170.

Phelippe, par la grace de Dieu, duc de Bourgoingne, de Lothier, de Brabant e* c'e Lembourg, conte de Flandres, d'Artois, de Bourgoingne, palatin de Haynnau, de Hollande*, de Zellande et de Namur, marquis du saint Empire, seigneur de Frise, de Salins et de Malines, a tous ceulx, qui ces presentes lettres verront, salut. Comme ja pieca certaine cause et proces leussent meuz et encommencez pardevant noz amez et feaulx, les president et gens de nostre chambre de conseil en Flandres, entre noz bien amez les religieulx, abbe et couvent de saint Bertin en nostre ville de saint Omer, leurs bailliz, amman, eschevins et cueriers du port de Poperinghes, ensemble Lamsin de Hoverdere, Vincent de Hane, Clais de Zomere, Lamsin Lodyc, Francois Pardieu, Clais Stalin, Clais vanden Coutere et Guillaume Palman, curfreres de Poperinghes, chascun pour tant que a lui povoit touchier, demandeurs dune part, et Jaques de Hemsrode, bailli, Guillaume de Zantvorde, escoutete, Olivier de Dixmude, lieutenant de ladvoe, ledit Olivier, Jehan Belle, George Paldinc, f* Michiel, Jehan de Menin, George Fagheel, Victor le Joncheere, Pierre Vilpont, Michiel de le Huele, Jaques Wittinc, Andri Paeldinc, Gautier Gilloen et Brixe le Paon, eschevins de nostre ville dYppre, deffendeurs dautre. Sur ce que lesdits religieux et demandeurs disoient et maintenoient, que ladicte eglise de saint Bertin estoit et est bien et notablement fondee et douee de plusseurs belles terres et diverses seignouries par feux de tresnoble memoire les rois de France et contes de Flandres, noz predecesseurs, lesquelz les ont admorties; et que, entreles autres terres et seignouries appartenant a ladicte eglise, dont nosdits predecesseurs ont este et sommes aussi protecteurs, deffenseurs et gardiens, a icelle eglise competoit

et appartenoit, compete et appartient ledit port de Poperinghes avec toute justice, haulte, moienne et basse, fondee en loix, kueres, coustumes et usaiges, bien et deue- ment entretenues et approuvees; et maintenoient lesdiz religieux, que ladicte terre estoit et est exempte et France en juridiction et congnoissance , et aussi non tenue de obeir aux lettres et mandemens de ceulx de nostredicte ville dYppre; disoient aussi, que lesdiz d'Yppre nont que veoir, ne que congnoistre, sur les kuerfreres dudit Pope ringhes en aucune maniere, et que pour excercer, gouverner et regir le fait de la justice dudit port de Poperinghes, iceulx religieux ont illec bailli, amman, hommes de fief, eschevins et cueriers en nombre competent, et autres officiers a ce utilles et necessaires, et entre les autres coustumes et usaiges illec observez et entretenuz, Ion y a accoustume de toute anciennete, quant on envoye audit port de Poperinghes le taux et porcion de noz aydes et subvencions, de ordonner par lesdiz eschevins et cueriers viii ou ix personnes, lune moictie desdictes personnes demourans dehors et lautre moictie demourans dedens ledit port de Poperinghes; lesquelles personnes, ainsi esleues en la halle dudit port, font serrement pardevant lesdiz bailli, eschevins et cueriers de Poperinghes de bien et deuement asseoir ledit taux sur tous les habitans dudit port de Poperinghes, et aussi bien sur les bourgois dYppre, comme sur les autres, chascun selon son estat et la faculte et quantite de ses biens; lesquelz bourgois et bourgoises ont illec este tailliez et assiz, et ont accoustume de paier leurdit taux et porcion, comme autres; desquelz drois, possessions et franchises lesdiz de Poperinghes avoient use et possesse, de tel et si long temps, quil nestoit memoire du contraire, et quil devoit souffire pour avoir acquis bonne et paisible possession; disoient enoultre, que, en lan mil CCCC quarante sept, lesdiz Lamsin de Hoverdere et les autres cuerfreres dessusnommez avoient este esleuz et ordonnez par ceulx de la loy de Poperinghes, pour imposer et asseoir la taille et assiete de la subvencion du paiement escheu au Noël oudit an mil nn* xlvii; et pour ce que aucuns bourgois dYppre, demourans en la terre dudit Poperinghes, avoient entendu quilz seroient tailliez et assiz, ainsi que de toute anciennete Ion avoit accoustume, ilz avoient obtenu desdiz dYppre deffendeurs, lettres closes adreschaus ausdiz asseeurs, par lesquelles iceulx dYppre mandoient ausdiz vin asseeurs, quilz se deportassent de taillier et asseoir en ladicte subvencion les bourgois dYppre demourans en ladicte kuere de Poperinghes; lesquelz bourgois dYppre avoient de nouvel obtenu autres lettres, pour par icelles faire adnichiller ladite taille et assiete, ausquelles lettres iceulx asseeurs navoient volu obeir, pourquoy lesdiz deffendeurs avoient banni lesdiz huyt cuerfreres hors de nostre pays de Flandres, chascun deulx ung an sur leurs testes, pour ce quilz avoient fait contre leurs previleges et franchises, comme ilz maintiennent, concluans par ces raisons et autres, affin quil feust dit et declaire par lesdictes gens de nostre chambre de conseil en Flandres la commission et impetracion obtenir deulx par lesdiz deman-

