Cartularium Recuil des Chartes Du Prieure de Saint Bertin, A Poperinghe et de ses dependances a Bas-Warneton et a couckelaere, Nr. 70. , S. 82
Cartularium Recuil des Chartes Du Prieure de Saint Bertin, A Poperinghe et de ses dependances a Bas-Warneton et a couckelaere, Nr. 70. , S. 82
70.
Omnibus presentes litteras inspecturis, ego Ghiselinus, castellanus Bergensis, salutem in Domino. Noveritis quod, cum Margareta de Biekenes, avia mea, as- signata fuisset de quinquaginta libris Flandrensibus annuatim capiendis ad vitam suam ad decimam de Lisweghe et de Coudekerke, quam vendidi ecclesie sancti Bertini, in recompensationem dictarum quinquaginta librarum assignavi, coram scabinis tam ville quam territorii Bergensis, ipsi ecclesie quinquaginta libras ejusdem monete, quamdiu dicta avia mea vixerit, annis singulis recipiendas super redditus meos, videlicet super Bantorf triginta quinque libras Artesienses, in Bieren tres libras, in Bergis quadraginta novem solidos, in Ghivelde viginti tres solidos, in terra Laurent» dicti Veel viginti tres solidos, in Erembaldi capella viginti quinque solidos, super prepositum de Watenes viginti tres soli dos et vi denarios, super Camerlinc decem et Septem solidos, super Voedermout quinque libras et quindecim solidos. Et sciendum, quod abbas sancti Bertini dimisit ad censum, quamdiu eadem avia mea vixerit, de consensu meo, dictos redditus meos Willelmo Pau et Stephano filio Miliane, burgensibus de Bergis. Ita quod ipsi de dictis redditibus abbati predicto vel ejus certis nunciis annuatim ad Purificationem beate Marie quinquaginta libras Flandrenses sine dilatione persolvent, et si statuto termino fuerit a dictis burgensibus in dicte pecunie solutione cessatum, nuncii abbatis in villa Bergensi moram facient in expensis dictorum Burgensium inde non recessuri, donec pecunia predicta fuerit plenarie persoluta. Promisi etiam, fide et juramento interpositis, ad vitam avie mee, dictos redditus, quos assignavi et obligavi, prefate ecclesie pro eisdem quinqua ginta libris et eisdem burgensibus nomine ecclesie warandizare contra omnes. Ipsa autem mortua, tam ecclesia quam burgenses a solutione dictarum quin quaginta librarum liberabuntur, et decima predicta penes ecclesiam perpetuo remanebit, et redditus mei ad me libere reverterentur. Et notandum, quod so- lutio predictarum quinquaginta librarum, a dictis burgensibus facienda, incipiet
69
ad festum Purificationis beate Marie anno Domini millesimo CO quadragesimo secundo; et, si contingent sepedictam aviam meam decedere post festum beati Michaelis et ante Purificationem, dicti Willelmus et Stephanus satisfacere debent ipsi ecclesie de pecunia solvenda ad festum Purificationis sequens dictum festum beati Michaelis, cum satisfieri debent ipsi ecclesie de dicta summa pecunie in eodem termino beati Michaelis, licet ad instantiam meam usque ad Purificationem fuerat solutionis terminus prorogatus. Huic autem assignationi et obligationi, ego Maroia, castellana Bergensis, bona fide consensi a�? sponte et nulla vi, metuve, sive dolo intervenientibus, prestito juramento firmavi, quod dotis vel donationis propter nuptias, vel qualibet alia occasione nullatenus, veniam contra dictam assignationem, nec ecclesiam sancti Bertini super dictis redditibus eidem assignatis et obligatis, quamdiu predicta Margareta vixerit, molestare presumam. In cujus rei testimonium nos, Ghiselinus castellanus et Maroia castellana Bergensis, presens scriptum sigillorum nostrorum munimine duximus roborandum. Ego vero Johannes divina permissione abbas Bergensis ad majorem securitatem, cum dicte assignationi intereram, ad instantiam partium sigillum meum duxi presentibus apponendum. Actum anno Domini millesimo ducentesimo quadragesimo secundo, feria quarta ante decollationem beati Johannis Baptiste.
Original. Sceaux enlevés.
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
){kind=link}
){kind=link}