124.

Universis presentes litteras inspecturis, nos W., divina permissione abbas, et conventus monasterii sancti Bertini, in villa sancti Audomari, ordinis sancti Benedicti, Morinensis dyocesis, et nos frater J., dictus abbas , et conventus monasterii Dunensis, ordinis Cisterciensis, ejusdem dyocesis, salutem in Domino sempiternam. Cum labilis sit hominum memoria, vitaque brevis, et vite terminus incertus, expedit ut ea, que zelo bone fidei contrahuntur perpetuo duratura, per scripture seriem perpetue memorie commendentur, ea propter nos in con tractu permutationis, qui sequitur, utilitatem ecclesiarum nostrarum et earum cujuslibet attendentes, notum facimus universis, quod, cum nos ad curtes nostras in officio Furnensi inter Ramscapple et Vulpen sitas, que vocantur Boidinjoc- vels et Alontshuse, inter quas curtes transit aqueductus publicus, terras vicinas alterutrum utiles haberemus, videlicet nos abbas et conventus sancti Bertini triginta quatuor et dimidiam mensuras terre preter tres virgas ad curtim nostram de Boidinjocvels pertinentis confinis terre de Alontshuse et site ultra aqueductum versus curtim de Alontshuse, et nos abbas et conventus Dunenses triginta novem mensuras et sex virgas terre ad curtim nostram de Alontshuse pertinentis con-

ш

finis terre de Boidinjoevels et site ex alia parte aqueductus versus curtim nostram de Boidinjocvels; nos predicte partes, habita super hoc deliberatione diligenti, cum assensu omnium et singulorum, nostram permutationem perpetuam fecimus ad invicem utiliter de terris prenotatis, et dictas terras alterutrim permutantes hinc et inde tradidimus et deliberavimus, adhibitis solempnitatibus debitis et in hujusmodi permutationum contractibus consuetis, videlicet nos sancti Bertini dictis Dunensibus dictas triginta quatuor et dimidiam mensuras preter tres virgas, que prius ad nos et curtim nostram de Boidinjocvels pertinebant, et nos Dunenses illis de sancto Bertino dictas triginta novein mensuras cum sex virgis prius ad nos et curtim nostram de Alontshuse, prout dictum est, pertinentes. Mosque partes predicte cupientes ipsam permutationem utrique parti utilem, que solempniter et rite facta est, ratam et firmam in futurum permanere, bona fide promittimus, nos sancti Bertini predictis Dunensibus dictas terras eisdem causa permutationis deliberatas a nobis et traditas, ut dictum est, et nos Dunenses illis de sancto Bertino dictas terras eisdem similiter a nobis deliberatas et traditas legitime garandizare perpetuo quitas et liberas ab omni servicio, onere et exactione qua- libet contra omnes. Et quia terra, quam dicti abbas et conventus Dunenses nobis abbati et conventui sancti Bertini, causa dicte permutacionis, tradiderunt, quatuor mensuras et dimidiam cum novem virgis terre conti neat ultra continenciam terre , quam ipsis Dunensibus tradidimus, nos abbas et conventus sancti Bertini pro mittimus et tenemur ex nunc in posterum annis singulis dictis abbati et conventui Dunensibus, in medio mensis marcii, solvere viginti solidos Flandrenses pro qualibet mensura dictarum quatuor et dimidie mensurarum et novem virgarum terre, quoadusque nos sancti Bertini dictis Dunensibus quatuor mensuras et dimidiam cum novem virgis terre confinis terre curtis de Alontshuse deliberave- rimus, assensu domini terre competenter. Hanc igitur permutacionem, contrac- tumque et convenciones, per expressas nos partes predicte bona tide promittimus et tenemur fideliter observare et contra non venire, nos nostrosque successores ad hoc observanda specialiter obligantes, a�? renunciantes in hoc facto, nomine nostro et ecclesiarum nostrarum , beneficio restitucionis in integrum, exeptioni fori, doli, mali, convencioni judicum et aliis exeptionibus et rationibus quibus- cumque. In quorum premissorum testimonium et ut rata permaneant, nos abbas et conventus sancti Bertini predicti sigilla nostra, et nos abbas et conventus Dunenses sigillum nostrum, quo unico de consuetudine ordinis nostri utimur, pre- sentibus litteris duximus apponenda. Datum anno Domini millesimo ducentesimo octogesimo nono, feria quinta post Purificationem beate Marie Virginis.

Original. Sceaux enleves.

ш