ш

deurs, a lencontre desdiz defendeurs, avoir este bien et deuement' impetree et obtenue, et que pour telle seroit interinee, sans estre declairee subreptice ou obreptice. A quoy, de la part desdiz deffendeurs, ait este respondu et deffendu au contraire, disans, que, selon droit et stile de parlement et de toutes autres cours seculieres, quant aucun se veult plaindre ou douloir daucuns juges ou loix, daucune sentence ou jugement par eulx donne, et contendre afin de le faire adnuller ou mettre au neant, il doit et est tenu de faire faire le premier adjournement au lieu et place, ou lesdiz sentence ou jugement ont este pronunciez; et se ledit adjournement nest ainsi fait, il doit estre declaire moins que souffissamment fait. Or estoit ainsi, que ledit ban estoit jugie et pronuncie a la vicrscare a la halle dYppre, a la semonce et conjure dudit escoutete, et par jugement desdiz eschevins, neantmoins lexecuteur desdictes lettres de commission avoit adjourne Iesdiz deffendeurs, ou aucuns deulx estans ou besant dYppre et autres a leurs hostelz hors de ladicte halle, ou ledit jugement et ban avoit este pronunce, et que plus estoit selon les instructions de nostredicte chambre de conseil en Flandres, ledit executeur devoit prendre sceurte et caucion souflisant desdiz demandeurs jusques a la somme de trois cens livres parisis, ce quil navoit point fait; dautre part disoient et maintenoient, que les advoe, eschevins et conseil de nostre dicte ville dYppre estoient et sont en bonne et paisible possession et saisine, par leurs previleges, davoir toute cognoissance et judicature, ou aumoins la premiere aprinse et congnoissance des bourgois ou bourgoises de ladicte ville, et meismement en ladicte kuere de Poperinghes, de quelque cas que ce soit, criminel ou civil; et avec ce, quant aucun bourgois ou bourgoise demourant audit lieu dYppre ou dehors, et especialement en ladicte kuere de Poperinghes, se plaindoit et douloit a la loy dYppre, a cause daucunes poursuites, vexacions et travaulx, que aucuns cuerfreres de Poperinghes ou autres faisoient en ladicte kuere de Poperinghes sur leurdit bourgois et ses biens, ils estoient en possession descripre ausdiz de Poperinghes, aflin quilz laissassent ledit bourgois ou bourgoise et ses biens quictes et paisibles desdites poursuites; et que se ilz estoient desobeissans aux premieres et aux secondes lettres, et quilz ne comparoient point pardevant lesdiz dYppre, pour prendre droit sur leurdit different, iceulx dYppre les povoient bannir par jugement sur ung jour plaidoiable, chascun ung an, hors de nostredit pays de Flan dres, sur sa teste. Or est vray, que lesdiz dYppre, a la plainte et doleance de leurs bourgois, qui se disoient trop excessivement estre tailliez et assiz par lesdis asseeurs de Poperinghes, apres ce quilz leur eurent escript une et seconde fois, et que a ce ilz navoient volu obeir, avoient banni lesdiz vni asseeurs cuerfreres ung an hors dicelui nostre pays de Flandres sur leur teste; pourquoy lesdiz demandeurs avoient subrepticement obtenues lettres patentes desdiz de nostre chambre de conseil en Flandres, contenans de faire inhibicion et deffence ausdiz deffendeurs, sur certaine paine, de non plus bannir aucuns cuerfreres de Poperinghes,

