127.

A tous chiaus ki ches presentes lettres verront et orront, Henris, par le souffrance nostre Signeur abbes de le abeie de saint Bertin, en saint Omer, et li convens de ce misme lieu, salus en nostre Signeur. Comme noble feme me dame Maroie, feme mons. Gossewin de Lauwe, chevalier, et messire Gossewins por le raison de ledite dame, se feme, liquele est hiretiere de le baillie et mayerie de le vile de Poperinghes, que ele tient en fief de nous et de no eglize, aient amarchier et apartir a nous et a no eglize, en plusieurs coses et en plusieurs cas, рoг le raison desdites baillie et mayeiie , dont maintes fois est avenus, avient et puet avenir entre nous et no eglize dune part et ans dautre part grant debas et descors. Sachent tout que nous por nous et por no eglize, et ledite dame hiretiere desdites baillie et mayerie, et messire Gosse wins comme maris et avoes de ledite dame et por lui mismes ensement, en tant comme alui apartient et puet apartenir, avons por bien de pais et de con corde compromis et comprometons par le teneur et le vertu de ces presentes lettres, de haut et de bas et du tout en tout, en nobles hommes et honne- rables mons. Symon de Flechin dis Boulet, mons. Jehan de le Couture, signeur de Rebeke, chevalier, et discres hommes Wautier de Canighem et Willame Deschmeu, escuiers, en le maniere que ledit arbitre, oies nos raisons et les raisons de ledite dame et de mons. Gossewin devantdit, puent dire leur sentence et leur arbiterage de tous les articles et de tous les cas, qui sont et puent estre entre nous et n0 partie contraire devantdite, et en puent par le vertu de cest present compromis faire boine declaration, boin acort et boin finement de haut et de bas, ensi comme il leur plaira et samblera miex fait ke lasiet; et nous abbes et convens devant nomme dune part et medame Maroie et messire Gosse wins dessusdis dautre part, connisons, que nous avons renonchiet et renonchons par foy et par sairement et sour le paine chi desous nommee a toutes ordenances, sentences une ou plusieurs dites ordenees et sentenciees ou prononchies par les devantdis arbitres ou amiaules apaiseurs entre nous abbe et convent devantdit dune part et medame Maroie et mons. Gossewin devantdis dautre part, par

devant le date de ces presentes lettres, et puent dire lidit arbitre leur dit et leur arbitrage, toutes les fois que il leur plaira, et par tant de fois que il leur plaira, soit i jour de feste ou ouvraule, en estant et en seant en quelcon ques lieu que il leur plaira, soit en eglize ou dehors, les parties presentes ou absentes, lune present et lautre absent, mais que nous et no contre partie soions apelle souflisaument; et doivent lidit arbitre dire leur dit et fmer en tierement dedens le jour de le feste S. Jehan Baptiste prochain avenir et sancun fourble avoit en leur dit; si leur donnons nous pooir du desclarier toutes les tois quil leur plaira ledit terme durant, et avons promis nous et no contre partie devantdite et prometons par le vertu de ces presentes lettres a tenir fermement a tous jours, mais et a acomplir entierement tout che que li devant- dit diront et sentencieront et defineront et ordeneront de haut et de bas, eu tous les articles et en tous les cas, qui sont et poent estre entre nous et no contre partie devantdite, et en cascun daus ausi, ausi comme il samblera as dis arbitres miex fait que lasiet; et tout che nous et no contre partie devant- dite avons promis et prometons par foy et par sairement a tenir et acomplir entierement, si comme dit, tout che que lidit arbitre diront et ordeneront es coses devantdites et en cascune de eles sus le paine de chieunc chens livres de parisis, lune moitie a paier a le partie qui tenra le dit desdis arbitres et lautre moitie au conte de Flandres, a tantesfies enkeroit en ledite paine quantes fies on feroit al en contre, lequele paine encheuwe ou non et paie ou non li dis et li arbiterages des devantdis arbitres doit demourer et demoura tous jours fermes et estables; et por toutes ces coses tenir et acomplir, nous abbes et convens devantdis oblegons tous les biens de no eglize, moebles et non moebles, cateus et yritages, ou que il poront estre trouve; et nous Marie et Gossewins devantnomme toutes les coses devantdites et cascunne de eles avons promis et prometons a tenir et a acomplir entierement par foy et par saire ment et sus le paine devantdite en toute le maniere que li devantdis abbes et convens lont promis a tenir et a emplir; et quant a che nous, nous oblegons nos hoirs et tous nos biens moebles et non moebles, cateus et yritages ou que il poront estre trouve, et expessiaument le baillie et le mayerie de Pope- ringhes dessusdites. En tesmoignage de cheu nous abbes et convens devant- dit, et nous Marie et Gossewins dessusnomme, avons mis nos seaus a ches presentes lettres, données et faites lan nostre Signeur M. CCC. et quinze, le venredi prochain devant le Trinite a cure de prinse ou la entour.

Original. Sceaux enlevés.

19