78.

Universis presentes litteras inspecturis, frater W., Dei permissione abbas sancti Winnoci Bergensis, et H., decanus Christianitatis Bergensis, salutem in Domino. Notum facimus, quod, cum nobilis vir et dominus G., castellanus Bergensis, deberet et teneretur ecclesie sancti Bertini in quinquaginta libris Flandrensibus propter recompensationem dotalicii, quod nobilis domina M., avia ipsius, quondam cas-

80

tellana Bergensis, in decima de Coudekerke et de Lisweghe habebat, quam decimam feodalem dictus G. legitime vendiderat ecclesie memorate, de quibus etiam quinquaginta libris annuatim in festo sancti Remigii solvendis ecclesie sancti Bertini, dictus castellanus assignamentum fecerat ad redditus suos, vide licet ad banturfh Bergensem et ad terras et redditus suos adjacentes circa mansionem suam de Dunkerka, secundum quod dictus castellanus coram nobis supradicta omnia recognovit, Stalinus de Wolveringhem predictum assignamentum ad censum recepit coram ballivo et scabinis, tam ville quam territorii Bergensis, et etiam coram nobis, pro quinquaginta libris Flandrensibus annuatim ad vitam dicte M. reddendis abbati vel ecclesie sancti Bertini in festo sancti Remigii supradicto. Ita quod si dicto termino pecuniam paratam non haberet, respectum debet habere usque ad festum beati Winnoci, nt sibi interim provideat de solutione dicte pecunie in dicto festo sancti Remigii debite facienda; de. qua etiam solutione plegios constituit et debitores, coram nobis et dictis ballivo et scabinis, erga dictum abbatem et ecclesiam suam, Willelmum de Billeke, Stephanum fratrem ejus, Noulinum Amman et Theodericum Bake, quemlibet corum in solidum, qui etiam cum dicto Stalino ad dictam solutionem plenarie faciendam, omnia bona sua ubicunque ea habeant vel habituri sint specialiter obligaverunt. Renun- ciaverunt etiam omnes predicti quantum ad hoc crucis auxilio assumpte vel etiam assumende. Promisit autem dictus castellanus fide data prefatis Stalino et ejus fidejussoribus predictum assignamentum legitime garantire, se et bona sua, que in castellania Bergensi possidet, ad hoc specialiter obligando; et actum est et condictum expresse, quod, si dictus Stalinus vel ejus plegii dampnum vel impe- dimentum, seu etiam aliquod aliud periculum in dicto assignamento vel occasione ejusdem incurrerent vel sustinerent, nullum recursum ad dictum abbatem seu ecclesiam suam habere poterunt nec debebunt, nec dictam solutionem propter aliquod impedimentum poterunt in aliquo retardare; immo si in ipsa solutione deficerent, omnem custum et dampna, que propter hoc ipse abbas vel ecclesia sustineret, restituere tenebuntur ad plenum; renunciavit insuper idem castellanus, quantum ad predicta crucis auxilio et omni alii beneficio, quod ei ad presens posset competere vel poterit in futurum. In cujas rei testimonium presentibus litteris sigillum domini episcopi Morinensis, et sigillum castellani predicti, cum sigillis nostris apponi fecimus. Datum anno Domini M° CG0 XL° septimo, mense novembri.

Original. Sceaux enlevés.

81