245

en troublant par ce lesdiz dYppre en leurdicte possession; concluans par ces raisons et autres, afin davoir et obtenir congie de court et despens alencontre desdiz deman deurs; et ou cas, que ce ne leur fust ainsi adjugie en droit, sur ce premierement et par ordre, que ladicte commission et impetracion obtenue par lesdiz demandeurs feust par iceulx de nostre conseil declairee incivile, et que lexecucion faicte par vertu dicelle a lencontre diceulx deffendeurs feust revocquee et mise au neant, quant a ladicte commission et detfense sur peine, protestaus sil estoit dit par lesdiz de nostre conseil en Flandres au contraire destre entier de proceder ou principal. Lesdiz demandeurs soustenans, que lesdiz congie de court et despens ne devoient estre adjugiez ausdiz deffendeurs, ne limpetracion desdiz demandeurs declairee incivile, que iceulx deffendeurs devoient estre contrains de proceder et respondre peremp toirement en ladicte cause principale et aux conclusions contre eulx prinses; ou si non, que deffault feust octroye ausdiz demandeurs a lencontre et en la presence desdiz deffendeurs; et que pour le prouflit dicelui deffault, que leurs conclu sions leur feussent adjugees; et pour a ce parvenir, fut de leur part dit et pro pose, quil povoit bien estre, que quant on veult attraire aucun juge en cas de refformacion, que Ion est tenu de prendre sceurte jusques a la somme de trois cens livres parisis, et de soy transporter sur la place, ou la sentence, dont on se deult, a este pronuncie; mais ceste cause nest pas matiere semblable, car lesdiz deffendeurs avoient este trais en cause, pour veoir adnuller et mettre au neant leur sentence, ou jugie contre lesdiz demandeurs, comme fait par non juges; car lesdiz demandeurs navoient et nont sur lesdiz deffendeurs aucune congnois- sauce ne auctorite de venir commander ou deffendre, et par ainsi il nestoit besoing de soy traire sur la place, ou fut pronunce ledit ban, ne de prendre ladicte caucion, et devoit ladicte commission obtenue sur vray donne a entendre sortir son effect, conclqans comme dessus pour ces raisons et autres de par eulx alleguees et servans a leur intencion. Finablement, lesdictes parties oyes par lesdiz de nostre conseil en Flandres, fut jugie et sentencie, que lesdiz deffendeurs nauroient point lesdiz congie de court et despens; en declairant, que les deffences faictes sur peine ausdiz deffendeurs de non plus avant proceder sur lesdiz de Poperinghes ne sestendoit fors aussi avant que touchoit la porcion et assiete de Poperinghes, pour laquelle lesdiz vin personnes furent bannies; en ordonnant au surplus ausdiz deffendeurs de proceder en oultre ou principal, ainsi quilz trouveroient en conseil, au venredi apres Quasimodo lors prouchainement venaut, reservans les despens de ladicte instance jusques en diffinitive; de laquelle sentence ou appoinctement lesdiz deffendeurs, eulx disans par icelle grevez, aient appelle a la court de parlement a Paris, la ou tant et si avant a este procede, que finablement, parties oyes et leur proces veu, fut par ladicte court de parlement dit bien jugie et mal appelle; et ladicte cause, ensemble lesdictes parties renvoyees pardevant lesdictes gens de nostre chambre de conseil en

