158.

Ic, Jan Verghetot, monic ende prioor in de abdie van sinte Bertins, te sinte » Omaers, der ordinen van sinte Benedictus, in de dyocese van Theerembnerch, ende procureur generael mer heeren sabts ende sconvents der zelver abdie in desen tiden, doe te wetene allen lieden, dat ute dien, dat upten dach van heden Jorys Guydonce ende Joncvrauwe Magriete, Jacob Hauscilts dochter, zyn wettelike wyf, omme hemlieden te zuverne van hondert tien ponden , zeven scellinghe ende tien penninghe groter tornoyse vlaemscher munten , daerin dat zy ter vorseider abdie waert ghehouden zyn, ute causen van dat de vor seide Jooris als ontfangher der vorseider abdie de vorseide somme tachter bleven es in zine laetste rekeninghe, alsoot bliken mach bi dier zelver, mi wettelike ghifte ghegheven hebben voor scepenen van Brucghe tcloosters bouf van sinte Bertins vorseid, naer wetten, costumen ende usagen vander stede van Brucghe, van rween Imsen te gader staende anden zuudwesthouc vander Goederix brucghe met al datter toebehoord, ghelike dat de lettren vander ghiften, beseghelt met scepenen zeghelen van Brucghe vorseid, die daerof zyn in minen handen, bet te Millen verclaersen, ende dat omme den vorseiden Jooris de vorseide somme te betaeine, bi payementen der abdie van sinte Bertins vorseid, zekere voorwarden ende condicien , tusschen ons in beeden ziden ghemaect, gheacor- deert ende ghesloten zyn, te dien hende dat de vorseide van sinte Bertins verwaerd bliven van haerlieder sculd ende dat de vorseide Joris betaeld hebbende

208

de vorseide somme van peneghen,hi ende zyn vorseide wyf iof haerlieder naer- commers weder commen moghen tharen vorseiden husen. So eist dat ic, in den name als boven, naer den "ihoudene der vorseider vorwarden, kenne bi desen lettren, dat ic gheconsenteerd hcbbe ende conseiltere den vorseiden Jooris ende joncvrauwe Margrieten, zinen wive, de vorseide somme van peneghen te moghene betalen , te diversen terminen ende payementen hiernaer verclaerst, dats te wetene binnen den twee ende twintichsten daghe van meye nu eerst commende, drie ende dertich ponden, zes scellinghe, achte penninghe grote, voort telken twee ende twintichsten daghe in meye daernaer eerst volghende , achte pond grote in elc jaer, vier jaer lang ghedurende, ende voort binnen noch viere jaren daernaer eerst volghende, telken twee ende twintichsten daghe in meye in elc jaer, elleven pond, vyf scellinghe, drie penninghen ende eenen halling grote; ende zo wanneer de vorseide Jooris ende zyn wyf, iof haerlieder naer- commers, de vorseide hondert tien pond, zeven scellinghe ende tien penninghe grote vnl betaeld zullen hebben ten terminen vorscreven, dat mine heeren abt ende convent in den name vander vorseider abdien ghehouden zullen zyn de vorseide ghilete vanden vorseiden husen te nieuten te doene, ende den vor seiden Jooris, zinen wive iof haerlieder naercommers wederghifie te ghevene vanden vorseiden husen, bi also dats nood zy; maer waert zo , dat de vorseide Jooris ende zyn wyf, iof haerlieder naercommers, achterlieten de vorseide somme te betaehie, ten payementen ende terminen vorscreven, ende zy daernaer over- leden den tyd zonder betalen tote den eersten daghe in ougst eerst commende, naer elc iof eenich vanden vorseiden paiemeuten, so es sprake ende vorwarde tusschen ons in beeden ziden vorseid, dat met desen jeghenwoordigheu lettren de vorseide Jorys, zyn wyf, noch haerlieder naercommers homlieden nemmermeer jeghen de vorseide abdie ghehelpen zouden moghen, maer daerof onghewaran- deert bliven ten eweliken daghen, omme minen vorseiden heere den abt ende tconvent der vorseider abdie metten vorseiden Imsen haerlieder oorbaer te doene, naer den inhoudene der vorseider ghiften als met haerlieder propren goede; welke vorseide payementen ende elc zonderlinghe, iç, Jan Verghetot vorseid, in den name als boven, belooft hebbe, ende bi desen lettren belove, den vor seiden Jooris ende zinen wive, iof haerlieder naercommers, ghetrouwelike te houdene, ende hemlieden paysivel derof te latene ghebruken, metgaders van al dat vorseid es in der manieren boven verclaerst, zonder fraude ende aerghelist; ende voord zo ghelove ic den vorseiden Jooris, binnen den ecrsten daghe in ougst eerst commende te leverne te Brncghe dese vorseide gheloften, voorwarden ende conditien, beseghelt metten zeghelen myns vorseids heeren sabts ende sconvents van sinte Bertins vorseid, ende vander daten van desen, te dien hende dat hi van al ghewarandeert ende versekert zal moghen bliven; de welke lettren bi hem ontfaen, de vorseide Jooris ghehouden zal wesen, dese den bringhere

209

van dien over te leverne, te dien hende dat zy te nieuten ghedaen worden zonder fraude ende malengien, ende es te wetene dat, mids dese vorseider vorwarden, alle brieven, chaertren ende verbanden, die gheweist hebben tusschen der vorseider abdien ende convent iof mi als boven of een zide ende den vorseiden Jooris of andre, voor de date van desen, toten daghe van heden, te nieuten zyn ende van gheenre waerden. In kennessen der waerheden so hebb ic Jan Verghetot, prioor te sinte Bertins vorseid, dese lettren utehanghende beseghelt metten zeghele, dien ic usere myn officie doende. Dit was ghedaen int jaer ons Heeren dusentich vier hondert eude zevene, den ellevensten dach in meye.

Original. Sceau enlevé.