103.

Universis presentes litteras inspecturis, J., decanus, et capitulum Morinensis ac officialis sedis Morinensis vacantis, salutem in Domino. Notum facimus, quod in presentia nostra propter hoc constitute Radulphus de Prouvendes, miles, Strangia, uxor ejus, spontanea non coacta, de assensu expresso Philippi, ipsorum primogeniti et heredis, vendiderunt et recognoverunt se vendidisse bene et ad legem patrie per advocatum, ac etiam guerpivisse coram illustri domina Mar gareta, Flandrie et Haynonie comitissa, per judicium hominum dicte comitisse, viro religioso G., Dei permissione abbati sancti Bertini, Morinensis dyocesis, ad opus ecclesie sue, totam decimam, quam idem miles habebat et tenebat in feodum de dicta comitissa sitam infra personatum ecclesie sancti Bertini, vide licet in parrochia de Egfridicapella pro justo precio, de quo dicti miles et ejus uxor recognoverunt sibi esse in bona et bene numerata pecunia sexcenta- rum et triginta quatuor librarum plenarie satisfaction. Promittentes, fide et juramento prestitis, quod in dicta decima per se vel per alium, et predicta uxor ejus, ra- tione dotis seu dotalicii sive assignamenti propter nuptias sibi facti, nichil juris de cetero reclamabunt, et quod contra venditionem predictam non venient in futurum. Immo dictam ecclesiam sancti Bertini de dicta decima et proventibus ejusdem pacifice gaudere permittent et eamdem pro posse suo contra omnes legitime garaudizabunt. Recognovit etiam predicta Strangia, quod in recompen- sationem dotis seu dotalicii sive assignamenti, que habebat in dicta decima vel que sibi competere poterant in eadem, sibi factum erat sufficiens excambium seu assignamentum ad alia bona dicti militis ratione dicti contractus, de quibus est contenta et tenuit ac tenebit se perpetuo propagata; et ad predicta omnia et singula firmiter tenenda et observanda se, heredes suos ac successores suos obligarunt. Renuntiando exceptioni non numerate vel non solute pecunie, doli, fori, et specialiter beneficio velleiani, macedoniani, restitutionis in integrum, omnibus litteris, gratiis, indulgentiis a sede apostolica vel a quacumque per-

ш

sona ecclesiastica aut seculari impetratis vel impetrandis, et cujuslibet juris auxilio tam canonici quam civilis, et singulis, que sibi valere possent et monasterio sancti Bertini cedere in prejudicium vel gravamen. In cujus rei testimonium et ut firmum et stabile in posterum habeatur, nos, decanus et capitulum, sigilla nostra, et nos oílicialis, sigillum curie Morinensis, presentibus litteris fecimus apponi, ad instantiam dictorum Radulfi et Strangie, ejus uxoris, et eorum filii, Philippi predicti, primogeniti. Datum anno Domini M° CC° LX° tercio, mense aprili.

Deux originaux. Sceaux enlevés.