(signum crucis) In nomine domini. Anno millesimo ducentesimo septimo ab incarnatione domini nostri Iesu Christi, mense novembris, undecime indictionis et undecimo ||
anno regnante domino nostro Frederico, Dei gratia serenissimo rege Sicilie. Ego Karolus, iudex Capue et Toccensium, statum humane fragilitatis ||
precogitans in qua omnia sunt mundana caduca, in qua nichil est stabile, nichil est firmum preter id quod eterne salutis contemplatione salubriter constitutus. ||
Si quid quantumque sit aliquis scientia illustratis moribus decoratus habundantia divitiarum repletus, ut pennis aureis vel argenteis se qui volare con||
fidat, non tamen liberum se noscat habere velatum nec statum immutabilem poterit obtinere nisi Dei servitio et divino cultui det operam efficacem. Pro salute ||
igitur anime mee et patris mei et matriis mee et pro remissione peccatorum nostrorum in subscripta observata ratione concedo, do et offero tibi domino Robberto ||
venerabili priori Sancte Marie de Cripta de monte Drogi, tibi tamen pro parte ecclesie tue Sancte Marie in eodem monte constitute, quandam starziam in pertinentiis Tocci, ||
constitutam prope casale Folianense, in loco ubi dicitur Calianus, quam habeo et possideo ex largitate et donatione bone memorie illustrissimi domini Iohannis ||
de Raupacanina, Alifie comitis, sicut continetur in meo privilegio eiusdem domini comitis subscriptione subscripto et sigillo suo roborato, quod tibi assigno.1||
Predicta autem starzia hos habet fines: a prima parte finis eius est altera res mea, quam mihi reservavi, et res heredum Iohannis de Mari et res Iohannis de Lavallo, ||
a ceteris vero partibus sunt vie puplice intra quos etenim finem totam et integram ipsam starziam tibi sicut dictum est concedo, do et offero nichil mihi vel meis ||
heredibus reservans. Preterea, concedo, do et offero scadenziam, que fuit quondam Trocte Rose, quam similiter habeo ex largitate et concessione supradicti domini comi||
tis, sicut in predicto privilegio continetur. Ea scilicet ratione, ut a modo et semper, tu domine venerabilis prior et conventus et pars predicti monasterii, supradictam starziam ||
et scadenziam firmiter habeatis et possideatis, salvo quod nulli persone debeatis in beneficium vel incensum concedere set semper in demanio ecclesie et monachorum ||
retinere vos et vestri successores et, salvo ut si Deo inspirante, ad monachalem habitum converti mihi placuerit et religionem vestram elegero, debeatis vos ||
et successores vestri me recipere congrue et sicut dictum sine alia donatione; set omni tempore vos et successores vestri pars ecclesie eiusque rectores predictas star||
ziam et scadentiam in integrum et absolute firmiter habere possitis et tenere et quicquid vobis hutile visum fuerit ex eis facere, sine mea meorumque heredum ||
contradictione atque per nostram defensionem ab omnibus hominbus omnibusque partibus et omni tempore; si quidem ullo advenienti tempore ego vel mei heredes contra ipsam meam concessionem, ||
donationem et oblationem venire presumpserimus aut dirrumpere vel removere quesierimus obligavi me meosque heredes tibi tuisque successoribus, pro parte dicte ecclesie, ||
quinquaginta regales solidos componere causa in sua firmitate durante per vadiam quam inde tibi dedi et fideiussores me ipsum posui. Hanc cartam scripsi ego Octa||
vianus notarius mandato predicti Karoli iudicis; et superius emendatum est “roborato” et titulatur “si”. (signum notarii)

||
(signum crucis) Ego qui supra Karolus iudex. (signum iudicis)