[31] 4+3Wie kinds kind erbenn sollenna

○+Annob domini 1501 jar an sant Pauls desß ersten ainsidels tag hatt ain gannze gmaind1 uffgnomen von erbschafftt wegenn deren kinnden, denn ir vatter und muͦtter vonn thotts wegenn abgonnd vor der kinda eny und ainy, also das soͤliche kind non für des obgnanten sant Pauls tag hinn ire eny unnd ainy an irs abganngnen vatters older muͦtter statt als ain erb erbenn soͤllind alles lingenndtz unnd farenndz guͦtt, das das abgangen nach lanz recht von sinem vatter und muͦtter hett moͤgen erbenn, ob es nach in leben wair. Was aber vor dem gemelten sant Pauls tag gestorbenn ist, sol har inn ußgesezt sinn und die selbenn nitt behelfen nach bindenn. Item disenn artikel hatt die gmaind im 1534 jar und im 1535 jar unnd im 1537 jar uff ain nüws bestaitt. c–Unnd nachmals witter bestaitt im 1555 jar, das sy aldan ir enny und eny sollend erben ligentz und fairentz an vatter older muͦtter statt, obschon sust kain eelich kind in lebenn wair.–c2