105.

Universis presentes litteras inspecturis, officialis sedis Morinensis vacantis salutem in Domino. Notum facimus, quod Eustachius, dictus Aroete, parrochia- nus de Stainkerke, propter hoc in nostra presentia personaliter constitutus, recognoscens se multa bona et beneficia ab ecclesia sancti Bertini per longa tempora percepisse , contulit in plena vita sua devote predicte ecclesie se et omnia bona sua mobilia et immobilia, et specialiter duas mensuras terre vel circiter, quas acquisiverat, ut asserit, bene et legitime, et quas tenuerat sub annuo censu duodecim denariorum annuatim solvendorum presbitero de Stain kerke et unius solius denarii solvendi annuatim Balduino, filio Mainsendis, jacen- tes in una petia juxta veterem motam infra fines parrochie supradicte. Recognovit etiam predictus Eustachius se predicta omnia per ramum werpivisse legitime, ac devote obtulisse supra majus altare predicte ecclesie tenenda, possidenda et habenda a predicta ecclesia perpetuo, pacifice, libere et quiete; prominens idem Eustachius, fide prestita corporali, sua sponte coram nobis, quod contra predic- tam collationem non veniet nec contra premissa vel aliquid premissorum per sc aut per alium in futurum, et quod dictam ecclesiam sine contradictione, im pedimento et molestia dicta terra et omnibus dictis bonis gaudere permittet perpetuo, pacifice et quiete. In cujus rei testimonium et ut premissa robur fir- mitatis optineant, ad preces et instantiam dicti Eustachii, presentes litteras sigillo curie Morinensis fecimus sigillari. Datum anno Domini M° CC ° LX° sexto, mense julio.

F. De Molendine.

Original. Sceau enlevé.