157.

Wy, Jooris Guydonce, ende Margriete, Jacob Hauscilts dochter, zyn wettelike wyf, doen te wetene allen lieden, ende kennen bi desen lettren, dat, ute dien,

dat omme ons te zuvernc van zekeren sculden, daerin dat wy ghehouden zyn, ieghen eerwaerdighe religieuse in Gode., den abt ende convent van sinte Bertins te sinte Omaers, wy upten dach van heden voor scepenen van Brugghe, wet- telike ghifte ghegheven hebben, den heere Jan Verghetot, prioor nu ten tiden vander abdie van sinte Bertins vorseid, ter vorseider abdie bouf, naer wetten, costumen ende usagen vander stede van Brucghe , van tween husen te gader staende anden zuudwesthouc vander Goederix brucghe, met al datter toebe- hoord, ghelike dat de lettren die daerof zyn, in svorseids prioors handen vander vorseider ghiften, bet ten vullen verclaersen, ende dat omme ons, weder tonsen vorseiden husen te commene, mids betalende den vorseiden van sinte Bertins, de somme van hondert tien ponden, zeven scellinghen , ende tien pennin- ghen groten tornoisen vlaemschs ghelds, te zekeren terminen ende paieraenten, tusschen ons in beeden ziden gheacordeert ende ghesloten, de vorseide religieuse abd ende convent van sinte Bertins, ons daerof weder brieven ghegheven hebben onder haerlieder zeghelen, dat wy de vorseide husen lossen moghen betalende de vorseide paiementen, ende recht niet ghedoghen ne mach, dat yemene wien tsine ontborecht word, ende die daerof zinen sculdenare, gracieuse payementen consenteerd begherende verwaerd te wesene vanden zinen , sculdich es te wesene bedroghen, maer wel versekerd vanden zinen alsoot behoort. So eist dat wy over ons ende onsen naercommers wedden ende beloven de vorseide hondert tien pond, zeven scellinghe ende tien penninghe groten ghetrouwelike te betaelne den vorseiden van sinte Bertins, of haerlieder zekeren bode, ten terminen ende payementen voorsproken, dats te wetene drie ende dertich pond, zes scellinghe, ende achte penninghe groten binnen viertien daghen eerst comraende, ende zevene ende tseventich ponden, viertien penninghe groten, binnen achte jaren uaervolghende, danof up te viere eerste jaren achte pond grote elx jaers, ende up te viere laetste jaren elleven ponden, vyf scellinghen, drie penninghe, ende eenen halling groten elx jaers, ende waert zo, dat bi ghebreke van betalinghen, de vorseide van sinte Bertins de vorseide husen metter ghifte behouden moesten, ende zy der vorseider somme, al of zom niet waerdich en worden, so kennen wy in versekertheden van dien ons ghehouden zynde ieghen de vorseide van sinte Bertins in de somme van viere hondert ponden Parisis vlaemscher muii ten hemlieden te gheldene ende te betaelne, ten wille ende ten vermaenne van hemlieden iof vanden bringhere deser lettren cause van hemlieden hebbende. Ende voord waert zo,dat in de rekeninghe die ic, Joris vorseid, ghedaen hebbe den vorseiden van sinte Bertins van haerlieder goede, daerof dat ic haerlieder ontfanghere ghesyn hebbe, ic eenighe achterstelleu overghegheven hadde, die men namaels bi mi bevonde ontfaen wesende, iof dat ic van haerlieder goede yet ontfanghen hadde, daerof dat ic gheen bewys ghedaen hadde, so wilkueren wy, Jooris ende Margriete, zyn wyf vorseid, dat de vorseide van sinte Bertins

