102.

Nos Margareta, Flandrie et Haynonie comitissa, notum facimus universis, quod Badulphus de Provende, miles, fidelis noster, de assensu Strangie, uxoris ejus, .. coram nobis et nostris hominibus propter hoc personaliter constitutus, recognovit se vendidisse viro religioso et honesto domino Gilleberto, abbati sancti Bertini,

15

ш

ordinis sancti Benedicti, Morinensis dyocesis, totam decimam, quam de nobis tenebat in feodum in parrochia de Egfridicapella, ubi dictus abbas jus habere dinoscitur patronatus, pro justo precio, de quo dicti Radulphus et Strangia, ejus uxor, coram nobis et nostris hominibus recognoverunt sibi esse in bona et bene numerata pecunia plenarie satisfactum. Quam decimam coram nobis et nostris homi- nibus memorati Radulphus, miles, Strangia, ejus uxor, per advocatum sibi datum ad legem, et Philippus, ipsorum primogenitus et heres, ad opus dicte ecclesie sancti Ber- tini in manum nostram reportarunt et werpiverunt ad legem; ita quod nostri homines, qui presentes aderant propter hoc evocati, conjurati super hoc a nobis, dixerunt per judicium concorditer, quod Radulphus, miles, Strangia, ejus uxor, et Philippus, ipsorum primogenitus et heres, memorati, tantum fecerant de dicta decima, quod nichil juris in ea de cetero poterant reclamare. Et nos divino intuitu et ob favorem benivolum, quem erga dictum habemus monasterium, dicto abbati nomine sui mouasterii, in presentia nostrorum hominum, dictam decimam ab omni onere et servicio feodali quitam et exemptam reddidimus ab ipsa ecclesia imperpetuum possidendam. Promisit etiam dicta Strangia coram nobis et nostris hominibus, fide media et corporali prestito juramento, quod ratione dotis vel dotalicii sive assignamenti propter nuptias sibi facti contra conventionem dicti contractus aliquatenus de cetero non veniet, nec aliquid juris in ipsa decima in posterum per se vel per alium reclamabit; recognoscens sollempniter coram nobis et nostris hominibus in recompensationem dotis, quam in ipsa decima posset in posterum reclamare, quod assignamentum sibi sufficiens de valore dicti contrac tus alibi factum erat. Renuncians, quoad hec, exemptioni non numerate vel non solute pecunie, exemptioni doli in factum et omni juris auxilio, tam canonici quam civilis, et specialiter beneficio velleiani, et omnibus ütteris, graciis et indulgentiis a sede apostolica vel a quacumque persona ecclesiastica vel secu- lari impetratis vel impetrandis, et omnibus et singulis, que sibi valere possent et dicto monasterio sancti Bertini cedere in prejudicium vel gravamen. Supplicarunt etiam nobis Radulphus, miles, Strangia, uxor ejus, et Philippus, ipsorum primo genitus et heres, memorati, quod predicta omnia et singula vellemus per nostras litteras laudare, confirmare, et tanquam terre domina garandire. Et nos ad sup- plicationem ipsorum predicta omnia et singula laudamus, approbamus, et tanquam terre domina confirmantes promittimus eadem tanquam terre domina garandire. In quorum omnium et singulorum testimonium et munimen, presentes litteras dicto monasterio sancti Bertini tradidimus sigilli nostri appensione munitas. Actum et datum anno Domini millesimo ducentesimo sexagesimo tercio, mense aprili.

Deux exemplaires originaux. Sceau enlevé.