116.

Viro venerabili et discreto officiali Tornacensi decanus Christianitatis Brugensis salutem in Domino. Noverit vestra discretio , quod , coram nobis propter hoc personaliter constituti, dominus Walterus de Oenlede, miles, et domina Adelisa, ejus uxor, sua sponte et non coacti recognoverunt et confessi fuerunt se bene et legitime vendidisse procuratori ecclesie sancti Bertini in saneto Audomaro,

nomine et ad opus ejusAem ecclesie, omnem decimam, quam hactenus perciperc et habere consueverunt infra limites parrochie de Lichtervelde, cum omni jure ipsis et utrique ipsorum in eadem decima modo quolibet competente, propter communem eorum utilitatem et urgentem necessitatem ad legem cognitam, cui commodius consulere non poterant ullo modo, ut dicebant, pro septuaginta octo libris Parisiensibus, ipsis ex parte dicte ecclesie integre persolutis, et in utilitatem ac sublevandam eorum necessitatem totaliter conversis, prout confessi sunt coram nobis, necnon et se prefate decime cum omni jure predicto ad opus dicte ecclesie resignationem, guerpitionem et effestucationem ad plenam legem patrie, secundum judicium hominum domini comitis Flandrie, a quo dicta decima tene- batur in feodum, ut dicitur, legitime et competenter fecisse, ac dictum procu- ratorem nomine et ad opus predicte ecclesie de eadem investitum esse, ac corporalem possessionem vel quasi ipsius adeptum. Renunciantes quantum ad premissa exceptionibus vis, metus, fori, doli, consuetudinis et statuti, precii non soluti, deceptionis et lesionis ultra dimidiam justi precii, omni legis auxilio omnique privilegio crucis indulto et indulgendo, et omnibus aliis exceptionibus juris et facti, scripti et non scripti, omnibus cavillationibus, cautelis et subter- fugiis, que contra presentes litteras et contenta in eis ullo unquam tempore possent obici vel proponi, et per quas vel que presentes Iittere, et contenta in eis possent in post er um robur amittere firmitatis. Dicta quoque domina Adelisa renunciavit expresse, quantum ad premissa, exceptioni dotis, dotalicii ususfructus atque donationis propter nuptias et omni juris beneficio pro mulieribus intro ducto, super hiis certificata a nobis, confiteus palam et expresse, omni vi et metu cessantibus, se pro usufructu si Li forsan in dicta decima competituro ad alia bona dicti domini Walten, mariti sui, competenter et legitime assignatam. Pre- terea Woubertus, dicti domini Walteri filius legitimus primogenitus, dicto patri suo in dicta decima jure hereditario, tanquam heres proximior ut dicitur succes- surus, recognovit et confessus fuit sc premissis, omni vi et metu exclusis, consensum liberum adhibuisse et eisdem coram nobis palam et expresse consensit. Et promise- runt dicti dominus Walterus, Adelisa, et Woubertus, fide media et juramento ab ipsis et eorum singulis coram nobis super hoc corporaliter prestitis, domino Egidio, priori de Coukelare, monacho et procuratori dicte ecclesie, presenti et nomine ipsius ecclesie stipulanti, quod in dicta decima nullum jus de cetero reclamabunt, ne�? dicte super ea aut aliquo jure ad ipsam pertinente questionem vel calumpniam per se vel per alium movebunt ecclesie, vel moveri in posterum procurabunt. Quod si facerent, concesserunt se et quemlibet eorum a vobis, domine ollicialis, ex- communicationis vinculo posse innodari, supponentes se et sua quantum ad hec vestre jurisdictioni et cohertioni ubicumque eos et quemlibet eorum commorari contigerit in futurum. Constituerunt insuper Willelmum, dictum Dam, latorem presentium , su um coram nobis procuratorem, conferentes eidem potestatem et speciale man

17

130

datum confitendi et recognoscendi, iterandi et innovandf pro ipsis et eorum no- minibus premissa omnia et singula, coram vobis quicquid idem eorum procurator, quantum ad hee, pro ipsis et eorum quolibet dixerit vel fecerit, seu impetraverit, ratum et firmum habituri. Quod vobis et omnibus quorum interest tenorem presentium significamus. Datum anno Domini millesimo ducentesimo octuage- simo, sabbato post beati Petri ad vincula, in capite augusti.

Original. Sceau enlevé.