72.

Universis presentes litteras inspecturis, Gillebertus, miles, castellanus Ber- gensis, et Maroia, uxor ejus, in Domino salutem. Noverit universitas vestra, quod ecclesia sancti Bertini emit, immo potius redemit a nobis quatuor garbas decime jacentis infra parrochias de Coudekerke et de Lisweghe, ubi dicta ecclesia sancti Bertini jus habere dinoscitur patronatus, quas ego Gillebertus, castellanus Ber- gensis, tenebam in feodum ab illustri viro Thoma, comite Flandrie , et nos ambo, Gillebertus videlicet et Maroia antedicti, renuntiavimus, werpivimus et reddidimus dictas quatuor garbas decime predicte in manus venerabilis in Christo patris Walteri, episcopi Tornacensis, ad opus ecclesie mèmorate, et promisimus coram episcopo Tornacensi predicto, fide prestita et interposito juramento, quod dictas

72

quatuor garbas dicte decime quitas et liberas garandizabimus et liberabimus dicte ecclesie contra quoscumque, et ab omni relevio et dote seu donatione propter nuptias liberam et immunem tenebimus ecclesiam supradictam, si ab aliquibus in dicta decima peterentur, et in hiis et in omnibus aliis, que aliquo modo qua- cumque de causa peti possent in dictis quatuor garbis, a quibuscumque tenemur nos et heredes nostri dictam ecclesiam conservare indempnem, nullo nobis ser- vitio dando vel promittendo, nec a nobis exigendo pro hiis fideliter faciendis. Ego autem Gillebertus, castellanus Bergensis, assignavi Maroie, uxori mee pre- dicte, in excambium competentem dotem pro dote, que ei competere deberet in quatuor garbis decime memorate, super mansionem meam apud Dunkerke, et super omnes terras, quas habeo in parrochia de Dunkerke. Ego autem Maroia predicta hoc idem recognovi et bene contenta sum hoc excambio et assignamento jam dicto, et juramento voluntarle prestito et fide interposita promisi, quod in dictis quatuor garbis nunquam aliquid reclamabo ratione dotis vel donationis propter nuptias vel alia de causa. Nos autem ambo renuntiavimus coram dicto episcopo Tornacensi pro nobis et heredibus nostris omni juri ecclesiastico et civili, quod pro nobis vel heredibus nostris posset facere in hac parte, et omni exceptioni, que vel excogitata est vel excogitan posset in posterum, et cedere in dampnum dicte ecclesie et commodum nostrum vel heredum nostrorum super isto contractu. Obligavimus etiam nos et heredes nostros sub prestito juramento ad restituendas dicte ecclesie trecentas libras Flandrenses, quas dicta ecclesia nobis tradidit ultra id, quod credebat dictas quatuor garbas valere, si tamen tantum minus valuerint, vel quantum minus valuerint, estimatione valoris ipsarum habita prius. Promisimus etiam prestito juramento, quod nos mittemus per tres annos proximo venturos duos servientes nostros cum duobus servientibus dicte ecclesie ad colligendas dictas quatuor garbas, ut per hoc dicta ecclesia et nos de valore ipsarum simus certiores, et ut secundum hoc apprecientur deductis colligendum dictas garbas expensis computandis pro qualibet libra duodecim libris nomine pretii. Sub nomine autem dictarum quatuor garbarum intelligimus et intelligi volumus manipulos, undecumque fiant de lino, canapi, alliisvel warantia, sive de quibuscumque aliis que per manipulos colliguntur et colligi consueverunt, videlicet illud totum, quod dicta ecclesia a Gilleberto, quondam castellano Bergensi, patre mei Gilleberti, tenuerat pignori obligatum in decima predicta, quia illud totum emit, immo redemit ecclesia memorata a nobis. Rogabimus etiam per nostras Ikteras patentes homines comitis Flandrie, qui judicaverunt predictum contractum et omnia que facta sunt in curia dicti comitis circa ipsum contractum legitime facta esse, ut ipsi per suas litteras hoc testificentur. He�? omnia reco- gnovimus et promisimus, sicut supradictum est, coram dicto episcopo Tornacensi. Recognovimus etiam coram dicto episcopo, quod nos predictum contractum fe- cimus necessitate et paupertate compulsi; et juravimus, quod nunquam per nos

73

vel per alium contraveniemus, nec super hiis inferemus predicte ecclesie molestiam vel gravamen. Et hec omnia recognoscemus similiter coram episcopo Morinensi. Rogavimus insuper jam dictum episcopum Tornacensem instanter et successores suos per litteras presentes rogamus, quod, si nos contra predicta vel aliquod predictorum veniremus, vel deficeremus adimplere predicta, nos sine omni cause cognitione, monitione premissa, excommunicationi subjicerent, et subjectos denuntiarent, et heredes nostros similiter, si contravenirent, vel non adimplerent, si quid remaneret, quod nos non adimpleremus de hiis, que superius sunt expressa. Tandem dictus episcopus Tornacensis ad preces nostras dictam emptionem, seu potius redemptionem, et nostras resignationera, werpitioneim et redditionem, et omnia, que facta sunt circa predictnm contractum, approbavit et confirmavit, et dictas quatuor garbas sive manipulos undecunque fiant, sicut supradictum est, concessit predicte ecclesie in perpetuum libere et pacifice possidendas. In cujus rei testimonium, robur perpetuum et munimen presentibus litteris sigilla nostra apposuimus cum sigillo predicti venerabilis in Christo patris Walteri, Tornacensis episcopi. Datum anno Domini millesimo ducentesimo quadragesimo quarto, feria quinta post festum Decollationis beati Johannis Baptiste.

Deux exemplaires originaux, sceaux enlevés.