216

Flandres, pour y proceder par icelles parties a certain jour lors avenir et pieca passe, selon les retroactes et derreniers appoinctemens prins en icelle cause; auquel jour ou autre entretenu dicelui lesdictes parties ou procureurs pour elles, comparans pardevant lesdictes gens de nostre chambre de conseil en Flandres; apres ce que lesdiz demandeurs eurent fait resumer ce que dit et propose avoient en nostredicte chambre, et dont cy dessus est faicte mencion, aussi et conclu, que a bonne et juste cause ilz sestoient doluz et complains desdiz deffendeurs et avoient obtenu leurs impetracions et les commandemens y comprins leur fait faire, que a mauvaise cause iceulx deffendeurs si estoient opposez seroient condempnez par lesdiz de nostre conseil en Flandres de revocquer et mettre au neant les lettres par eulx escriptes ausdiz Lamsin de Hoverdere, Vincent de Haue, Lamsin Lodyc et autres cuerfreres dudit Poperinghes, et aussi ledit ban profere par iceulx deffendeurs sur et a lencontre desdiz cuerfreres, comme faiz par non juge exemps deulx et leurs voisins en justice, et avec ce de eulx deporter de plus faire le semblable; et par nostre procureur general de Flandres, qui en ceste partie se joindi avec lesdiz demandeurs pour nostre interest, fut aussi conclu, afin que pour les exces et mesuz commis par lesdiz dellendeurs» ilz feussent condempnez envers nous en la somme de quattre cens lyons dor, en faisant par iceulx demandeurs demande de despens. A quoy de la part desdiz deffendeurs eust par les raisons ci dessus et autres par eulx alleguees aussi este conclu a fin contraire, et que il feust dit et declaire par lesdictes gens de nostre chambre de conseil en Flandres, que lesdiz demandeurs ne faisoient a recever avoir fait et prins leursdictes demande et conclusions, en la forme et maniere quilz les avoient faictes et priuses, a lencontre desdiz deffendeurs; et ou cas que a ce ilz feussent recevables, ce que non, quilz les avoient faictes et prinses a mauvaise cause, en descherroient et de tout leur propos, et lesdiz deffendeurs en seroient jugiez quietes, delivres et absolz; et ledit ban, profere par lesdiz deffendeurs sur lesdiz cuerfreres de Poperinghes, seroit declaire bien et deuement avoir este fait et pronuncie, et pour tel devoir sortir effect; seroit en oultre consenti ausdiz dYppre destre pre ausdiz de Poperinghes lettres de commande ment et deffense, et que ceulx, a qui ilz escriproient, seroient tenuz de obeir au contenu dicelles lettres, ou venir sur les halles dYppre pardevers la Ioy illec dire et declairer les causes de leur delay, et pourquoy ilz ny seroient tenuz de y obeir; et ou cas quilz ne obeissent au contenu desdictes lettres, ou quilz ne venissent dire les causes de leurdit delay, que ladicte loy dYppre pourroit pro ceder sur telz manans dudit Poperinghes, selon les droiz, franchises, previleges, coustumes et usaiges de nostredicte ville dYppre, en faisant aussi demande de despens; et depuis pour les subterfuiges, delays et moiens, qui trouvoient les diz defendeurs, nous, qui desirons labreviaciou des causes et proces estans entre noz subgez, aions a la requeste desdiz demandeurs evocque ladicte causo

247

pardevant noz et noz treschiers et feaulx les commis sur le fait de noz domai nes et finances, pardevant lesquelz nous aions fait adjourner lesdictes parties a certain jour pieca passe; auquel icelles parties ou procureurs pour elles, comparans pardevant nosdiz commis, de la part desdiz demandeurs, en rame nant a fait leurs lettres devocacion, furent dictes en effect les choses par eulx dessus declaires; et que, en faisant et pronuncant ledit ban, lesdiz deffendeurs avoient grandement mesprins et mesuse contre nous et justice, considere les choses dessus- dictes; et si avoient eu lesdiz vm asseeurs cuerfreres de Poperinghes, a loccasion dudit ban grans dommaiges et interetz; car il leur commit absenter incontinent icelui ban pronunce hors de nostredit pais de Flandres, en delaissant et habandonnant leurs mesnaiges, labeurs, besoingnes et affaires par grant espace de temps, a leurs tresgrans travaulx, interetz, dommaiges et despens; par quoy iceulx deffendeurs avoient enfraint nostre sauvegarde, en laquelle estoient lesdiz vm asseeurs, comme suppostz et subgetz de ladicte terre et seignourie de Pope ringhes , comme dit est cy dessus; requerans pour ces causes et autres ladjonction de nostre procureur, lequel se joindi avec eulx pour nostre interest de justice, en faisant de la part de nostredit procureur et desdiz demandeurs et impetrer nouvelles conclusions; cest assavoir lesdiz religieux et demandeurs, que a bonne et juste cause ilz avoient obtenu desdictes gens de nostre chambre de conseil eu Flandres les lettres, par lesquelles commandement avoit este fait ausdiz deffendeurs, aflin quilz rapellaissent, revocquaissent et missent au neant ledit ban par eulx pronunce alencontre desdiz vin asseeurs, et aussi leursdictes lettres comminatoires par eulx envoyees a iceulx asseeurs, comme nulz et de nulle valeur et faiz par non juge. Et avec ce, quilz cessassent deslors en avant de proceder par besogne autrement alencontre desdiz officiers, curfreres, subgetz et habitans de ladicte terre et seignourie de Poperinghes, ne prendre sur eulx aucune congnoissance pour quelque cause et matiere que ce fust, et quilz laissassent et souffrisssent iceulx demandeurs chascun a son regart paisiblement joir et user de leursdiz droiz, previleges et franchises, dont cy dessus est faicte mencion, sans aucun empeschement, que a tort et a mauvaise cause ilz se estoient a ce opposez; seroient aussi condempnez lesdiz deffendeurs pour les entreprinses, griefz, offences et injures dessus declairees, a faire ausdiz demandeurs amende, reparacion honnourable et prouffitable. Cest assavoir, pour reparacion honnourable, de comparoir a certain jour en jugement pardevant nosdiz commis, et illec dire et confesser, que a tort et sans cause, et comme non juges, ilz avoient pronuncie ledit ban et envoie ausdiz vm asseeurs leursdictes lettres comminatoires, et quilz navoient ne ont en ladicte terre et seignourie de Poperinghes, ne sur les officiers et habitans dicelle, que veoir ne que congnoistre; promettans, que jamais contre iceulx officiers et habitans ilz ne procederoient par ban, ne prendroient aucune congnoissance, auctorite ou judicature sur eulx;

