121.

Nous Soihiers de Bailluel, chevaliers, marischaus de Flandres, faisons savoir a tous ciaus ki ces presentes lettres verront et oiront, ke mesire Wautiers de Cokelers, chevaliers, vint pardevant nous, ki teniemes et tenons le liu nostre treschier et noble segneur Guion, conte de Flandres et marcis de Namur, et pardevant les hou mes monsegneur devant dit, cest asavoir mon segneur Henri de Morsclede, chevalier, adonc bailliu de Cassel, Jehan Lawart, adonc bailliu de Berghes, Joifroi de Ransieres, Pieron de Lo, Jehan Bardonc, bourgois m

dYpre, et Jehan le Put, et amena H devantdis mesire Wautiers pardevant nous et les hou mes devantdis Daniel, sen aisne fil et sen oir, a otroiier toutes les ventes et les wers, ke li dis mesire Wautiers avoit jadis fais des dimes , kil avoit vendues al eglise de saint Bertin, ensi com il le devoit faire et Iavoit pramis, selonc ce kil est contenu es chartes, ki furent faites sour les ventes et les wers devantdis, si comme li dis mesire Wautiers reconnut pardevant nous et les houmes. Et nous ki sour ce eumes plain pooir en liu de mon se- gneur le conte, si com li houme devantnoume le tesmoignerent et jugierent mesimes en no liu tant com a ceste besoigne Estasie Hawel, adont bailliu dYpre, et jugierent li dit houme, kil i estoit mis soufisaument adonc li devant dis Daniaus, fins monsegneur Wautier devantdit, par le jugement des houmes devantnoumes mist sen otroi et sen assent boinement a toutes les ventes et les wers devantdis, et quita en le main deldit bailliu aoes ledite eglise, tout kan kil avoit et peust jamais avoir de droit en toutes les dimes devantdites, com oirs a monsegneur Wautier devantdit. Et ce fait li devantdit houme jugierent a loi, ke li devantdis Daniaus en avoit tant fait parmi les coses devantdites, kil navoit riens os devantdites dimes, ne poroit jamais avoir, se ne fust de novele aqueste. Et nous Henris de Morselede, chevaliers, Jehans Lawars, Joil'rois de Ransieres, Pierres de Lo, Jehans Bardonc, bourgois dYpre, et Jehans le Put, houme monsegneur le conte devantnoume, reconnissons et tesmoingnons, ke toutes les choses devantdites sont faites bien et a loi par- devant nous et par no jugement si com il est devantdit. En tesmoingnage de lequel chose nous Soihiers de Bailluel devantdis, nous Estases Hawiaus, baillius dYpre, et nous houme le conte devantnomei, avons mis nos seaux a ces pre sentes Ietres. Ce fu fait en lan del Incarnation nostre Segneur mil deux cens quatre vins et cink, el mois davril le dyemence en le quinzaine de Pasques, en le vile a Ypre.

Original. Sceaux enlevés.