprascriptis viginti et novem annis predicta terra et presa et casa cum omni edificio et melioracione quam in ea feceritis re||
vertatur in possessionem et potestatem suprascripti monasterii et eius partis ad faciendum ex inde abinde in antea semper quicquid eius parti placuerit. ||
In[t]erim tamen defensatum illud habeatis per suprascriptum monasterium et eius partem suprascripta observata racione ab omnibus hominibus omnibusque partibus ||
per penam regalium solidorum auri quinque pacto rato manente. De quibus omnibus complendis a me et a parte suprascripti monasterii vobis ||
vel eis, ut preleguntur, sicut inter nos convenit, bona mea voluntate in presencia suprascriptorum iudicis et notarii atque testium pro parte suprascripti ||
monasterii, guadiam vobis dedi et fideiussorem vobis posui me ipsum per convenienciam, obligans me et partem suprascripti monasterii ||
si necesse fuerit ad pignorandum vobis qui supra Guillelmo et Nicolao germanis vestrisque heredibus vel cui hec carta per vos in ||
manu paruerit scilicet de rebus mobilibus eiusdem monasterii licitis et illicitis usque ad legem. Et taliter ego qui supra frater Iohannes, ||
monachus supradicti monasterii Sancte Marie de Cripta, procurator domorum eiusdem monasterii que site sunt intus hanc Capuanam ||
civitatem, qualiter mihi congruum fuit, bona mea voluntate, de mandato quoque consensu et voluntate suprascripti domini fratris Guillelmi, Dei gracia venerabilis ||
prioris suprascripti monasterii et conventus eiusdem, hec omnia supradicta ut dictum est per suprascriptam racionem fecimus. Et te Iohannem notarium qui interfuisti ||
scribere rogavimus. Capue. (signum notarii)

||
(signum crucis) Ego qui super Nicolaus iudex. (signum iudicis)

||
(signum crucis) Ego Iohannes notarius interfui et subscripsi.

||
(signum crucis) Ego Mutinus testis.