requerans en oaltre pardon ansdiz religieux, de ce quilz anroient fiait an con traire; et, pour reparacion prouffitable, quilz feossent condempnez envers lesdiz religieux en la somme de denx cens livres de gros, pour applicqnier a la fabricque de ladicte église de saiut Bertin, et envers lesdiz asseenrs en la somme de cent livres de gros, ensemble en tons lez interetz et dommaiges desdiz religieux et de Poperingbes; et de la part de nostre procureur general, affin que ponr les abaz et mesuz par enlx commiz contre justice, en prononcant ledit ban et en enfraingnant nostredicte sauvegarde, lesdiz deflendeurs fussent condempnez envers nous en la somme de dix mil lyons dor, ou en telles peines et pu guidons, comme au cas appartiendra, en faisant par lesdiz demandenrs demande de despens. A qnoy, de la part desdiz deflendeurs, ait este defTendu et responda an contraire, cest assez en effect ce que par enlx avoit este dit en nostre chambre de conseil en Flandres, et dont cy dessus est aussi faicte mencion , et avec ce, que les bourgois de nostredicte ville dYppre esioient en bonne et paisible possession et saisine de tel et si long temps quil nestoit memoire du contraire, selon leursdiz pre vileges, droiz et franchises, da voir nng poortpointre, fenst que icenlx bourgois demourassent audit lieu de Poperingbes ou ailleurs; lequel port peintre avoit acconstume de faire lassiete et imposition sur chascan desdiz bourgois avec les antres asseeurs commiz a asseoir le taux de nosdictes aydes et subvencions, qnant le cas y escheoit; maintenans et d i sans icenlz deflendeurs, que ceolx, qui avoient fait au contairre, avoient este par enlx pngniz et corrigiez par ban on autrement, selon que la matiere y avoit este disposee; et pour ce que lesdiz vin asseenrs navoient obey ausdictes lettres a enlx envoyces par lesdiz dYppre, icenlx dYppre deflendenrs avoient fait et pronnnce ledit ban, ponr la conservacion et entretenemeot de leursdiz previleges, en quoy ilz navoient riens me hait ne mesprins; dautre part, selon toute disposicion de droit, usaige et stille, qnant aucuns demandenrs ont fait leur demande en jugement, et que nostre procurenr sest joinct avec enlx, et au surplus aussi fait demande et prins conclusion contre aucnns deflendeurs, et que sur ce icenlx deflendenrs ont litis- conteste, disoient lesdiz deflendenrs, que il ne loisoit a telz demandeurs et procu reurs muer, changier, augmenter, ne diminuer lesdictes conclusions par enlx prinses, et ne doivent pas eslre recepvables a ce faire. Ce neantmoins et combien que lesdiz demandeurs eussent prins les conclusions alencontre desdiz deflendenrs pardevant lesdictes gens de nostre chambre de conseil en Flandres, et semblaLIement nostre procurenr general de Flandres y avoit aussi prins ses conclusions a 1 encontre d iceulx deflendenrs: cest assavoir, afin que lesdiz deflendenrs fussent condempnez a nostre pronffit en la somme de qnatre cens lyons dor tant senlement, et que sur ce enst este respondu et ladicte cause litiscontestee. Toutesvoies nostredit procurenr general, qui en ceste partie sestoit joinct avec lesdiz deman deurs, avoit prins л (encontre desdiz deflendeurs pardevant nosdiz commiz

