143.

Wy Lodewyc, grave van Vlaendren, hertoghe van Brabant, grave van Nevers, van Rethel, ende here van Machline, doen te wetene allen lieden, dat als tonser

185

kennesse commen was, dat die van Poperinghe assise daden lopen ende hieven, bi consente ende ottroie van den abd van sinte Bertins, haren here, sonder an ons eneghen orlof of consent daerof te soukene ; so daden wy bi goeder voorsie- nicheide ende ripen rade, bin sabds Aliames tiden, die niewinghe commen es van live ter doot, calengieren de vorseide assise, ende verbieden, dat zy van Poperinghe voortmeer ghene assise souden doen lopen noch heffen, sonder oorlof ende consent van ons; want wy den vorseide abd Aliames noch ghenen anderen machtech kenden orlof te ghevene eneghe assise te doen lopene bin onsen lande. Up dwelke den vorseide abd Aleames, met sinen lieden van Poperinghe, commende voor ons ende onsen raed, ghehoort alle redenen, die zy daertoe toghen wilden, ende versien alle privilegen ende vriheden, die zy van onsen voorders ghehad hebben, daermede zy hem ghehelpen wilden, so ne consten zy ons sulke vryheit ende privilege niet ghetoghen, dat ons of onsen rade dochte, dat de vorseide abd eneghe macht hadde den oorlof te ghevene vander vorseide assisen, ende ontkendent hem van al tal. Niet min merkende ende vooroghen heb- bende de edele fondatie vander kerken van sinte Bertins, ende de scone vriheiden ende ghiften daermede zy van onsen voorders verchiert siin, de welke wy altoos meer menen te meersene danne te minderne, daden antwoorden den vorseide abd Aleames, Idat wy hem ende sire kerken gheerne consenteren souden de heltstheede van allen den proffiten, die commen souden vanden oorlove vanden vorseide assisen van Poperinghe, mite goeder ionsten ende uute gracien ewelike ende ertlike. Up de welke gracie hi diverse pointe an ons versochte ende supplyerde, ende dat hi achter trucken mochte om raed daer up te hebbene met sinen convente, ende bin corter tyt weder tonswaert te commene; binder welker tyt de vorseide abd Aliames quam van live ter doot, ende word abd dheer Jan de Langhe van Yppre, den welken wy daden roupen voor ons, omme de zaken teenen goeden hende te bringhene; ende siin daerof over ons, onse hoir ende naercommers graven van Vlaendren met hem ende met sire kerken gheaccordert in deser manieren. |Dat die van Poperinghe voort an nommermer te ghenen daghe ne sullen moghen doen lopen eneghe assise bin Poperinghe, hensi bi den consente ende oorlove van ons ende vanden abd van sinte Bertins te gadere, in desen condicien, dat wy gheen consent noch oorlof daerof gheven moghen dien van Poperinghe, het ne zy met den abd van sinte Bertins, noch dabd vorseid het ne zy met ons, ende deen van ons sonder den anderen met; ende van allen profliten, die commen sullen vanden oorlove ende consente vorseid, dat daerof deene helt ons toe sal behoren ende dandere helt den abd , ende dese heltstheede vanden consente ende orlove vander vorseide assisen van Poperinghe, die ne sullen wy noch onse naercommers graven van Vlaendren nommermeer moghen vervremden , bi cope, bi ghiften, noch andersins , vander graetlicheit van Vlaendren; ende dat so wie grave van Vlaendren emmermeer

24

186

wesen sal, dat het toebehoren sal sire rechter demaine, het ne ware dat ons ghenouchde te veranderne ter kerken bouf van S. Bertins vorseid; ende er ooc onse willemeeninghe ende consent over ons, onse hoir ende naercommers graven van Vlaendren, dat hiermede de vorseide abd of de kerke van sinte Bertins, die so edelike ende so scone van ons ende van onsen voorders ghefondert ende gheprivilegiert es, niet verachtert of vermindert siin van eneghen rechte, dat zy sculdech siin te hebbene bin der keure van Poperinghe, alle fraude ende arghelist uuteghesteken. Ende om dat wy willen ende begheren, dat hierof eene ewelike ghedinkenesse zy, so hebben wy den vorseide abd ende der deken van sinte Bertins dese lettren daerof ghegheven, beseghelt met onsen groten seghele uuthanghende; ende hi heeft ons daerof ooc wederghegheven opene lettren beseghelt met sinen seghele ende syns convents, daer dese lettren van woorde te woorde in ghecorporert siin die tonswaert bliven sullen, omme te claerre ghedinken an beeden siden daerof te sine ende te blivene teeweliken daghen. Dit was aldus ghedaen te Ghend, den derden dach van novembre, int jaer ons Heren dusentech drie hondert zesse ende zestech.

Original. Sceau enlevé.