||
(signum crucis) In nomine Domini. Anno millesimo ducentesimo quinto ab incarnatione domini nostri Iesu Christi, mense februarii, none indictionis, et nono anno regnante domino nostro ||
[Fre]derico, Dei gratia serenissimo rege Sicilie. Coram magistro Karulo et Guillelmo iudicibus atque subscripto notario, ego Rao, filius quondam Filippi Manerii, pro parte mea ||
[et] Philippi militis fratris mei, bona nostra voluntate, permutationis titulo dedi et per fustem tradidi tibi domino Petro de Bonaldo, preposito ecclesie Sancte Marie de Cripta, tibi re||
[cipi]enti pro parte eiusdem ecclesie, quandam pecciam terre in territorio Torlicosi, in loco ubi Padula Cupa dicitur; et quondam ortalem in casali Foliano et unum ortalem in casali Vito||
lano, in loco ubi Festula nominatur; et quattuor pedes olivarum in eodem loco qui sunt in fundo heredum Ugonis et Renulfi Pontensis. Predicta autem terra est per hos fines: a duabus par||
tibus est res dicte ecclesie, a tertia parte est via puplica, a quarta parte est fluvius qui dicitur Calorus; ortalis vero qui est in casali Foliano, hos habet fines: a duabus partibus est via pu||
plica, a ceteris est res Guillelmi de Martino. Alter quidam ortalis his circumdatur finibus: a prima parte est res dictorum heredum Ugonis et Renulfi Pontensis, a secunda parte est res ||
Martini de Unfrido, a tertia parte est anditus Nicolay Gayte, a quarta parte est via puplica. Intra quos et enim fines totam et integram ipsam pecciam terre et nominatos ortales ||
[et] illos quattuor pedes olivarum, sicut dictum est, tibi dedi et per fustem tradidi, cum inferioribus et superioribus, cum viis et anditis et cum omnibus inde pertinentiis transactive habenda et per||
petuo possidenda, exeptis duobus pedibus olivarum in ortale qui est ubi Festula dicitur, qui sunt dictorum heredum Ugonis et Renulfi Pontensis et pro ipsa permutatione recepi ||
a te scilicet a parte supradicte ecclesie pro parte mea et dicti Philippi militis fratris mei, quoddam olivetum in casali Foliano, prope domum meam, et quinque pedes oli||
varum in eodem loco qui sunt in fundo heredis Iohannis Cavallerii, et duos pedes olivarum et duas partes alterius pedis olivarum in eo ipso loco qui sunt in fundo Mathei. Ea videlicet ||
ratione ut a modo et semper supradicta ecclesia suique rectores iamdictam meam dationem et traditionem firmiter habeant et possideant, et quicquid eis hutile visum fuerit fa||
ciant, sine mea et Philippi militis fratris mei nostrorumque heredum contradictione atque per nostram defensionem ab omnibus hominibus omnibusque partibus et omni tempore. Et siquid ex inde per ||
legem amiseritis tu et pars ecclesie eiusque rectores aliud tantum et tale et cum tali edificio, quale in illa die ibi esse invenitur vobis restituere obligamus. ||
De coludio vero, si ab vobis pulsati fuerimus, vobis legibus satisfaciamus et adimpleamus. Quod si taliter ut dictum est vobis illud non adimpleverimus aud si hoc ||
removere quesierimus, obligo me et meos heredes pro parte mea et Philippi militis fratris mei decem regales aureos conponere. Causa firma manente per iam dictam penam ||
et per vadiam quam inde tibi pro parte ecclesie dedi et fideiussorem Octavianum notarium posui. Hoc breve scripsi ego Octavianus notarius quod interfui et quia superius inter vir||
gulos titulatur legitur “in fundo”. (signum notarii)

(signum crucis) Ego qui supraWillelmus iudex. (signum iudicis)