125.

Universis presentes litteras inspecturis, Jacobus, DeiJ gratia Morinensis cpis- ce-pus, salutem in Domino sempiternam. Cum jamdudum nobis ex parte virorum religiosorum S., Dei permissione abbatis ecclesic sancti Bertini, in sancto Au- domaro, domini et patroni de Poperinghes, nostre Morinensis dyocesis, et ejusdem ecclesie sancti Bertini conventus, necnon Hugonis, curati parrochialis ecclesie, ac etiam scabinorum, coratorum et comitatis ejusdem ville de Poperinghes, fuisset intimatum, quod, propter parrochianorum commorantium in dicta villa multitudinem ac populi cotidianum incrementum, predicti villa, populus ac par- rochiani unica non poterant esse contenti ecclesia, nec animabus in predictis villa et parrochia per unius curati possibilitatem poterat salubriter provideri, et ob hoc ex parte ipsorum nobis fuisset supplicatum, ut nos ad edificationem, construc- tionem et fundationem duarum novarum ecclesiarum parrochialium in villa et parrochia predictis, preter tamen principalis et antique ecclesie lesionem enor mem, nostrum vellemus adhibere pontificalem assensum, et eisdem auctoritatem prestare, cum ad id ex causis premissis urgeret necessitas in villa et parrochia supradictis. Notum facimus, quod nos divini cultus augmentationem et animarum saluti providere pro viribus affectantes, volentesque eorum justis supplicationibus annuere, quantum de jure possumus et debemus, virum discretum magistrum Johannem de Ligniaco, canonicum et officialem nostrum Morinensem destinavi- mus ad inquirendum loco nostri, utrum ad fundationem, edificationem et constructionem dictarum duarum novarum ecclesiarum parrochialium, in villa et parrochia predictis, urgeret necessitas; item utrum dicte due nove parrochiales ecclesie in dictis villa et parrochia fundari, construi et edificari poterant preter principalis et antique ecclesie lesionem enormem; item utrum ministris sive pres- biteris eisdem ecclesiis servitutis tantum fuisset assignatum, quod sufliceret ad hospitalitatem et jura episcopalia persolvenda; item utrum previsum esset de plateis et locis congruis pro chymiteriis et ecclesiis construendis; item utrum totius vel majoris partis parrochianorum et comitatis predictorum in premissis

interveniret consensus , et utrum ad edificationem dictarum duarum novarum ccclesiarum se vellent insolidum ipsorum sumptibus obligare. Verum quia per relationem predicti officialis nostri nobis factam ac per ipsius litteras super pre- missis confectas nobis constat legitime de premissis, facta prius per predictum oflicialem divisione predicte totalis parrocbie in tres partes, factaque per ipsum competenti limitatione trium parrochiarum de totali predicta parrochia, per vicos et viculos, fossata et rivulos, per vias et semitas, prout melius fieri potuit, ad hoc quod dicte due nove parrochiales ecclesie, una cum predicta principali et antiqua ecclcsia fiant , construantur et edilicentur in villa de Poperinghes predicta in plateis ad hoc paratis; prout noster officialis predictus nobis retulit et rescripsit, nostrum adhibemus consensum, et predictas duas novas ecclesias in locis pretlictis, imam videlicet in orientali et aliam in occidentali parte, a predicta principali et antiqua ecclesia fieri, construi et edifican ex causis decrevi- mus antedictis; predicta principali et antiqua ecclesia suo priori situ penitus remanente, statuentes quod in unaquaque dictarum trium parrochialium ecclesiarum sit unus curatus, qui infra metas sue parrochie jura parochialia insolidum percipiat et habeat, salvis dictis religiosorum et eorum ecclesie in totali dicta villa et tribus parrochiis predictis jure patronatus, privilegiis , libertatibus, juribus, consue- tudinibus, portionibus et aliis quibuscumque pertinentibus ad eos et eorum monasterium in natalibus, oblationibus, obventionibns, decimis et excadentiis, prout iu predicta totali villa et predicta unica principali et antiqua ecclesia hucusque perceperunt, levaverunt et habuerunt percipere, levare ct habere potuissent et habuissent in quibuscumque rebus et casibus, si dicte due nove ecclesie nun- dum adhuc fuissent institute. Sane considerantes in premissis predicti Hugonis laudabile propositum, et quod premissis consentit in ejusdem Hugonis non modicum detrimentum, quodque dictus Hugo gerendo diu curam predicte totalis parrochie fideliter laboravit, ratione previa ac competenti prehabita deliberatione statuimus, ut idem Hugo, qui predictam suam principalem et antiquam eccle- siam retinet et retinuit ducentas garbas bladi et quadringentas garbas avene, que curato predicte totalis parrocbie ante divisionem predictam in curte sancti Bertini apud Poperinghes debebantur, item quadraginta solidos Parisienses annui redditus vel circiter de redditibus brevium dicti antiqui curati levet, percipiat et habeat, et quod curatus predicte orientalis ecclesie sex libras Parisienses, curatus vero occidentalis ecclesie quatuordecim libras Parienses nomine pensionis amiis singulis mediatim in natali Domini et mediatim in festo Nativitatis beati Johannis Baptiste, quilibet pro rata sua reddant et solvant dicto Hugoni, quam- diu dictus Hugo vitam habuerit in corpore naturalem et curatus fuerit dicti loci. Verum etiam et si dictus Hugo causa debilitatis vel infirmitatis aut alterius im- pedimenti canonici dicte parrochie personaliter deservire nequiverit, nichilominus ipse Hugo, quamdiu vitam in corpore gesserit, dictam pensionem annuam viginti

из

librarum Parisiensium modo supradicto a dictis duobus curatis dictarum novarum parrochiarum percipiet et habebit, dum tamen aliud beneficium ecclesiasticum ipsum non contigerit obtinere. Nosque curatos dictarum novarum ecclesiarum , qui- cumque pro tempore fuerint, eorumque ecclesias, redditus et pro ven tus eorumdem ab earum prima institutione erga dictum Hugonem pro premissis efficaciter obligamus. Quo Hugone de medio sublato supradicte garbe bladi et avene presbitero dicte orientalis ecclesie,et dicti redditus pecuniarum presbitero principalis et antique ecclesie extunc cedent et perpetuo remanebunt. Dictique curati dictarum novarum ecclesiarum et eorum successores extunc imposterum a solutione predicte pensionis manebunt liberati. In cujus rei testimonium presen- tibus litteris sigillum nostrum duximus apponendum. Datum anno Domini mil lesimo ducentesimo nonagesimo, feria quarta ante Penthecosten.

Original. Sceau enlevé.