||[23] 1Vor rath fr[aͤ]fnena

○2○/○Esb ist ain grosser zwyfacher radt zuͦ radt worden, wair sach, das jeman, wer der wair, fraiffnetty vor radtt ald vor gricht unnd das konnttlich wurd, es sye mitt worttenn ald mitt werchenn, der ist on gnad den landt luͤttenn zuͦ buͦss verfallenn x  lib d. Unnd sol die ze stund verthroͤstenn vor radt ald gricht, wer dz verscholt, wie dick und wie vil er das thuͦtt. Und sol das nieman uff den anderenn brinngenn, sonder der den fraiffen thuͦtt, sol die buͦß genn. Unnd mitt der lütterunng, so ainer an aim fraiffnett, sol die x  lib d gen, und der sich sines libs und lebenns weren muͦß gegen dem, der erstlich an im fraifnett, der selbig sol kain buͦß geben. Es moͤcht aber ainer mitt worttenn an aim fraifnenn, wie dann der artikel, als ob stadt, ußwist, unnd dannocht nütt mitt thatlicher hand ald gwer zuͦ aim schlachen, min heren wurdenn inn als wol um die x  lb d straffen, als hett er erstlich || gfraiffnett. Ouch so es sich begaib, dz zwen ain anderen da selbs verwundettenn, so wellind min heren nach dem schadenn richten, was billich unnd recht ist.1

2○+ Witterc ist besetzt, das niemannd mitt sinem harnist nach mitt sinem wafenn in radt sol gon. Wer dz thaitt, der ist den landtluͤtten verfallenn drü pfund pfenig. Wo aber das ongfarlich gschaich, so ist er nitt umm buͦß komen.2