Cartularium Recuil des Chartes Du Prieure de Saint Bertin, A Poperinghe et de ses dependances a Bas-Warneton et a couckelaere, Nr. 115. , S. 142
115.
Reinuert Verghodelieven zoene, Boudene Dyserme, rudders, Diederic die Vos, Domaes die Hont, Willem die Corte, Weinin van Varsenare, Jhan die Boye ende Gillis Wouters zoene, wie, scepenen vanden Vrihen, doen te verstane allen den ghoenen, die dese lettren zullen zien of horen lesen , dat camen voer ons te Brugghe te steghere up enen vriendach, dat wettelic dinghedach was, daer men wet handelde ten Vrihen, Wilsoete Spierinc ende Lucie syn wyf, ende sie scouT den daer quite voer ons te wetten al die macht ende alt recht, dat sie hadden of hebben mochten in die tiende van Lisseweghe, ter kerken boef van sinte Bertins, ende in orcondscepen van deser quitesceldinghe, omme dat wie willen, dat soe vast blive ende ghestade, so hebben wie dese lettren ghezeghelt met onsen zeghelen in kennessen. Dit was ghedaen int jaer ons Heren als men screef sine Incarnatie tvelef hondert ende tachtentich, tsvriendaghes na sinte Domaes daghe in den zoemer, in die maent die men heet hoymaent.
Original. Sceaux enlevds.
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
){kind=link}