||||[7] Vor frid haissenn lügenna

–Ittemb wer denn annderenn haist lügenn, der ist umm zechen schillinng pfennig kommenn, unnd dann darnach also hertt wirt, das sy ain annderenn schlachenn wurdenn, da dunktt unnß, das luͤgen haissenn wol ain anfanng sy der buͦß, unnd soͤllinnd dem waibel unnd laider werdenn v  ß d, unnd das selb jettwederm halb. Ouch welcher ain haist luͤgenn unnd mag inn mitt der besserenn kuͦnttschafftt bezuͤgenn unnd uff inn bringenn, das er glogen hett, so muͦß der, der also glogenn hett, die buͦß genn, unnd der nuͤtt, der hett haissenn lügenn.1