206

iof haerlieder zeker bode die ghebreken halen moghen up ons, onscrlieder lichamen ende goed, ende elx van ons zonderlinghe. Ende omme al dit getrouwelike te vulcommene» so hebben wy, Jooris ende Margricte, zyn wettelike wyf vorseid, verbonden ende gheobligiert, also wel onse lichamen ende al onse goed, mueble ende cateilen, zo waer zy gheleghen zyn iof bevonden worden als onse leengoed, dat ic, Margriete vorseid, houdende bem te leene ende in manscepen van minen gheduchten heere den grave van Vlaendren van zyre Borch te Brucghe, groot wesende viere ende viertich ghemeten lands met allen den Imsen ende boomen diere up staen ende met al datter toebehoord, licghende in de prochie van Oedelheem, twelke ic, Margriete vorseid, bi consente vanden vorseiden Jooris minen man, ghelikelike daerin verbinden ende abandonneren, dat tallen heeren, weften ende justicien, omme an onse vorseide lichamen ende goed, mueblen ende cateilen, iof an elc zonderlinghe, de vorseide vierhondert pond Parisise ende tvorseide gebrec, iof elc zonderlinghe, daeran te ghehaelne heerlike metten constrainte vanden vyfsten penninghe, iof ter ghelieften vanden bringhere deser lette- ren, an tvorseide leengoed met al datter toebehoord, metten constrainte vanden vyfsten penninghe naer wetten, costumen ende usagen vanden hove, metgaders allen andren tosten ende scaden, die de bringher deser lettren doen zouden bi ghebreke van betalinghen, ten simplen zecghene sbringhers vorseid zonder eed iof preuve deromme te doene, ende zonder verminderen svorseids principaels renun- cyeren gaen of ende doen van ons ende elc zonderlinghe clercscip, poorterscip, vrylaet- scip, ende alle andre manieren van vryheden , cavillatien , frauden, exceptien, ende bescudden, gheestelike ende wereldlike, rechten ende andre vryheden, die ons, iof den eenen van ons, te baten zouden moghen commen ende te bescudde, omme ieghen yet dat vorseid es te ghane iof te proposeerne, in eenigher manieren den vorseiden van sinte Bertins, iof den bringhere deser lettren te deren tombaten ende in prejudicien, ende specialike trechte dat zeicht, dat ghemeene renunciatie niet ne doocht. In kennessen der waerheden, so hebben wy, Jooris Guydonce ende Margriete Hauscilts, syn wyf vorseid, dese lettren utehanghende besegheld met onsen zeghelen. Ende omme de meerre versekerthede, hebben ghebeden ende bidden onsen gheminden vrienden , Lamsine vander Muelne, Janne den Stovere, ende Gervaise den Vulre, mannen van leene ons vorseids gheduchts heeren, ende huusghenoten van mi Margrieten vorseid, dat zy alle dese vorseide gheloften, kennessen ende verbanden, ende elc zonderlinghe up ons ende elken zonderlinghe, ende up onse vorseide goeden ende elx zonderlinghe, kennen willen als mannen, ende met haerlieder zeghelen dese letteren beseghelen, in confortante van onsen zeghelen. Ende wy, Lamsin vander Muelne, Jan de Stovere ende Gervais de Vulre, manne van leene ons gheduchts heeren shertoghen van Bourgoingne, grave van Vlaendren, omme dat wy te jeghenwoorde waren, daer bi den vorseiden Jooris Guydoncen, ende joncvrauwe Margrieten Hauscilts zinen

207

wive, de vorseide dinghen ghelooft, ghekend ende verboiiden waren, ende ele zonderlinghe also vorseid es, ende ons baden te gader, ende ele zonderlinghe, als mannen ende huusghenoten van joncvrauwe Margrieten vorseid, kennesse der of te draghene. So hebben wy vorseide mannen in kennessen der waerheden dese letteren utehanghende beseghelt met onsen zeghelen in confortante van haerlieder zeghelen vooren deran ghehanghen. Dit was ghedaen int jaer ons Heeren dusentich vierhondert ende zevene, den ellevensten dach in Meye.

Original. Sceaux enleves.