Beilage 6.

Kaiser Ferdinand I. trägt dem Bischofe von Breslau und dem

Herzoge Georg II . von Liegnitz auf, über die Einführung Herzog

Heinrichs XI . in das Fürstenthum Liegnitz zu berathen.

18. August 1559.

(Gleichzeitige Abschrift.)

Ferdinand von Gottes Gnaden erweltter Romischer Kaiser, zu allen Zeittenn Mehrer des Reiches, auch zu Hungernn vnnd Behaim Konig etc.

Hochwirdiger, Hochgeborner Ohaim, Fürsten, Gestrenger Gelartter Lieben Getrewnn. Nachdem, wie Euch gehorsamlich bewust, wir die Verordnung than1), das der Hochgeborne vnser Ohaim, Furst vnd Lieber Getreuer, Fridrich jnn Schle sien Hertzog zur Lignitz vnd Brigg etc. jn vnser Custodj vnd Vorwarung eingezogen werde, allerlej Weittleufftigkeitt, vnd fernerem geferlichem Nachteill von wegen seines vnordenttlichen leichtfertigen Lebens zuuormeyden so wie dan dagegen enttschlossen, den Hochgebornen vnsern Ohaim, Fursten, vnd Lieben Getreuen Hainrich inn Schlesien Hertzogen zur Lignitz vnd Brigg etc., seinen Sohn, inn das Fursten- tlunnb Lignitz einfuhren zu lassen, Inhaltt des Abscheids2), so wir ime vor seinem Vorrucken von vnserem kaiserlichem Hoff gnediglich mittgetailtt, ist vnser gnediger Beuelch, als bald Hertzog Fridrich in vnsere Vorwarung kumptt, vnd gezogen wird, das ir alsdan forderlich berattschlagtt, wie, vnd welcher Gestaltt in Krafftt vnsers mittgethailtten dem Hertzog Hain richen Abschieds, vormoge der inserirtten Condi- tionen (des Copej Ir dauon hineben haptt) er Hertzog Hainrich in das Furstennthumb Lignitz moge eingefurtt werdenn, An solchem beschicht vnser gnadiger vnd endlicher Will. Geben inn vnnser vnd des Reichs Stadt Augspurg den achtzehenden'Tag Augustj Anno etc. im neun vnnd funfftzigstenn, vnserer Reiche des Romischen im neun vnd zwanzigsten; vnd der andern aller im drey vnd dreyssigsten.

Ferdinand. m. pr.

Joachim de noua domo etc.

S. R. Bohemiae Cancellarius. manu propria.

Den Hochwirdigen Hochgebornen Ohaim Fursten vnd Gestrengen gelartten vnsem Lieben Getreuen Balthasarn Bischoffen zu Preslau obristen Haupttman in Ober vnd

1) Dieses Actenstück hat sich nicht ermitteln lassen.

2) Beilage 5.

23

178 U, Schtceinichens Heinrich XI .

NiderSchlesien, Georgen, in Schlesien Hertzogen zur Lignit* vnd Brigg etc. vnd Georgen Mehl von Strelitz auffm Burglehen zum В un tz lau, vnserem Rauh der Chron В eh a im deuttschem ViceCantzler, vnd oberstem Hoffrichter des Fursten- thumps Jauer Doctorj.