110.

Tote allen den ghoenen, die dese lettren sullen zien ende horen lesen, doen te wetene Roger van Ghistele, Woutre van Coekelare, Boudene die Broekere, Boudene die Iserme, rudders, Remunt Porm, Jhan die Wevel ende Diederic van Score, scepenen vandeu Vrihen brugschen ambochte. Dat vanden contente, dat was tusschen den abt ende tcovent vauder kerke van sinte Baertins of ene zide, ende Wilsoete Spieringhe ende Hanne Spieringhe ende hare partie of ander zide, van dat si calengierden te hebbene recht in die tiende van Lisseweghe, die es der kerken van sinte Baertins, was ghesproeken een vinderscip tusschen

46

122

die voorseide partien ende ghevast te wetten voer scepenen vanden Vrihen in deser manieren. Dat die Wilsoete Spiering ende Hanne Spiering ende hare partie voerseit bleven te wetten voer scepenen vanden Vrihen van allen calaengen, die si hadden an die tiende van Lisseweghe voerseit, up des abts van sinte Baertins secghen of up sprioren van Coekelare zegghen , die tien tiden prioerwas ende noch es, bi namen die here Gillis van Cochove, dat die abt van sinte Baertins voerseit of dere Gillis van Cochove, prioer voerseit, of so welc dat ware van desen tveen, zegghen soude up sine ziele ende wisen, of die voerseide Wilsoete Spiering ende Hanne Spiering ende hare partie recht hadden an dese voerseide calaenge of ne hadden, ende dit zegghen te zegghene ende te scedene vore sinte Baves dach, die vallet int jaer ons Heren als men scrivet sine Incarnatie M. CC. ende achte ende tseventich. Ende ware dat sake, dat men dit zegghen also alst voerseit es, niet ne zeide ende sciede vore den voerseiden dach, so souden Wilsoete Spiering ende Hanne Spiering ende hare partie voerseit bliven in die saisine van deser voerseider calaengen voertwaert an; ende dit viuderscep was ghemaect ende ghesproken wel ende te wetten, ende daer toe gbedaen al dat te wettelicken vinderscepe behoerl te doene. Dat bekenneden die partien voer ons, ende van den voerseiden vinderscepe cam voer ons up den zaterdach voer den voerseiden sinte Baves dach die here Gillis van Cochove, prioer van Coekelare voerseit, vindere te weiten van den voerseiden sticken, ende wisede syn vinderscep, ende zeide syn zegghen voer ons in deser maniere, bi raden van goeden ende van vroeden lieden ende in sine ziele, ende wisede quite voer ons den abt ende tcovent ende die kerke van sinte Baertins voerseit van der calaengen, die die Wilsoete Spiering ende Hanne Spiering ende hare partie hadden idaen an die voerseide tiende van Lisseweghe; ende dat die voerseide Wilsoete ende Hanne ende die partie negheen recht ne hadden ne sculdich syn te hebbene an die voerseide tiende, ne an die voerseide calaenge voertwaert an, ne si ne hare oyer. Ende wisede hemlieden hant of te doene ewelicke hem ende haren oyren ende nemmerme te calengierne rechl in die voerseide tiende. Ende omme die minne van Gode, ende omme dat si dienst hebben ghedaen der kerken van sinte Baer tins, ende omme ghoeden pais, so wisede die voerseide here Gillis van Cochove den voerseiden Wilsoeten Spieringhe ende Hanne Spieringhe ende haerre par tien dart ich pont vlaemsche te hebbene vanden abt ende van den convente voerseit, ende te gheldene te sinte Marienlichtemesse die naest comen sal. Ende omme dat wie scepenen voerseit willen, dat dese voerseide sticken bliven vast ende ghestade also als sie alle voerseit syn ende ghedaen te wetten, so hebben wie dese lettren ghezeghelt met onsen zeglen in kennessen. Dit was ghedaen int jaer ons Heren als men screef sine Incarnatie tvelef hondert ende achte ende tseventich, up den voerseiden saterdach voer sinte Baves daghe.

Original. S:eaax enlevés.