[61] Von zwing verkhünden um kuntschaft sagena

○+Ochb ist besezt, wann ainer aim ainn zwing verkündt umm kuͦntschafft sagen, so sol der selb die erstenn fart fuͤrgebens gon und sagen, als vil im zuͦ wissenn sye. Ob aber der selbig dess selben tags nütt gehoͤrt mag werdenn older gricht, also dz er inn mer bruchenn muͤst, wie dik dz beschicht, so sol er im fuͤr die erstenn fart hin jedes tags zelon gebenn achtzechenn pfennig, er well si dann lieber in gschrifft nemen, dz er wol mag thuͦn. c–Item im 1558 jar hatt ain lanndt aman und grossen zwenfachen lantz ratt uf und angnomen, das man niemand sol kuntschafft sagen lon, wer ainer older beden parthyenn, so mit ain andren im rechten sind, geschwüstirig kind, schwaiger old naicher fründ ist older das aines an der sachen zuͦ gwünen old zuͦ verlierenn hett.–c1