173.

In nomine Domini. Amen. Per hoc presens publicum instrumentum cunctis pateat evidenter et sit notum, quod anno a Nativitate ejusdem Domini millesimo quadringentesimo octuagesimo tertio, indictione prima, mensisjunii die unde cima, pontificatus sanctissimi in Christo patris et do mini nostri, domini Sixti divina Providentia pape quarti anno duodecimo , in mei notarii publici testiumque infrascripto rum ad hec specialiter vocatorum et rogatorum presentia personaliter constituti venerabiles ac discreti viri, magister Ghilenus Jansonne, alias Merseman,

2S9

rector parrochialis ecclesie sancti Bertini Popringensis ex una, ac Silvester de Burgues, clericus seu pensionarius, ut et tanquam procurator ad hec sufficienter fundat'us scabinorum et coreariorum dicti loci Popringensi in certo et competenti numero ibidem presentium ac nomine et representante comitatera ejusdem loci partibus ex altera, dixerunt et recitaverunt, quod, cum alias certa lis seu contro versia coram venerabil i et circumspecto viro domino ofliciali Morinensi, tune Yppris residenti, inter ipsas partes aut earum procuratores, de et super sallario et repremiatione exequiarum nonnullarum personarum in dicta parrochia sancti Bertini Popringensi defunctarum, mota fuisset; in qua quidem lite seu controversia per contumaciam usque adeo processum extiterit, quod prelibatus dominus officialis suam diflinitivam sentenciam super eorumdem sallario, condemnatione et taxatione pro prefato magistro Ghileno contra et adversus singulos heredes et personas hujusmodi exequias solvere debentes, sub data anni millesimi quadringentesimi octuagesimi, ferie secunde post festum Simonis et Jude, promulgasset; cumque etiam postmodum vel interim, dum preraissa agerentur , lis seu questionis materia inter supradictas partes seu earum procuratores, in camera consilii Flandrensis, de et super eodem sallario exequiarum agitata fuisset, et in ea ad eorum scabino rum , coreariorum ac comitatis Popringensis seu eorum procuratores instantiam intimatum processum fuerit, quod iidem scabini et corearii etiara per contumaciam et ob non comparitionem sententiam diflinitivam pro se et contra partem sibi adversam tandem reportassent, prout in litteris patentibus desuper confectis sigillo- que ejusdem camere consilii sigillatis, sub data decime septime diei mensis decembris anni octuagesimi secundi novissime preteriti, latios dicitur contineri. Quibus siquidem rebus, sie ut prefertur, enarratis, iidem magister Ghilenus et Silvester nominibus quibus supra, non vi, dolo, metu, fraude seu aliqua sinistra machi- natione seducti vel circumventi, sed spoute, attendentesque et animis suis revolventes quantum periculi quantumque darapni civilia bella atque intestine discordie pluribus attulerint, et maxime interveniente consilio et adhortatione reverendi in Christo patris et domini, domini Johannis de Lannoy, abbatis monasterii sancti Bertini, ac domini temporalis prefati loci de Popringhes, ad hanc ami- cabilem unionem, concordiam et compositionem devenerunt, videlicet quod hujus modi litibus et controversiis prorsus e medio sublatis, postpositis, extinetis atque sopitis, dictisque sententiis, monitionibus, excommunicationibus, executionibus et processibus exinde secutis, cassatis, annullatis et penitus revocatis , quas dicte partes sententia et proposito predictis expresse extinxerunt, sopiverunt, cassarunt, annullarunt et revocarunt, ac eas pro extinetis, cassatis, annullatis, sopitis et revocatis, ac pro non factis haberi voluerunt, expensis dictarum litum hincinde compensais eedem partes eximere in antea se fraterno, cordiali tít amicabili favore prosequentur, neque altera alteram, dictarum sententiarum et prosecutionum pretextu ullis futuris temporibus quolibet molestabit; quinymo

260

dicte partes, necnon domini Georgius de Zwaerte, beate Marie, et Stephanus de Melenare, sancti Johannis parrochialium ecclesiarum Popringensium curati, ad omnia prenarrata presentes et consentientes, ac, ut ad eos et eorum quemlibet in futurum tangit seu tange re posset, expresse promiserunt, et unacum dicto magistro Chileno quilibet eorum promisit pro se suisque heredibus et successoribus presentibus et futuris, quod imposterum super hujusmodi sallario exequiarum ipsi et quilibet eorum in futurum ita amicabiliter se habebunt, quod neutri eorum supererit materia conquerendi. Quod, si forte posthac hujusmodi sallariorum ratione antiquam inter ipsas partes controversiam oriri contigerit, tenebuntur eedem partes prout et facere promiserunt, primo, et antequam aliquis suscitet causam seu questionem coram aliquo judice, adire prelibatum dominum abbatem aut in ejus absentia prepositum dicti loci de Poperinghes, qui pro tempore fuerit, cum aliquibus de justicia deputandis, qui ipsam discordiam sine strepitu et figura judicii, si fieri potest, terminabunt; si vero dictus abbas , prepositus et de justicia deputandi prefati dictas partes concordare nequiverint, licebit utrique earum prosequi et tueri jussuum, ubi eis libuerit, et ordo dictaverit rationis. Quod, si non adito aut inconsulto eodem domino abbate, preposito et deputandis predictis, altera dictarum partium, occasione sallariorum predictorum, coram quc- cumque judice alteram partem in causam trahere presumpserit ante hujusmodi comparitionem, presens hoc faciens incurret ipso facto summam decem librarum Flandrensium pro una ecclesie in cujus territorio id fieri contigerit et altera ejusdem summe medietatibus prelibati domini abbatis usibus applicandam; quam quidem summam eedem partes eo in casu incurrere voluerunt et consenserunt. Et pro premissis omnibus et singulis, sic ut premittitur, tenend is et inviolabiliter ademplendis, dicte partes se suosque heredes et successores ac bona et suorum heredum ac successorum mobilia et immobilia presentia et futura efficaciter cohertioni et jurisdictioni prelibati domini abbatis submiserunt et obligarunt; de et super premissis omnibus et singulis dicte partes sibi a me notario publico infrascripto unum vel plura publicum seu publica fieri petierunt, et quelibet earum petiit instructum et instructa. Acte fuerunt hec in domo habitationis prefati domini abbatis sancti Bertini sita in dicto oppido Popringense, in quadam camera, in qua dictus prepositus inhabitare solet, sub anno, die, mense et pontificatu quibus supra , presentibus ibidem venerabilibus et discretis viris dominis et magis- tris: Johanne Ogier, presbitero; Ludovico le Mire, in jure civili licentiato,

ballivo monasterii sancti Bertini; Luciano Knibbe, ballivo Popringense;

Guillelmo Stralin et Johanne Baron, pluribusque aliis testibus, ad hoc vocatis specialiter atque rogatis.

Et ego Marandus Damiet, clericus Morinensis, publicus apostolica et imperial i auctoritatibus notarius juratus.

261

Quia premissis omnibus et singulis, dum et prout supra- scribuntur, agerentur, dicerentur et fierent, unacum prenominatis testibus presens interfui, caque sic fieri Monogramme du notaire, vidi, scivi et audivi, a�? in notam sumpsi; ex qua hoc presens publicum instrumentum manu alterius, me aliis preoccupatus negociis, fideliter scriptum exinde confeci, et in hanc publicam formam redegi, signoque et nomine meis solitis manu mea propria subscribente signavi, in fidem, robur et testimonium veritatis premissorum requi- situs specialiter et rogatus.

Original. Sans sceau.