249

grandes et excessives conclusions cy dessus declairees et autres, que navoit fait nostredit procureur general de Flandres, par quoy il ne devoit a ce estre receu; considere meismement, que par labolioion generale par nous faicte de la reforma cion mise sus en nostredit pays de Flandres, nous avons pardonne et remiz a noz officiers, juges et autres de nostredit pays toutes anciennes fourfaitures, offenses, mesuz et delictz par culx commis et perpetrez a lencontre de nous et de nostre haulteur et seignourie, et par ainsi pose, que iceulx deffendeurs eussent quelque chose menait, excede ou mesuse a lencontre desdiz demandeurs, passe avoit XIII ans ou environ, pour le cas dont ce present proces est meu, ce que non, si devoit il estre comparus en ladicte abolicion et grace gene rale, qui inviolablement doit estre tenue et observee; et avec ce pose aussi, que iceulx deffendeurs eussent prins congnoissance de cause sur lesdiz vin asseeurs de Poperinghes, ce que non, toutesvoies selon les loix, coustumes et usaiges de nostredit pays de Flandres, qui estoit pais coustumier, ilz navoient fourfait envers nous, que lamende de soixante livres parisis; par quoy Ion ne devoit avoir regart aux grandes et excessives conclusions contre eulx prinses par nos tredit procureur general; concluans lesdiz deffendeurs par ces raisons et moiens et autres de par eulx alleguees, que a tort et mauvaise cause iceulx demandeurs sestoient doluz et complains desdiz deffendeurs, pour raison dudit ban par eulx pronuncie, et ne faisoient aucunement a recevoir de conclure contre eulx, afin quilz feussent constrains de rapeller et adnichiller ledit ban, comme fait par non juge, et de eulx deporter de plus envoier aucunes lettres closes ausdiz de Poperinghes, et declairez voisins en justice desdiz deffendeurs et exemps de leur judicature, et quilz fussent condempnez en leurs despens, dommaiges et interestz, et envers nous en ladicte somme de dix mille lyons dor; ains au contraire seroit ledit ban, par eulx pronunce, dit et declaire par nostre jugement bon et vaillable, comme bien et deuement fait et pronunce par iceulx deffendeurs, comme juges competens en ceste partie, et qui faire le devoient et povoient, en ensuivant et selon les loix, franchises, usaiges et coustumes de nostredicte ville dYppre. Seroit aussi consenti ausdiz deffendeurs de escripre leurs lettres closes ausdiz de Poperinghes, toutes et quanteUois que ilz entreprendroient sur lesdiz drois, previleges et franchises dYppre et des bourgois et officiers dicelle ville, afin quilz se desistent et deportent de plus faire telles entreprises et autres choses, au prejudice dicelle nostre ville et de sesdiz bourgois, droiz et previleges, et ne seroient point declairez exemps de la judicature desdiz deffendeurs, mais seroient iceulx deffendeurs jugiez quictes, delivres et absolz des demandes et impetracions et conclusions contre eulx prinses par lesdiz demandeurs et nostre dit procureur; en faisant aussi demande de despens, dommaiges et interetz faiz et a faire depuis le commenchement de ceste cause jusques en fin dicelle. Et de la part desdiz demandeurs ait este replicque a ce, disant et soustenant,

