111.

Reverendo patri ac domino suo, domino H., Dei gratia venerabili Morinensis episcopo, frater W., divina permissione abbas totiusque conventus monasterii saucti Bertini in sancto Audomaro , salutem cum omni reverentia et honore.^ Cum patronatus ecclesie parrochialis de Eghfridicapella, vestre dyocesis, et omnis cure dicte parrochie ad nos abbatem pertineant et ab antiquo pertinuerint ad predecessores nostros, abbates monasterii nostri; nosque, abbas et predecessores nostri, qui pro tempore fuerunt, a tempore, a quo non- extat memoria, et usque nunc, eidem ecclesie parrochiali per monachos nostri monasterii fecerimus de- serviri. Nos abbas et conventus, habita pluries inter nos consideratione diligenti super eminentibus periculis , que possent accidere monachis servicium dicte parro chie exercentibus, in hoc maxime, quod ipsi, non solum de die verum etiam de nocte, frequenter non absque periculo fideles sibi subditos, ecclesiasticis sa- cramentis indigentes, ad loca diffusa, etiam per leucam vel amplius a se dis tancia, ratione dicti servicii sibi commissi visitare tenentur, quod periculosum nobis videtur et indecens fieri per viros religiosos sacris locis dedicatos. Nos, ex premissis et aliis sufficientibus causis et honestis, ad evitandum pericula et scandala, que tam ecclesie nostre quam personis ejusdem possent ratione ser vicii dicte parrochialis ecclesie suboriri, unanimi consensu volumus, consentimus et vestre paternitati devote supplicamus, ut vos ad cujus officium pertinet pro posse virorum subditorum obviare periculis ad hoc assensum et auctoritatem vestri gratia prestare, а�? ita statuere vel ordinare dignemur, quod salvo nobis abbati successoi ibusque nostris jure patronatus dicti loci et aliis ad ecclesiam nostram pertinentibus in dicta parrochia nobisque abbate et successoribus nostris a cura dicte parrochie penitus absolutis, dicta cura clericis secularibus ex nunc in posterum committatur, et ut eisdem de bonis, que ratione cure seu servicii dicte par rochie monachi deservientes ibidem percipere consueverunt, videlicet oblationibus, anniversariis, legatis et similibus, et etiam de bonis aliquibus ad ecclesiam nostram ibidem spectantibus, si premissa non suOiciant, provideatur in perpetuum a vobis et auctoritate vestra, prout secundum Deum et rationem vestre paternitati videbitur fa-

ciendum. Nos enim abbas et conventus in hujusmodi facto commodum et honestatem nostri monasterii attendentes, promittimus bona fide ratum et firmum habere et tenere quicquid super premissis per vestre paternitatis industriam et provisionem ordinatum fuerit et statutum, nos et successores nostras ad hoc specialiter obligantes. In cujus rei testimonium et munimen presentibus litteris sigilla nostra duximus apponenda. Datum anno Domini millesimo ducentesimo septuagesimo octavo, mensC januario.

Original. Sceaux enlevés.