52

250

que ladicte terre et seignourie de Poperinghes appartenoit nuement et en admortis- sement ausdiz religieux , pure voisine et toute estrange a ladicte loy et ville dYppre; par quoy ausdiz religieux eta leurs officiers audit lieu de Poperinghes appartenoit la disposition et gouvernement de la chose publicque, ladministracion de la justice et la congnoissancc de tous les habitans en icelle terre; estoit aussi ladicte terre de Poperinghes une seulle terre et seignourie, a par soy, fondee en loy, justice, previleges, kueres, statuz, usaiges et franchises, anciens et bien entretenuz et approuvez, et meismement, qui, au regart du transport de nostre pais de Flandres et des subvencions, qui se mectent sus en icelui nostre pays, avoit sa cotte et porcion determinee, a par soy, et telle que de soixante six deniers lun. Et nestoient iceulx deffendeurs, que simples officiers commis de par nous pour garder, excercer et conduire la justice et loy en nostredicte ville dYppre, et ainsi leur commission et povoir ne devoit avoir lieu ou auctorite audehors de ladicte ville et eschevinaige dYppre, ne sur les officiers, subgez et habitans des terres voisines, et meismement en ladicte terre de Poperinghes; et avoient grandement excede lesdiz deffendeurs les termes de leurdicte commission, en tant quilz avoient banni lesdiz vin asseeurs, sur lesquelz ilz navoient que veoir, ne que congnoistre ; car suppose, que iceulx asseeurs eussent este purement leurs subgetz et demourans audit lieu dYppre, si estoit la peine et condempnacion par eulx inferee trop excessive et cruelc; car il ny avoit que action de interest ausdiz bourgois pour faire revocquer et adnuller ladicte assiete et restitucion de leurs dommaiges, et avec ce, selon la coustume generale et commune observance tenue et gardee en nostredit pays de Flandres, qui estoit telle en matiere de subvencion, que Ion asseoit chascun, et aussi que chascun bourgois forains dYppre ou autres quelconques, sans pour ce avec eulx prendre ung portpointre, comme proposoient lesdiz deffendeurs. Et au regart de lexcessivite de lassiete alleguee par lesdiz deffendeurs, lesdiz eulx disans bourgois dYppre avoient este assiz bien et deuement selon leurs facnltez au mieulx que pourent concevoir lesdiz asseeurs, et se ilz se sentoient par ce grevez, ils se eussent peu retraire a provision a ladicte loy et justice de Poperinghes, laquelle et non autre estoit capable de eulx en faire et administrer raison et justice; et suppose, que pour bourgois forains ilz eussent peu et deu avoir este reputez, ce que non, si ne povoient ilz estre affranchiz desdictes subvencions, et quilz ny fussent tauxez et assiz comme les autres habitans de Poperinghes, avec plusseurs autres raisons et moiens alleguez par lesdiz demandeurs, concluans comme dessuz. Lesdiz deffendeurs soustenans le contraire, disans, que en pronuncant ledit bannis sement , dont se doloient lesdiz demandeurs, ilz navoient fait autre chose fors ce que faire devoient, en usant de leurs droiz et pour la conservacion de leursdiz previleges, franchises et libellez, et comme commis et ordonnez de par nous a les garder et entretenir, et ne devoient point iceulx demandeurs

251

reputer ladicte terre de Poperinghes pure voisine en justice a ceulx de nostredicte ville dYppre, attendu quil estoit notoire, que les quattre membres de Flandres, dont nostredicte ville dYppre en estoit lun, avoient la prerogative et regart pour le bien publicque sur toutes les autres villes et villaiges et les habitans de nostredit pays, entre lesquelles villes estoit ledit lieu de Poperinghes, assez pres de nostredicte ville dYppre, et a ceste cause avoient lesdiz deffendeurs et leursdiz bourgois plusseurs loix, usaiges et coustumes, desquelles ilz avoient use et usoient par tout ledit pais de Flandres, et mesmement en ladicte kuere de Poperinghes et es marches a lenviron, par tel et si longtemps, que lesdictes coustumes estoieut tenues prescriptes et attribuoient jurisdiction ausdiz deffen- deurs; et entre les autres, que, se aucun bourgois avoit receu playe dedens ladicte kuere de Poperinghes, et quil en estoit venu faire ostencion pardevant les eschevins dYppre, iceulx eschevius en avoient la congnoissance et non point lesdiz de Poperinghes; par quoy il estoit notoire et apparoit clerement, que iceulx de Poperinghes nestoient pas voisins en justice ausdiz dYppre deffendeurs; et quant a la porcion, que paient lesdiz de Poperinghes en nosdictes aydes et subvencions, qui estoit telle que de soixante sept deniers lun, comme ilz maintenoient, ilz ne paioient que de cent livres, qui se levoient sur nostredit pays, que xxx solz, et ceulz dYppre desdiz cent livres paioient vin 1. xi s. vu deniers ou qui estoit plus que ne montoit la part et porcion des хnа meilleures villes fermees de tout nostredit pays de Flandres, exepte noz villes de Gand et Bruges; laquelle charge iceulx dYppre ne pourroient supporter, se nestoit quilz peussent joir et user franchement de leursdiz previleges, droiz, coustumes et usaiges; car, au moien diceulx, plusseurs personnes y venoient habiter et se faisoient bourgois de nostredicte ville, lesquelles sen partiroient de logier, silz ne povoient joir des franchises de leurdicte bourgoisie, qui seroit la destruction dicelle nostre ville et porteroit grant interest a nous et a tout nostredit pays de Flandres, ainsi que maintenoient lesdiz deffendeurs, avec plusseurs autres raisons et moiens declairez en leurs escriptures; concluans aussi comme dessus. Lesquelles parties ainsi oyes bien au long dun coste et dautre, en tout ce quelles vouldrent dire, proposer et alleguer, pardevant nosdiz commiz sur le fait de nosdiz demaiues et fmances, icelles aient este appoinctees a escripre par faiz contraires, chascune tendant a ses fins et conclusions, et leurs escriptures sur ce mettre pardevers la court, endedens certain jour lors a venir; auquel jour, apres ce que icelles parties aient servi de leursdictes escriptures, nous aions ordonne et appoinctie, que sur lesdiz faiz desdictes parties proposez et niez dun coste et dautre, contenuz en leursdictes escriptures, seraient faictes en- questes par certain nostre commissaire avec ung adjoinct non suspect, en donnant povoir audit commissaire de instruire le proces desdictes parties jusques en diffînitive exclusivement, et icelui instruit et miz en estat de jugier, rapporter

282

ou renvoier feablement cloz et seelle pardevers nous ou nosdiz commis endedens certain jour apres, pour a ung autre jour apres ensuivant oir droit par lesdictes parties sur ladicte cause et proces ou autre tel appoinctement quil appartiendra par raison; en ensuivant lequel appoinctement nostredit commissaire, avec ung adjoinct non suspect, ait fait ladicte enqueste, au surplus ait instruit leurdit proces jusques en diffinitive exclusivement, sauf les faiz contenuz es reproches et salvacions desdictes parties, et icelui renvoie pardevers nous ou nosdiz commis, feablement cloz et seelle, comme il appartient; et ce fait, apres ce que icelles parties ont veu et recongneu leurs pieces et remercie a plus produire, nous aient supplie et requis de jugier par diffinitive ledit proces et leur faire droict, veu icelui se faire se povoit bonnement et sans faire examen sur lesdiz faiz desdiz reproches et salvacions. Savoir faisons, que, veues et visitees les escriptures et enquestes desdictes parties, ensemble toutes lettres, tiltres, previleges, munimens et autres enseignemens, quelles ont voulu produire et exhiber, et considere tout ce que fait a veoir et considerer en ceste partie et qui peut mouvoir, nous, a grande et meure deliberacion de conseil, avons par ceste nostre sentence diffinitive et pour droit dit et declaire, disons et dechirons, que ledit proces se peut jugier sans faire examen sur reproches et salvacions. Et avons dit et disons, que lesdiz demandeurs se sont bien doluz et complains desdiz deffendeurs, et quilz ont a bonne cause obtenu lesdictes lettres de mandement desdictes gens de nostre chambre de conseil en Flandres, et icelles fait executer, que lesdiz deffendeurs se sont mal opposez; et avons revocque et miz, revocquons et mettons au neant lesdictes lettres par eulx escriptes ausdiz Lamsin de Hoverdere, Vincent de Hane, Lamsin Lodyc et autres kuerfreres de Poperinghes dessuznommez; et avec ce avons declaire et declairons ledit ban estre nul et de nulle valeur; et en tant que mestier est, lavons revocque et miz, revocquons et meltons au neant, comme indeuement fait et par non juges; et avons deffendu et deffendons ausdiz de nostre ville dYppre de doresenavant faire le semblable; et les avons condempne et condempnons es interestz et dommaiges soustenuz a ceste cause par lesdiz Lamsin de Hoverdere, Vincent le Hane, Lamsin Lodyc et leurs consors, kuerfreres, banniz comme dit est; cest assavoir au prouffit desdiz jadiz vivans et des hoirs de ceulx diceulx bannis depuis ledit ban trespassez; en deboutant iceulx deffendeurs desdictes fins de non recevoir de congie de court et de despens par eulx quises a lencontre desdiz demandeurs; et au surplus les avons aussi condempnez et condempnons pour lesdiz excez et abuz a nostre prouffit en lamende de quattre cens lyons dor, et es despens faiz et soustenuz par iceulx demandeurs en la poursuite de ceste presente cause et a loccasion dicelle, la tauxacion diceulx despens et desdiz dommaiges et interestz a nous reservee. Et avons absolz et absolvons iceulx dYppre deffendeurs des conclusions prinses par lesdiz demandeurs, affin de amende honnourable et prouffitable. En tesmoing de

253

ce, nous avons fait mectre nostre seel a ces presentes. Donne en nostre ville de Valenciennes, le xviir5 jour de novembre, lan de grace mil quattrecens soixante et ung.

Original. Sceau enlevé.